Matta 5:19 - Ṯarifiṯ 2020

¹⁹ Marra uw ɣa iḥarfen ijjen n ȓuṣiyeṯ ḏ ṯamezyant zi ccariƹa, ssenni aḏ iseȓmeḏ i yiwḏan x min itegg netta, ataf aḏ yiȓi ḏ amezyan s waṭṭas ḏi ȓmulk ujenna. Walakin wenni ɣa iṭaƹen i ccariƹa igga zzayes, ssenni aḏ iseȓmeḏ i yiwḏan aḏ ggen am netta, ataf aḏ yiȓi ḏ ameqqran s waṭṭas ḏi ȓmulk ujenna.

Matta 5:19 ပူးပေါင်းရင်းမြစ်များ

Matta 11:11

Aqa tesȓam ȓḥaqq: Zi min d jjint ṯemɣarin, war iǧi ḥadd ḏ ameqqran zi Yaḥya, walakin wenni iy iǧan ḏ amezyan qaƹ ḏi ȓmulk n ujenna netta ḏ ameqqran zi Yaḥya.

Matta 19:28

Inna-asen Ƹisa: "Aqa tesȓam ȓḥaqq: Ḏi ṯuḏarṯ nneɣni xmi ɣa iqqim Mmis n bnaḏem x lƹarc nnes n lƹaḍama, uȓa ḏ kenniw ḏayi d iḏfaren aḏ teqqimem x ṯenƹac n lƹarcaṯ ḥima aḏ tḥekmem x ṯenƹac n ṯqebbaȓ n Ayṯ-Israʼil.

Matta 20:26

Walakin manayenni itxeṣṣa war itiȓi ca jarawem. Lla, wenni irezzun aḏ iḏweȓ ḏ ameqqran jarawem itxeṣṣa-yas aḏ yiȓi ḏ axeddam nwem.

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Luqa 1:15

minzi aḏ yiȓi ḏ ameqqran ɣar Siḏi Arebbi. Aḏ tiȓi labud ƹemmarṣ aḏ isew aman n uḍiȓ niɣ ḏ waman n imendi. Aḏ yiȓi iƹemmar s Arruḥ iqeddsen ḥetta ḏeg uƹeddis n yemmas.

Luqa 11:42

Ya ȓefḍiḥeṯ nwem a ȓḥizeb n ifarrisiyen! Ticcem ȓaƹcur uȓa x naƹnaƹ ḏ uwram ḏ marra ȓaƹcub, walakin war tehtimim ca zi ȓḥaqq ḏ ȓemḥibbeṯ n Arebbi. Lla, ixeṣṣa-awem aḏ tehtamem s manaya bȓa ma tettum ȓaƹcur.

Luqa 9:48

Inna-asen: "Wenni ɣa iqebȓen can uḥenjir am wanita ƹlaḥsab isem inu, axmi ḏ nec ig iqbeȓ. Wenni ḏayi iqebbȓen, ataf iqbeȓ wenni ḏayi d issekken. Minzi wenni iǧan zzaywem ḏ amezyan qaƹ, ḏ netta ig iǧan ḏ ameqqran."

Ȓexḏayem 1:1

A si Tawfilus, lkitab amezwaru iy uriɣ nec ḏayes marra min igga Ƹisa ḏ min iseȓmaḏ aȓ nhar nni wami itwarfeƹ. Netta qbeȓ ma aḏ itwarfeƹ, iweṣṣa s Arruḥ iqeddsen arrusul iy tuɣa ixḍar inna-asen min ɣa ggen.

Ayṯ-Ruma 3:8

Niɣ aḏ yini can yijjen: Yallah a negg ȓbaṭeȓ ḥima azzayes d ikk ȓxir. Amenni tahamen-aneɣ can yiwḏan s ẓẓur belli neqqar awaȓ-a. Iwḏan-a niṯni sḏaheǧen lƹiqab n Arebbi!

Ayṯ-Ruma 6:1

Iwa, min ɣa nini? Ma a nsiɣi ḏi ȓmuƹṣiyaṯ ḥima aḏ ikṯar arḍa n Arebbi?

Ayṯ-Ruma 6:15

Iwa neccin ma a neƹṣa Arebbi xmi aqaneɣ swadday n arḍa nnes war neǧi ca swadday n ufus n ccariƹa? Lla, ƹemmarṣ!

1 Timutawus 6:11

Fa cek ay aryaz n Arebbi, arweȓ zi marra manaya ḏfar min iǧan nican ḏ min ḏas iteƹjiben i Arebbi ḏ lʼiman ḏ ȓemḥibbeṯ ḏ ttasiƹ n ȓxaḍar ḏ ttawaḍuƹ.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

1 Buṭrus 5:4

Xmi d ɣa imeḍhar Umeksaw ameqqran ataf aḏ tqebȓem ijjen n ttaj ƹemmarṣ aḏ ikcef.

1 Yuḥanna 3:4

Marra wenni iqqimen iƹeṣṣa netta itrezza ȓuṣiyaṯ. Wah, ȓmuƹṣiyeṯ nettaṯ ḏ ṯarezziṯ n ȓuṣiyaṯ.

Lwaḥi 2:20

Walakin ƹeyybeɣ xac wami ṯejjiḏ Izabil ṯamɣarṯ tarra ixef nnes ḏ nnabiya. Ṯxeddeƹ lƹibad inu, ṯseȓmaḏ-iṯen aḏ fesḏen, aḏ ccen zi dbiḥeṯ itqeddamen i l'aṣnam.