4 Ssaƹḏ nsen i yinni itrun, aqa aḏ twacejjƹen.
Inna-as Brahim: Ƹqeȓ a mmi inu, cek ṯeysiḏ ȓḥaqq nnec zi ȓxir ḏi ṯuḏarṯ nnec, Liƹazar iƹic mƹaddeb. Ȓexxu netta aqaṯ ḏa mliḥ, cek aqac ḏi ȓaƹḏab.
Ssaƹḏ nwem a yinni iǧuzen, aqa aḏ tejjawnem. Ssaƹḏ nwem a yinni itrun, aqa aḏ tḍeḥcem.
Ya ȓefḍiḥeṯ nwem a yinni ijjiwnen ȓexxu, minzi akenniw iȓqef jjuƹ. Ya ȓefḍiḥeṯ nwem a yinni iḍeḥcen ȓexxu, minzi aḏ txeyyqem aḏ trum.
Ṯeqqim ɣar ḏeffar n Ƹisa ɣar iḍaren nnes ṯebḏa ṯetru wḍan-as imeṭṭawen nnes x iḍaren n Ƹisa. Ṯruḥ ṯemseḥ-iṯen s ucewwaf nnes, ṯseǧem-iṯen ṯeḏhen-iṯen s waman n lwarḏ.
Inna-as Ƹisa i ṯemɣarṯ nni: "Cem isenjem-icem lʼiman nnem, ruḥ ḏi ȓehna."
Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.
Aḏ imseḥ kuȓ ameṭṭaw zi ṯiṭṭawin nsen. War tɣimi ca ƹaḏ ȓmewṯ niɣ ḏ lḥuzen niɣ ḏ imeṭṭawen niɣ ḏ ȓeḥriq. Aqa ṯimesȓayin nni ṯimezwura ṣafi twakksent."
