Matta 7:13 - Ṯarifiṯ 2020

¹³ Aḏfeṯ zi ṯewwarṯ iḥṣaren minzi ṯawwarṯ nni itawin ɣar jahennama ṯiriw aṭṭas, abriḏ nnes isheȓ. Aṭṭas iy zzayes iƹeddun.

Matta 7:13 ပူးပေါင်းရင်းမြစ်များ

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Matta 25:41

Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Matta 25:46

Aḏ raḥen yina ɣar ṯmessi iy war ixessin ƹemmarṣ. Walakin iṣebḥanen aḏ raḥen ɣar ṯuḏarṯ n ȓebda."

Matta 3:2

Iqqar-asen: "Tubem, aqa yuḏes-d ȓmulk n ujenna."

Matta 3:8

Meȓa ṯtubem ḏ ṣṣaḥ, ggeṯ ȓexḏayem ṯiṣebḥanin.

Matta 7:14

Walakin ṯawwarṯ iḥṣaren ḏ ubriḏ iqesḥen niṯni tawin ɣar ṯuḏarṯ. Ḏrus iy ɣa iƹḏun ssenni.

Luqa 14:33

Amenni ƹaweḏ war izemmar ca uȓa ḏ ijjen zzaywem aḏ yiȓi ḏ ameḥḍar inu illa meȓa ismeḥ ḏi marra min ɣares.

Luqa 9:33

Wami ƹaḏ gguren zzayes iryazen nni, indeq-d Buṭrus inna-as i Ƹisa: "A Siḏi, ḏ aṣebḥan akiḏec neqqim ḏanita. Neccin a negg ṯȓaṯa n iqiḍan, ijjen i cek, ijjen i Musa, ijjen i Ilyas." Buṭrus tuɣa ifaja, war yufi ca min ɣa yini.

Yuḥanna 10:9

Nec ḏ ṯawwarṯ, wenni zzayi ɣa yaḏfen aḏ injem. Aḏ yiȓi amecnaw ijjen n uḥuȓi itaḏef iteffeɣ itaf min ɣa icc.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

Ayṯ-Ruma 9:22

Amenni ig igga Arebbi. Wami ixes aḏ d ismeḍhar aɣḍab nnes aḏ d isbeyyen jjheḏ iy ɣares, iṣebbar aṭṭas x yinni iy xef iɣḍeb iƹni iɣerrafen nni wejḏen aḏ twarzen.

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

2 Ayṯ-Kurinṯ 6:17

X manaya iqqar Siḏi Arebbi: Ffɣem-d zi ȓwesṭ nsen ƹezȓeṯ ixef nwem, war tḥaḏaṯ ca min iǧan ḥaram. Uca nec akenniw qebȓeɣ,

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Filippas 3:19

Aneggaru nsen aḏ itwamḥa. Arebbi nsen netta ḏ aƹeddis nsen. Semɣaren ixef nsen s ȓefḍayeḥ nsen. Ȓaƹquȓaṯ nsen nnuɣen ḏi ṯmesȓayin n ddunect-a.

1 Yuḥanna 5:19

Nessen illa neccin zi Arebbi, nessen ƹaweḏ marra ddunect-a aqat swadday i ṯzemmar n Lmufsid.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Lwaḥi 20:15

Wenni war ɣar ufin ca isem nnes izemmem ḏi Lkitab n Ṯuḏarṯ qa imenḍar-d ḏi ȓebḥar n ṯmessi.

Lwaḥi 20:3

Inḍar-iṯ ḏi ȓaǧeɣ bȓa ȓaḥedd, ibelleƹ xas ṯawwarṯ icemmeƹ-it bac ssenni aȓ ṯsawent war ixeddeƹ ca ȓegnus aȓ ɣa kemmȓen aȓaf n iseggwusa nni. Menbaƹd i manayenni labud aḏ itwaḍȓeq cwayt n ȓweqṯ.