Matta 5:9 - Ṯarifiṯ 2020

⁹ Ssaƹḏ nsen i yinni iṣeǧḥen iwḏan, aqa niṯni aṯen semman amecnaw ṯarwa n Arebbi.

Matta 5:9 ပူးပေါင်းရင်းမြစ်များ

Matta 5:45

ḥima aḏ tiȓim ḏ ṯarwa n Babaṯwem iy iǧan ḏeg ujenna. Ȓaḥeqqac itsummur-d ṯfuct x yinni iṣebḥanen ḏ yinni iƹeffanen. Iticc anẓar i yinni iteggen ȓxir ḏ yinni iteggen ccarr.

Matta 5:48

Iȓiṯ nican qaƹ, amecnaw mamc iǧa Babaṯwem ḏeg ujenna.

Luqa 20:36

War zemmaren ca aḏ mmṯen, aḏ iȓin amecnaw lmalaʼikaṯ. Niṯni ḏ ṯarwa n Arebbi, xeȓqen-d ḏi Yum Lqiyama.

Luqa 6:35

Walakin xseṯ ȓƹaḏyan nwem, ggeṯ ḏaysen ȓxir. Reḍȓeṯ war trajaṯ walu. Uca aɣarwem yiȓi lʼajar ḏ ameqqran, aḏ tiȓim ḏ ṯarwa n Arebbi Yuƹȓan. Minzi netta ḏ aṣebḥan ak yinni war ṯ itcekkaren ca ḏ yinni iteggen ccarr.

Ȓexḏayem 7:26

Ṯiwecca nnes yufa ṯnayen israʼiliyen tmenɣan jarasen, ixes aṯen ismeṣȓaḥ inna-asen: Kenniw ḏ awmaṯen, mayemmi tƹeddam x wayawya?

Ayṯ-Ruma 12:18

Ƹlaḥsab kenniw, meȓa mumken ggeṯ aḏ tiȓim ḏi ȓehna ak yiwḏan marra.

Ayṯ-Ruma 8:14

U yinni iḏeffaren Arruḥ n Arebbi, ḏ yinni iy iǧan ḏ ṯarwa n Arebbi.

Ayṯ-Ruma 8:16

Iƹni Arruḥ n Arebbi s yixef nnes ig iṣaḥḥen ḏi arruḥ nneɣ belli neccin ḏ ṯarwa n Arebbi.

Ayṯ-Ruma 8:19

Aqa marra min d itwaxeȓqen ḏaysen mezȓi ḏ ameqqran trajan aḏ ẓren ṯsaƹƹat nni iy ḏi d ɣa banen ṯarwa n Arebbi.

1 Ayṯ-Kurinṯ 6:6

Walakin maci mliḥ awmaṯen temcarraƹen ak wayawya zzaṯ i yinni war yuminen ca.

2 Ayṯ-Kurinṯ 13:11

Ṣafi ay ayṯma, farrḥeṯ. Ṣeȓḥeṯ ibriḏen nwem nican. Tṣennaṭeṯ ɣari min ḏawem qqareɣ. Iȓiṯ ḏ ijjen ḏi array nwem. Tƹiceṯ ḏi ȓehna. Arebbi nneɣ n ȓemḥibbeṯ ḏ ȓehna aḏ yiȓi akiḏwem.

2 Ayṯ-Kurinṯ 5:20

Falihaḏa neccin ḏ lmubcirin n Lmasiḥ, Arebbi issekk ṭṭalab nnes x ufus nneɣ. Nṭalab-ikenniw ƹlaḥsab Lmasiḥ aḏ temṣȓaḥem ak Arebbi.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

Ayṯ-Filippas 4:2

Tettareɣ i suyṯmaṯneɣ Ṯudya ḏ Ṯinticya bac aḏ yiȓi array nsent ḏ ijjen ak Siḏiṯneɣ.

Ayṯ-Kulus 3:13

Ṣbareṯ ak wayawya. Meȓa can yijjen zzaywem ɣares can lmuckil iy zzayes ɣa iceṯca x unneɣni, itxeṣṣa ijjen aḏ ismeḥ i unneɣni. Mammec ḏawem iɣfar Arebbi i kenniw, amenni iy ɣa ṯsemḥem i yiwḏan.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.