Matta 6:34 - Ṯarifiṯ 2020

³⁴ War kessiṯ bu s umnus i min ɣa iweqƹen ṯiwecca, aqa ṯiwecca aḏ iysi nniṯ s umnus i yixef nnes. Ȓhemm iy d imeḍehharen nhar nni aḏ ikfa nhar nni.

Matta 6:34 ပူးပေါင်းရင်းမြစ်များ

Matta 6:11

Uc-aneɣ kuȓ nhar aɣrum iy ɣa neḥḏaj.

Matta 6:25

X manaya aḏawem iniɣ: War kessim ca s umnus i ṯuḏarṯ nwem ƹlaḥsab min ɣa ṯeccem niɣ ḏ min ɣa ṯeswem niɣ ḏ arruḍ iy ɣa ṯeḥḏajem i ddat nwem. Minzi ṯuḏarṯ-a tseggwa ktar zi macca. Ddat-a tseggwa ktar zeg warruḍ.

Matta 6:27

Ug izemmaren zzaywem aḏ yarni s umnus nnes ɣir ṯsaƹƹat waha ḏi ȓƹumur nnes?

Luqa 10:41

Inna-as Siḏiṯneɣ: "A Marṯa a Marṯa, bnaḏem iteḥḏaja ɣir ijjen n ȓḥajeṯ. Cem ḏayem amnus txeyyaqeḏ x waṭṭas n ṯmesȓayin, Maryam ṯixḍar min iṣebḥan war ḏas itwakkes ca."

Luqa 11:3

Uc-aneɣ kuȓ nhar aɣrum iy ɣa neḥḏaj.

Luqa 12:11

Axmi kenniw ɣa awin ɣar ṯemziḏawin n Ayṯ-Israʼil niɣ ḏ ȓḥukkam ḏ imxazniyen, bȓa ma aḏ teysim amnus ḏi ȓaƹquȓaṯ nwem minzi ɣa ṯdafƹem x yixef nwem niɣ ḏ min ɣa ṯinim.

Luqa 12:22

Inna-asen Ƹisa i imeḥḍaren nnes: "X manaya aḏawem iniɣ: War kessim ca s umnus i ṯuḏarṯ nwem ƹlaḥsab min ɣa ṯeccem niɣ ḏ arruḍ iy ɣa ṯeḥḏajem i ddat nwem.

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Ayṯ-Filippas 4:6

War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

1 Buṭrus 5:7

Marra imnusen jjem-ṯen i netta minzi netta ithella ḏaywem.