Matta 6:13 - Ṯarifiṯ 2020

¹³ War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Matta 6:13 ပူးပေါင်းရင်းမြစ်များ

Matta 26:41

Iȓim ƹlabal ẓẓaǧem ḥima war tiḏfem ca ḏi ȓemḥayen. Uȓ n bnaḏem iwjeḏ walakin ddat nnes ṯeḍƹef."

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Matta 5:37

Aḏ yiȓi wawaȓ nwem wah niɣ lla. Marra min ɣa ṯinim ḏ zzyada, ataf aẓwer nnes zi Cciṭan.

Matta 6:10

Aḏ d yas ȓmulk nnec, aḏ ggen ȓxaḍar nnec ḏi ṯmurṯ, mamc teggen ḏeg ujenna.

Yuḥanna 17:15

Nec war ḏac tettareɣ ca aṯen ṯsufɣeḏ zi ddunect-a; Lla, tettareɣ-ac aṯen teḥḍiḏ zi ccarr.

1 Ayṯ-Kurinṯ 10:13

Ṯimesȓayin nni ṯinni ig itiȓin ȓebda ak bnaḏem ḏ ṯinni iy kenniw itɣarran. U Arebbi netta ḏayes ttiqeṯ, war kenniw itejji ca aḏ twaɣarram s min war ṯzemmarem aḏ teṣbarem; Lla, aḏawem iḏebbar ijjen n ṯewwarṯ ḥima aḏ teṣbarem i manayenni.

1 Ayṯ-Kurinṯ 14:16

Meȓa ṯcekkareḏ Arebbi s arruḥ waha, wenni iy ɣarwem d yusin s zziyara war izemmar aḏ yini amin x ccuker nnec liʼanna war issin ca min ṯeqqareḏ.

2 Ayṯ-Kurinṯ 1:20

Liʼanna netta ḏayes iy iqqar Arebbi i marra ṯimesȓayin iy iƹaheḏ Arebbi. S manaya zi Ƹisa neqqar i lƹaḍama n Arebbi.

Ayṯ-Galaṭya 1:4

Lmasiḥ iṣeddeq ixef nnes x ȓmuƹṣiyeṯ nneɣ s ȓxaḍar n Arebbi Babaṯneɣ ḥima aḏaneɣ isenjem zi zman-a aƹeffan iy ḏi neǧa.

1 Ayṯ-Salunik 1:10

Ḥima aḏ trajam Mmis iy d ɣa yasen zeg ujenna wenni iy d isekkar Arebbi zeg imettinen iƹni Ƹisa iy ḏaneɣ isenjamen zeg uɣḍab nni iy d ɣa yasen.

2 Ayṯ-Salunik 3:3

Walakin Siḏiṯneɣ ḏayes ttiqeṯ, akenniw isejheḏ akenniw iḥḍa zi ccarr.

1 Timutawus 1:17

Azeǧiḏ nneɣ aɣares ṯiȓi lƹaḍama i ȓebda n ȓebdaṯ, wenni ƹemmarṣ aḏ ifna ƹemmarṣ aḏ immeṯ wenni war ṯ itwiȓi ḥadd wenni iǧan ḏ Arebbi waḥḏes. Amin.

Iƹibraniyen 11:36

Ȓebƹaḍ n yiwḏan ḥeggaren-ṯen, uwṯin-ṯen s usɣun, carfen-ṯen s snaseȓ, ḥebbsen-ṯen.

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

2 Buṭrus 2:9

Ammu ƹaweḏ issen Arebbi aḏ isenjem yinni iy ḏas itṭaƹan zi ȓemḥayen iy xasen d itekken. Issen ƹaweḏ aḏ iqenn yinni iƹeṣṣan swadday lḥukem nnes ḥetta aȓ Yum Lḥisab ḏ Lƹiqab.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

Lwaḥi 19:1

Menbaƹd i manaya sȓiɣ i yijjen n ṯmijja amecnaw ṣṣut n waṭṭas n yiwḏan iǧan ḏeg ujenna, ṯeqqar s jjheḏ: "Ḥemḏeṯ Arebbi! Asenjem ḏ lƹaḍama ḏ jjheḏ i Arebbi nneɣ.

Lwaḥi 19:4

Arbeƹa u ƹicrin n imɣaren ḏ arbeƹa n lmexluqaṯ sejjḏen i Arebbi iqqimen x lƹarc, qqaren: "Amin! Ḥemḏeṯ Arebbi!"

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

Lwaḥi 21:4

Aḏ imseḥ kuȓ ameṭṭaw zi ṯiṭṭawin nsen. War tɣimi ca ƹaḏ ȓmewṯ niɣ ḏ lḥuzen niɣ ḏ imeṭṭawen niɣ ḏ ȓeḥriq. Aqa ṯimesȓayin nni ṯimezwura ṣafi twakksent."

Lwaḥi 3:10

Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.

Lwaḥi 3:14

Ari-yas i lmalaʼika n jmaƹṯ n ȓmuminin iy iǧan ḏi ṯendint n Lawdukya, ini-yas qa wenni umi qqaren Amin, netta ḏ ccaheḏ ḏayes ȓaman ḏayes ȓḥaqq, zzayes iy d ixȓeq Arebbi marra, iqqar-ac:

Lwaḥi 5:13

Ṯumma sȓiɣ i kuȓ lmexluq iǧan ḏeg ujenna ḏ ṯmurṯ ḏ swadday i ṯmurṯ ḏ ȓebḥar ḏ marra min ḏaysen qqaren-asen i wenni iqqimen x lƹarc uȓa ḏ Yizmar: "Aɣarwem yiȓi lḥamed ḏ uweqqar ḏ lƹaḍama ḏ ȓeḥkam i ȓebda n ȓebdaṯ!"