Matta 6:28 - Ṯarifiṯ 2020

²⁸ Mayemmi ṯkessim amnus i warruḍ? Xzareṯ ḏi nwar n ȓexȓa mammec igga, war yarebbeȓ war itxeyyiḍ.

Matta 6:28 ပူးပေါင်းရင်းမြစ်များ

Matta 10:10

War debbarem bu uqrab x ubriḏ uȓa ḏ ṯnayen ičammiren, uȓa ḏ ṯisiȓa, uȓa ḏ aƹekkaz. Minzi wenni itbeccaren ɣares ȓḥaqq aḏ itxaȓes aɣrum nnes.

Matta 6:25

X manaya aḏawem iniɣ: War kessim ca s umnus i ṯuḏarṯ nwem ƹlaḥsab min ɣa ṯeccem niɣ ḏ min ɣa ṯeswem niɣ ḏ arruḍ iy ɣa ṯeḥḏajem i ddat nwem. Minzi ṯuḏarṯ-a tseggwa ktar zi macca. Ddat-a tseggwa ktar zeg warruḍ.

Matta 6:27

Ug izemmaren zzaywem aḏ yarni s umnus nnes ɣir ṯsaƹƹat waha ḏi ȓƹumur nnes?

Matta 6:31

War kessiṯ bu s umnus aḏ tinim, min ɣa necc? Niɣ ḏ min ɣa nsew? Niɣ ḏ min ɣa nareḍ ḏ arruḍ?

Luqa 10:41

Inna-as Siḏiṯneɣ: "A Marṯa a Marṯa, bnaḏem iteḥḏaja ɣir ijjen n ȓḥajeṯ. Cem ḏayem amnus txeyyaqeḏ x waṭṭas n ṯmesȓayin, Maryam ṯixḍar min iṣebḥan war ḏas itwakkes ca."

Luqa 12:11

Axmi kenniw ɣa awin ɣar ṯemziḏawin n Ayṯ-Israʼil niɣ ḏ ȓḥukkam ḏ imxazniyen, bȓa ma aḏ teysim amnus ḏi ȓaƹquȓaṯ nwem minzi ɣa ṯdafƹem x yixef nwem niɣ ḏ min ɣa ṯinim.

Luqa 12:22

Inna-asen Ƹisa i imeḥḍaren nnes: "X manaya aḏawem iniɣ: War kessim ca s umnus i ṯuḏarṯ nwem ƹlaḥsab min ɣa ṯeccem niɣ ḏ arruḍ iy ɣa ṯeḥḏajem i ddat nwem.

Luqa 12:27

Xzareṯ ḏi nwar n ȓexȓa mammec igga, war yarebbeȓ war itxeyyiḍ. Qqareɣ-awem nec: Uȓa ḏ azeǧiḏ Suliman, mecḥaȓ ɣares ḏ agȓa war izemmar ca aḏ yareḍ ca n warruḍ igga am nwar-a wanita.

Luqa 3:11

Yarra xasen Yaḥya inna-asen: "Wenni ɣar ǧant ṯnayen n ṯeqmijaṯin itxeṣṣa aḏ yuc icten i wenni war ɣar iǧi ca. Ƹaweḏ wenni ɣar iǧa min ɣa icc itxeṣṣa aḏ yuc i wenni war ɣar iǧi ca."

Ayṯ-Filippas 4:6

War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

1 Buṭrus 5:7

Marra imnusen jjem-ṯen i netta minzi netta ithella ḏaywem.