Matta 5:3 - Ṯarifiṯ 2020

³ "Ssaƹḏ nsen i yinni iǧan ḏ ȓmusakin ḏeg arruḥ nsen, aqa ȓmulk ujenna i niṯni.

Matta 5:3 ပူးပေါင်းရင်းမြစ်များ

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

Matta 11:6

Ssaƹḏ n yinni war ḏayi itcekkin ca."

Matta 13:16

Walakin ssaƹd nwem kenniw wami ṯiṭṭawin nwem twaȓant, ssaƹḏ nwem wami imejjan nwem tesȓan.

Matta 19:14

Ikkar Ƹisa inna-asen: "Jjem iḥenjiren imezyanen aɣari d asen. War ḏasen tƹarraḍem ca ȓaḥeqqac ȓmulk ujenna itiȓi ɣar yinni iy iǧan am yina."

Matta 24:46

Ssaƹḏ n uxeddam nni, xmi d ɣa iḏweȓ siḏes aṯ yaf ixeddem.

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Matta 3:2

Iqqar-asen: "Tubem, aqa yuḏes-d ȓmulk n ujenna."

Matta 8:11

Aqa qqareɣ-awem: Aḏ d asen aṭṭas n yiwḏan zi ccarq ḏ ȓɣarb aḏ qqimen ak Brahim ḏ Isḥaq ḏ Yaƹqub ɣar missa ḏi ȓmulk ujenna.

Marqus 10:14

Iẓra Ƹisa manaya, war ḏas iƹjib bu ȓḥaȓ inna-asen: "Jjem iḥenjiren imezyanen aɣari d asen. War ḏasen tƹarraḍem ca ȓaḥeqqac ȓmulk n Arebbi itiȓi ɣar yinni iy iǧan am yina.

Luqa 11:28

Walakin netta inna: "Lla, ssaƹḏ n yinni itsȓan i wawaȓ n Arebbi, tṭaƹan-as."

Luqa 18:14

Aḏawem iniɣ: Wenni ijemmƹen ḍḍariba iḏweȓ ɣar ṯeddarṯ nnes mliḥ imeṣȓaḥ ak Arebbi, afarrisi nni lla. Minzi wenni isemɣaren ixef nnes, ataf aḏ yiȓi ḏ amezyan. Wenni isemzayen ixef nnes, ataf aḏ yiȓi ḏ ameqqran."

Luqa 22:29

Mamc ḏayi yuca Baba ijjen n ȓmulk i nec, uȓa ḏ nec aḏawem uceɣ ijjen n ȓmulk.

Luqa 22:30

Iƹni ḏi ȓmulk inu aḏ teqqimem akiḏi ɣar missa aḏ teccem aḏ teswem. Aḏ teqqimem x ȓƹarcaṯ ḥima aḏ tḥekmem x ṯenƹac n ṯqebbaȓ n Ayṯ-Israʼil."

Luqa 4:18

Yuḥanna 20:29

Inna-as Ƹisa: "Aȓ wami ḏayi ṯeẓriḏ, ƹaḏ iy ṯumneḏ? Ssaƹḏ n yinni war ḏayi ẓrin ca, umnen."

Yaƹqub 1:10

Itxeṣṣa-yas i ttajar ig yumnen aḏ iftaxar minzi netta isehwa-ṯ Arebbi, ȓaḥeqqac ttajar igga am nwar n arbiƹ war itdummin ca.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

Lwaḥi 19:9

Inna-ayi lmalak wenni: "Ari manaya: Ssaƹḏ n yinni itwaƹarḍen ɣar umensi n ȓfarḥ n Yizmar!" Inna-ayi ƹaweḏ: "Awaȓen-a ǧan ḏ ṣṣaḥ zi Arebbi."

Lwaḥi 22:14

Ssaƹḏ n yinni itṣebbanen ičammiren nsen, ḥima aɣarsen yiȓi ȓḥaqq ḏi ṯcejjarṯ n ṯuḏarṯ aḏ aḏfen ṯandint zi ṯewwura nnes.

Lwaḥi 3:17

Cek ṯeqqareḏ zaƹma qa nec ḏ ijjen n ttajar ggiɣ aṭṭas n wagȓa war ḥḏijeɣ walu. Iwa war ṯessineḏ ca qa cek ḏ amqeṭṭaƹ ḏ ameɣbun, ḏ imesƹi, ḏ aḏarɣaȓ, ḏ aƹeryan.