Matta 5:37 - Ṯarifiṯ 2020

³⁷ Aḏ yiȓi wawaȓ nwem wah niɣ lla. Marra min ɣa ṯinim ḏ zzyada, ataf aẓwer nnes zi Cciṭan.

Matta 5:37 ပူးပေါင်းရင်းမြစ်များ

Matta 13:19

Ijjen itsȓa i wawaȓ x ȓmulk ujenna war ṯ itefhim ca. Iƹni netta am zzarriƹeṯ nni ig iwḍan x ubriḏ. Itraḥ Uƹeffan nni n Ibȓis, itekkes awaȓ nni itwazerƹen ḏayes ḏeg wuȓ.

Matta 13:38

Amarjeƹ netta ḏ ddunect. Zzarriƹeṯ ṯaṣebḥant nettaṯ ḏ ṯarwa n ȓmulk ujenna. Isennanen niṯni ḏ ṯarwa n Uƹeffan nni n Ibȓis.

Matta 15:19

Ȓaḥeqqac zeg wuȓ iy zi d tekkant lʼafkar ṯiƹeffanin ḏ ṯmenɣiwṯ ḏ zzna ḏ lfasad ḏ ṯukkarḏa ḏ ẓẓur ḏ ȓbaṭeȓ.

Matta 5:36

War tjaǧa bu s uzeǧif nnec, ȓaḥeqqac war ṯzemmareḏ ca aḏ tarreḏ can n uzuṭṭu ḏ acemȓaȓ niɣ ḏ abercan.

Matta 6:13

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Yuḥanna 17:15

Nec war ḏac tettareɣ ca aṯen ṯsufɣeḏ zi ddunect-a; Lla, tettareɣ-ac aṯen teḥḍiḏ zi ccarr.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Ayṯ-Ufasus 4:25

Iḏen labud kuȓ ijjen zzaywem aḏ ibeƹƹeḏ zeg ixerriqen aḏ issiweȓ s ȓḥaqq ak wajjar nnes liʼanna neccin marra ḏ ijjen n jmaƹeṯ iy neǧa.

Ayṯ-Ufasus 6:16

Aḏ teysim ȓebda lʼiman nwem am yijjen n lḥimaya x ufus iy zi ɣa ṯsexsim marra fȓičaṯ nni iḥarrqen n Uƹeffan nni n Ibȓis.

Ayṯ-Kulus 3:9

War sxerriqem ca x wayawya ȓaḥeqqac ṯbeddȓem ṭṭabiƹa nni nwem tuɣa ɣarwem qbeȓ ḏayes ixarwiḍen waha.

Ayṯ-Kulus 4:6

U labud awaȓ nwem aḏ yiȓi ȓebda iccur s arḍa imeǧḥen s ȓemȓeḥ bac aḏ tessnem mamc ɣa ṯarrem x kur ijjen.

2 Ayṯ-Salunik 3:3

Walakin Siḏiṯneɣ ḏayes ttiqeṯ, akenniw isejheḏ akenniw iḥḍa zi ccarr.

Yaƹqub 5:12

Ay ayṯma, aqa min iǧan muhim. War tjaǧam ca s ujenna niɣ s ṯmurṯ niɣ s can ṯmesȓayṯ nneɣni. Iwa, xmi ɣa ṯinim wah, iniṯ wah. Xmi ɣa ṯinim lla, iniṯ lla. Ḥima war xawem d ihewwi ca lƹiqab.

1 Yuḥanna 2:13

A ibabaṯen, nec uriɣ-awem-d ȓaḥeqqac kenniw ṯessnem wenni iy iǧan zeg umezwaru. A iƹzriyen, nec uriɣ-awem-d ȓaḥeqqac kenniw ṯɣeȓbem x lmufsiḏ nni. A iḥenjiren, nec uriɣ-awem-d ȓaḥeqqac kenniw ṯessnem Babaṯneɣ.

1 Yuḥanna 3:12

Maci a niȓi am Qabil iǧan zi Lmufsid nni iruḥ inɣa umas. Mayemmi iy ṯ inɣa? Ȓaḥeqqac ȓexḏayem nnes netta ḏ ṯiƹeffanin, ȓexḏayem n wumas ḏ ṯiṣebḥanin.

1 Yuḥanna 5:18

Neccin nessen belli marra wenni d ixeȓqen zi Arebbi war iqqim ca isxeddam ȓmuƹṣiyaṯ. Mmis iy d ixeȓqen zi Arebbi iḥeṭṭa-ṯ, war ṯ itḍarri ca Lmufsid.