Matta 5:22 - Ṯarifiṯ 2020

²² Walakin nec qqareɣ-awem: Marra uw ɣa iƹaṣben x wumas ataf aḏ itwaḥkem. Wenni ɣa yinin i wumas: Ay aɣyuȓ, ataf aḏ itwaḥkem ḏi lmaḥkama ṯameqqrant. Ḏ wenni ɣa yinin i wumas: Ay afɣuȓ, ataf isḏaheǧ aḏ iraḥ ɣar ṯmessi n jahennama.

Matta 5:22 ပူးပေါင်းရင်းမြစ်များ

Matta 10:17

Ḥḍam ixef nwem zeg yiwḏan. Akenniw sellmen i lmaḥkamaṯ; akenniw uwṯen ḏi ṯemziḏawin nsen.

Matta 10:28

War teggwḏeṯ ca zeg yinni ineqqen ddat war zemmaren aḏ nɣen uȓa ḏ ȓaƹmar; Lla, ggwḏeṯ zi Arebbi iƹni wenni izemmaren aḏ idemmar ddat ḏ ȓaƹmar ḏi jahennama.

Matta 12:24

Tesȓan ȓḥizeb n ifarrisiyen i wawaȓ nsen nnan-asen: "Bnaḏem-a isufuɣ jnun minzi arrayes n jnun umi qqaren Bƹalzabul yuca-as jjheḏ-a."

Matta 17:5

Ƹaḏ issawaȓ Buṭrus ihwa-d xasen yijjen n useynu itseqsiq. Ṯendeq-d ijjen n ṯmijja zeg useynu nni ṯenna-asen: "Qa ḏ wanita ḏ Mmi iƹizzen, nec farḥeɣ zzayes. Ṣennṭeṯ ɣares."

Matta 18:21

Ȓexddenni iqarreb Buṭrus ɣar Ƹisa inna-as: "A Siḏi, cḥaȓ n ṯwaȓaṯin iy kiḏi ɣa ixḍa wuma bac aḏas semḥeɣ? Ma sebƹa n ṯwaȓaṯin?"

Matta 18:35

Ammu iy kiḏwem ɣa igg Baba iy iǧan ḏeg ujenna meȓa war ismiḥ mkuȓ ijjen zzaywem s wuȓ nnes i wumas.

Matta 23:15

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Tekkem marra ȓebḥar ḏ ȓbarr ḥima aḏ tjarrem can yijjen ɣar ddin nwem. U xmi iy kiwem ɣa yiȓi, tarrim-ṯ isḏaheǧ ṯimessi marrṯayen ktar zi min ṯesḏaheǧem kenniw.

Matta 23:33

Ay ifiɣeran! A ṯarwa n ṯfiɣerawin! Mamc ṯfekkarem aḏ tarewȓem zi lƹiqab n jahennama?

Matta 25:41

Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Matta 26:59

Arruyas n ȓfuqaha ḏ marra Jmaƹeṯ n lḥukkam n Ayṯ-Israʼil rezzun uw ɣa icehḏen ẓẓur x Ƹisa ḥima aṯ nɣen.

Matta 3:17

Ssenni iȓaɣa-d ijjen n ṣṣut zeg ujenna inna-d: "Wa ḏ Memmi iƹizzen, nec farrḥeɣ zzayes."

Matta 5:34

Walakin nec qqareɣ-awem: War tjaǧam ca ƹemmarṣ: waxxa s ujenna ȓaḥeqqac netta ḏ lƹarc n Arebbi;

Matta 5:44

Walakin qqareɣ-awem nec: Xseṯ ȓƹaḏyan nwem, ttareṯ i Arebbi x yinni kenniw itƹeddaben,

Marqus 14:55

Arruyas n ȓfuqaha ḏ marra Jmaƹṯ n lḥukkam n Ayṯ-Israʼil rezzun chaḏeṯ ḍed i Ƹisa ḥima aṯ nɣen walakin war ufin walu.

Marqus 15:1

Wami iṣbeḥ ȓḥaȓ, munen arruyas n ȓfuqaha, ḏ imeqqranen n Ayṯ-Israʼil, ḏ imseȓmaḏen n ccariƹa, ḏ marra Jmaƹṯ n lḥukkam nsen mcawaren jarasen. Carfen Ƹisa uwin-ṯ aṯ sellmen i lḥakem arrumani umi qqaren Bilaṭus.

Luqa 12:5

Lla, aḏawem iniɣ wi zi ɣa ṯeggwḏem: Ggwḏeṯ zi Wenni iy ɣa inɣen ddat nwem menbaƹd aɣares yiȓi jjheḏ bac aḏ igg ktar, at inḍar ḏi jahennama. Wah, qqareɣ-awem: Wenni ggwḏem-ṯ.

Luqa 22:66

Wami iṣbeḥ ȓḥaȓ munen imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa, uwin Ƹisa ɣar Jmaƹṯ n lḥukkam nsen.

Yuḥanna 11:47

Munen arruyas n ȓfuqaha ḏ ifarrisiyen ak Jmaƹṯ n lḥukkam n Ayṯ-Israʼil nnan: "Min ɣa negg? Qa aryaz-a itegg aṭṭas n lmuƹjizaṯ.

Yuḥanna 15:25

Manaya iwqeƹ ḥima aḏ ikemmeȓ wawaȓ ig yurin ḏi ccariƹa nsen wami inna

Yuḥanna 7:20

Nnan-as ȓɣaci: "Ma ḏayek jnun cek niɣ? Uw irezzun ac ineɣ?"

Yuḥanna 8:48

Nnan-as israʼiliyen nni: "Ɣarneɣ ȓḥaqq niɣ lla meȓa nenna cek zi Samarya, ḏayek jnun?"

Ȓexḏayem 17:18

Can n lfalasifa umi qqaren ibikuriyen ḏ can lfalasifa nneɣni umi qqaren iriwaqiyen bḏan temnaqacen ak Bulus nnan ȓebƹaḍ zzaysen, min ixes aḏ yini wanita itpeȓpiȓen waha? Nnan yiwḏan nneɣni imken itbeccar s arebbiṯen n dduwal. Nnan manaya minzi Bulus itbeccar s Ƹisa ḏ lqiyama.

Ȓexḏayem 22:30

Ṯiwecca nnes, irezzu arrayes nni n ȓƹaskar aḏ issen mayemmi Ayṯ-Israʼil tahamen Bulus, iruḥ yumar arruyas n ȓfuqaha ḏ marra Jmaƹeṯ n lḥukkam n Ayṯ-Israʼil aḏ munen. Ȓexddenni isufeɣ-d Bulus yuwi-ṯ-iḏ ɣarsen isbedd-iṯ zzaṯsen.

Ȓexḏayem 23:1

Ixzar mliḥ Bulus ɣar Jmaƹeṯ n lḥukkam n Ayṯ-Israʼil inna-asen: "Ay ayṯma, qa nec ggiɣ lwajib nican ak Arebbi, zi qbeȓ ḥetta nhara nec ḍḍamir inu mertaḥ."

Ȓexḏayem 24:20

Niɣ aḏac inin yina iy ḏa ibedden man ljarima iy xafi ufin wami beddeɣ zzaṯ i Jmaƹeṯ n lḥukkam nsen.

Ȓexḏayem 4:15

Lḥukkam nni umaren Buṭrus ḏ Yuḥanna aḏ ffɣen barra aḏ jjen Jmaƹeṯ nni n lḥukkam aḏ mcawaren waḥeḏsen.

Ȓexḏayem 5:21

Ḏ manayenni iy ggin, uḏfen ɣar ȓefjar ɣar ṯemziḏa ṯameqqrant bḏan seȓmaḏen. Menbaƹd iruḥ arrayes n ȓfuqaha ḏ marra yinni kis iǧan smunen-d Jmaƹeṯ n lḥukkam n Ayṯ-Israʼil iƹni marra imeqqranen nsen, ssenni ssekken iƹessasen n ṯemziḏa aḏ d awin arrusul zi ȓeḥbes.

Ȓexḏayem 5:27

Wami d siḏfen arrusul, sbedden-ṯen zzaṯ i Jmaƹeṯ n lḥukkam n Ayṯ-Israʼil. Inna-asen arrayes n ȓfuqaha:

Ȓexḏayem 6:12

Wami sƹeṣṣben iwḏan uȓa ḏ imeqqranen n Ayṯ-Israʼil ḏ imseȓmaḏen n ccariƹa, ṭṭfen Stifan uwin-ṯ ɣar Jmaƹeṯ n lḥukkam n Ayṯ-Israʼil.

Ȓexḏayem 6:15

Xezzaren ḏayes ḏi Stifan marra yinni iy ḏinni iǧan ḏi Jmaƹeṯ n lḥukkam n Ayṯ-Israʼil, ufin aɣembub nnes am uɣembub n lmalaʼika.

Ȓexḏayem 7:37

Ḏ Musa-ya iy ḏasen innan i Ayṯ-Israʼil: Aḏawem d yuc Arebbi ijjen n nnabi zeg ayṯmaṯwem am nec.

Ayṯ-Ruma 12:10

Xseṯ ayawya am ṯawmat. Weqqareṯ ayawya ktar zi jjheḏ.

1 Ayṯ-Kurinṯ 6:10

ḏ iceffaren, ḏ iḍemmaƹen, ḏ yinni isessen aṭṭas n ccreb, ḏ yinni iqqaren ȓbaṭeȓ, ḏ iɣeccacen war twaraṯen ca ȓmulk n Arebbi.

1 Ayṯ-Kurinṯ 6:6

Walakin maci mliḥ awmaṯen temcarraƹen ak wayawya zzaṯ i yinni war yuminen ca.

1 Ayṯ-Salunik 4:6

Ƹlaḥsab manaya itxeṣṣa labud uȓa ḏ ijjen war iḍeǧem umas war ṯ itɣecci ca liʼanna ḏ Siḏiṯneɣ ig itxeǧasen x marra ṯimesȓayin-a mammec ḏawem ṯ nenna qbeȓ neƹȓem-awem xas.

Titus 3:2

Sfekkar-aṯen ḥima war tƹeyyiben ḥadd, war tmenɣin ca s wawaȓen, aḏ iȓin trankiȓ, aḏ sxeḏmen ijjen n ttawaḍuƹ ak marra iwḏan.

Iƹibraniyen 12:25

Arrem-d ȓbaȓ nwem war tjihiȓem ca awaȓ n wenni issawaȓen, mayemmi? Liʼanna Ayṯ-Israʼil war feȓṯen ca wami jehȓen awaȓ n wenni tuɣa ṯen iweṣṣan ḏi ṯmurṯ. U neccin ƹaḏ ktar, meȓa nugi a ntaƹ i wenni ḏaneɣ iweṣṣan zeg ujenna ataf ƹemmarṣ a nefȓeṯ.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

Yaƹqub 2:20

Ay aryaz, cek ṯqefȓeḏ! Ma nec aḏawem d sbeyyneɣ belli lʼiman bȓa ȓexḏayem war ḏayes bu nnfaƹ?

Yaƹqub 3:6

Iȓes netta ḏ ijjen n ṯmessi ḏayes ccarr aṭṭas iswessax marra min ɣarneɣ ḏi ddat nneɣ. Isruɣa ṯimessi ḏi marra ṯuḏarṯ nneɣ, ƹaweḏ netta s yixef nnes ṯesruqq-iṯ ṯmessi n jahennama.

1 Buṭrus 2:23

Wami tuɣa xas tbuṣaren, netta war xasen d yarri ca abuṣar nsen. Wami tuɣa ṯ tƹeddaben, netta war ṯen iheddeḏ ca; Lla, netta isellem ixef nnes ḏeg ifassen n wenni iteḥkamen nican.

1 Buṭrus 3:9

War tarraṯ ca ccarr s ccarr nneɣni niɣ ȓƹib s ȓƹib nneɣni. Lla, barkeṯ inneɣni, mayemmi? Minzi iȓaɣa-d xawem i manaya bac aḏ txaȓsem s yijjen n lbaraka.

1 Yuḥanna 2:9

Wenni iqqaren nec aqayi ḏi nnur netta itƹiffa umas, ataf netta iǧa ƹaḏ ḏi ṯaǧest.

1 Yuḥanna 3:10

Mammec ɣa negg a nesfreq ṯarwa n Arebbi ḏ ṯarwa n Ibȓis? Qa yinni war iqqimen ca sxeddamen min iǧan nican war ǧin ca zi Arebbi. Ƹaweḏ wenni war itexsen ca umas war iǧi ca zi Arebbi.

1 Yuḥanna 5:16

Wenni ɣa itwaȓan ijjen n wumas iƹṣa ijjen ȓmuƹṣiyeṯ iy war itiwin ca ɣar ȓmewṯ, netta itxeṣṣa-yas axas iẓẓaǧ ɣar Arebbi ataf aḏas yuc ṯuḏarṯ i wumas nni. Nniɣ-awem-d manaya ƹlaḥsab yinni ȓmuƹṣiyeṯ nsen war ṯen tiwi ca ɣar ȓmewṯ. Ḏinni ijjen n ȓmuƹṣiyeṯ ig itawin ɣar ȓmewṯ, ṯenni war ḏawem t qqareɣ ca axas ṯeẓẓaǧem.

Yahuḏa 1:9

Walakin min igga lmalak ameqqran Mikaʼil wami imneɣ ak Ibȓis imnaqar akiḏes x ddat immuṯen n Musa? Waxxa ḏ Mikaʼil-a war izƹim ca aḏ yini ca n wawaȓ war iḥȓin x Ibȓis, yenna-as cek ac inha Siḏi Arebbi!

Lwaḥi 20:14

Ṯmenḍar-d ȓmewṯ ḏ Lʼaxira ḏi ȓebḥar n ṯmessi. Qa ȓebḥar nni n ṯmessi netta ig iǧan ḏ ȓmewṯ wis ṯnayen.