Matta 6:1 - Ṯarifiṯ 2020

¹ Ɣarwem aḏ teggem ȓxir zzaṯ i yiwḏan ḥima akenniw ẓren, ataf war ɣarwem itiȓi bu lʼajar zi Babaṯwem iǧan ḏeg ujenna.

Matta 6:1 ပူးပေါင်းရင်းမြစ်များ

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 16:6

Inna-asen Ƹisa: "Ɣarwem! Ḥḍam ixef nwem zeg untun n lʼaḥzab n ifarrisiyen ḏ iṣadduqiyen."

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Matta 23:5

Marra min teggen ḥima aɣarsen xzaren yiwḏan. Teggen ȓeḥruz ḏ imeqqranen, arennin ṯicȓuȓin i izeǧaben nsen.

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 5:16

Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Matta 5:46

Meȓa kenniw texsem ɣir yinni iy kenniw itexsen, man lʼajar iy ɣarwem kenniw? Ma war iǧi amenni iy teggen uȓa ḏ iƹeccaren?

Matta 5:48

Iȓiṯ nican qaƹ, amecnaw mamc iǧa Babaṯwem ḏeg ujenna.

Matta 6:16

Xmi ɣa ṯẓummem, war teggem ca amecnaw mammec teggen lmunafiqin. Txeyyaqen ḥima marra iwḏan aṯen ssnen belli ẓummen. Aqa tesȓam ȓḥaqq: Ataf war ɣarsen itiȓi bu lʼajar.

Matta 6:9

Ha mammec iy ɣa ṯeẓẓaǧem: A Babaṯneɣ iǧan ḏeg ujenna, ḏ ameqqran ig iǧa yisem nnec.

Marqus 8:15

Iweṣṣa-aṭen Ƹisa inna-asen: "Cuf! Ḥḍam ixef nwem zeg untun n ȓḥizeb n ifarrisiyen ḏ untun n uzeǧiḏ Hirudus."

Luqa 11:35

Ḥḍa ixef nnec mliḥ ḥima nnur iy ḏayek war itḏewwiȓ ca ḏ ṯaǧest.

Luqa 12:1

Ȓexddenni munen aṭṭas n uȓufaṯ n yiwḏan aȓ wami ḏewȓen ƹeffsen x wayawya. Ibḏa Ƹisa iqqar-asen i imeḥḍaren nnes: "Ḥḍam ixef nwem zi nnifaq n ȓḥizeb n ifarrisiyen iǧan am untun.

Luqa 12:15

Inna-asen: "Ḥḍam ixef nwem, beƹƹḏeṯ x ṭṭmaƹ minzi ṯuḏarṯ n bnaḏem war tiȓi ca s waṭṭas n wagȓa."

Luqa 16:15

Inna-asen Ƹisa: "Kenniw ḏ yinni iy irezzun aḏ ucen ȓḥaqq x yixef nsen zzaṯ i yiwḏan, walakin Arebbi issen min ɣarwem ḏeg wuȓawen nwem. Min itarran bnaḏem ɣares lqima, ataf manayenni ḏ aƹeffan aṭṭas ɣar Arebbi.

Yuḥanna 12:43

Aqa rezzun arḍa n yiwḏan ktar zi arḍa n Arebbi.

Yuḥanna 5:44

Mammec ɣa ṯeggem aḏ tamnem? Iwa kenniw texsem lƹaḍama n wayawya, war ṯrezzum ca x lƹaḍama n Arebbi aweḥḏani.

Ȓexḏayem 3:12

Wami ṯen iẓra Buṭrus inna-asen: "Ay iryazen n Ayṯ-Israʼil, mayemmi ṯetƹejjbem x manaya? Mayemmi ḏayneɣ txezzarem ammu? Ma tfekkarem s jjheḏ nneɣ niɣ s ṭṭaƹa nneɣ iy zi narra aryaz-a iggur?

Ayṯ-Galaṭya 6:12

Yinni irezzun aḏ ftaxaren zi ddat, iƹni min war iǧin ca zi Arruḥ iqeddsen, niṯni tbessaȓen xawem bac aḏ teggem ṭṭahareṯ n Musa. Mayemmi? Ɣir rezzun niṯni war tƹeddiben ca x ssabab n ṣṣalib n Lmasiḥ.

Iƹibraniyen 11:26

Ifhem meȓa seḥqaren-ṯ ƹlaḥsab Lmasiḥ iƹni manayenni ɣares lqima ktar zi min ɣarsen ḏ lkunuz ḏi Miṣra. Aqa netta ixezzar ɣar zzaṯ ḏi ljaʼiza nnes.

Iƹibraniyen 2:1

X manaya labud a d narr ȓbaȓ nneɣ i min netsȓa bac war nteffeɣ ca abriḏ.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

2 Yuḥanna 1:8

Ḥḍam ixef nwem ḥima aḏ trebḥem ljaʼiza nwem ṯekmaȓ maci aḏ texsarem minxef nxeddem.