Matta 5:46 - Ṯarifiṯ 2020

⁴⁶ Meȓa kenniw texsem ɣir yinni iy kenniw itexsen, man lʼajar iy ɣarwem kenniw? Ma war iǧi amenni iy teggen uȓa ḏ iƹeccaren?

Matta 5:46 ပူးပေါင်းရင်းမြစ်များ

Matta 11:19

Yusa-d Mmis n bnaḏem itett isess war itẓummi ca, nnan qa wanita itett isess aṭṭas, ƹaweḏ netta ḏ ameddukeȓ n iƹeccaren ḏ yinni iƹeṣṣan. Innama, ȓefhameṯ n Arebbi qebbȓen-teṯ marra yinni ifehhmen."

Matta 18:17

Walakin meȓa yugi aɣarsen iṣenneṭ, ini-ṯ i jmaƹṯ n ȓmuminin. U meȓa yugi aɣarsen iṣenneṭ, ḥseb-iṯ ḏ ȓkafer niɣ ḏ axeddaƹ.

Matta 5:47

Meȓa tseǧamem ɣir x imeddukaȓ nwem, iwa min teggem ḏ zzyada? Aqa uȓa ḏ ȓkuffar teggen manaya!

Matta 6:1

Ɣarwem aḏ teggem ȓxir zzaṯ i yiwḏan ḥima akenniw ẓren, ataf war ɣarwem itiȓi bu lʼajar zi Babaṯwem iǧan ḏeg ujenna.

Marqus 2:15

Iqqim Ƹisa ḏi ṯeddarṯ n Lawi, itett netta ḏ imeḥḍaren nnes. Aṭṭas n iƹeccaren ḏ yinni iƹeṣṣan zaƹma qqimen tetten akiḏes ȓaḥeqqac aṭṭas n yiwḏan iy ṯ iḏeffaren.

Marqus 2:16

Can imseȓmaḏen n ccariƹa zi ȓḥizeb n ifarrisiyen ufin Ƹisa itett ak iƹeccaren ḏ yinni iƹeṣṣan zaƹma, nnan i imeḥḍaren nnes: "Mayemmi itett netta ak iƹeccaren ḏ yinni iƹeṣṣan?"

Luqa 15:1

Marra yinni iǧan ḏ iƹeccaren ḏ yinni iƹeṣṣan qarrben-d ɣar Ƹisa ḥima aḏas ṣennṭen.

Luqa 18:13

Walakin wenni ijemmƹen ḍḍariba ibedd ɣar ȓeggwaj. War izƹim ḥetta aḏ iysi ṯiṭṭawin nnes ɣar ujenna, iccaṯ ḏeg wuȓ nnes inna: Ya Arebbi, rḥem-ayi nec ḏ lƹaṣi!

Luqa 19:2

Ḏinni ijjen n uryaz ḏ ttajar zeg imeqqranen n iƹeccaren qqaren-as Zaki.

Luqa 19:7

Iwḏan marra ẓrin manaya bḏan tgemgumen nnan qa yuḏef Ƹisa aḏ iqqim ḏi ṯeddarṯ n yijjen n uryaz ḏ lƹaṣi!

Luqa 3:12

Usin-d ɣares ȓebƹaḍ zeg yinni ijemmƹen ḍḍariba bac aḏ twaṭehharen s waman nnan-as: "A Lmuƹallim, min ɣa negg neccin?"

Luqa 5:29

Igga-as Lawi ijjen n zarrdeṯ ḏ ṯameqqrant ḏi ṯeddarṯ nnes. Ḥḍaren akiḏsen aṭṭas n iƹeccaren ḏ inneɣni iy qqimen akiḏsen aḏ ccen.

Luqa 5:30

Ceṯcan zzayes ȓḥizeb n ifarrisiyen ḏ imseȓmaḏen n ccariƹa nnan-asen i imeḥḍaren nnes: "Mayemmi tettem ṯsessem ak iƹeccaren ḏ yinni iƹeṣṣan?"

Luqa 7:29

Marra iwḏan tesȓan xas, uȓa ḏ iƹeccaren niṯni s yixef nsen ƹtarfen belli manaya iǧa nican minzi niṯni twaṭehharen s waman ƹlaḥsab Yaḥya.

Luqa 7:34

Yusa-d Mmis n bnaḏem itett isess war itẓummi ca. Kenniw ṯennim aqa bnaḏem-a itett isess aṭṭas, ƹaweḏ netta ḏ ameddukeȓ n iƹeccaren ḏ yinni iƹeṣṣan.