Matta 6:19 - Ṯarifiṯ 2020

¹⁹ War snuffureṯ ca ȓkenz nwem ḏi ddunect-a mani yarecca tettent-ṯ ṯkeccawin ḏ mani ǧan iceffaren ccaṯen nqabeṯ tacaren-ṯ.

Matta 6:19 ပူးပေါင်းရင်းမြစ်များ

Matta 19:21

Inna-as Ƹisa: "Meȓa ṯexseḏ aḏ teggeḏ kuȓci nican, ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ijjen n ȓkenz ḏeg ujenna, ȓexddenni araḥ-d cek ḏfar-ayi-d."

Matta 6:20

Walakin snuffareṯ ȓkenz nwem ḏeg ujenna mani war yarecci ca war ṯ tettent ca ṯkeccawin ḏ mani war ǧin ca iceffaren ccaṯen nqabeṯ tacaren-ṯ.

Luqa 12:21

Amenni iy ɣa yiȓi wenni ijemmƹen agȓa i yixef nnes waha war ijemmeƹ ca i Arebbi."

Luqa 12:33

Zenzeṯ agȓa nwem, ṣeddqem-ṯ. Ggeṯ ṯicemmusin n tmenyaṯ iy war ifennin ca niṯenti ḏ ijjen n ȓkenz ḏeg ujenna war iqeṭṭin ca. War itqarrib ca ḏinni uceffar, ṯikeccawin war ṯ tettent ca.

Luqa 12:39

Itxeṣṣa-awem aḏ tessnem manaya: Mȓi bab n ṯeddarṯ issen ṯsaƹƹat iy ḏi d ɣa yas uceffar, iȓi war ṯ itijji ca aḏ d yaḏef ṯaddarṯ nnes.

Luqa 18:22

Ƹisa wami isȓa i wawaȓ nnes inna-as: "Qa ṯeqqim-ac ijjen n ȓḥajeṯ war t ṯeggiḏ ca. Ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ȓkenz ḏeg ujenna, ȓexddenni araḥ-d cek ḏfar-ayi-d."

Luqa 18:24

Ixzar ḏayes Ƹisa inna: "Mecḥaȓ iqseḥ xasen x twajar aḏ aḏfen ȓmulk n Arebbi.

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

Iƹibraniyen 13:5

Aḏ tƹicem bȓa ma aḏ tḥibbem tmenyaṯ, aḏ tqenƹem s min ɣarwem. Arebbi s yixef nnes inna qa ƹemmarṣ ac jjeɣ, ƹemmarṣ aḏayek semḥeɣ.