Matta 5:16 - Ṯarifiṯ 2020

¹⁶ Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Matta 5:16 ပူးပေါင်းရင်းမြစ်များ

Matta 23:5

Marra min teggen ḥima aɣarsen xzaren yiwḏan. Teggen ȓeḥruz ḏ imeqqranen, arennin ṯicȓuȓin i izeǧaben nsen.

Matta 23:9

War tȓaɣam i ḥadd ḏi ṯmurṯ: A babaṯneɣ. Ȓaḥeqqac ɣarwem ɣir ijjen n Babaṯwem aqaṯ ḏeg ujenna.

Matta 5:45

ḥima aḏ tiȓim ḏ ṯarwa n Babaṯwem iy iǧan ḏeg ujenna. Ȓaḥeqqac itsummur-d ṯfuct x yinni iṣebḥanen ḏ yinni iƹeffanen. Iticc anẓar i yinni iteggen ȓxir ḏ yinni iteggen ccarr.

Matta 6:16

Xmi ɣa ṯẓummem, war teggem ca amecnaw mammec teggen lmunafiqin. Txeyyaqen ḥima marra iwḏan aṯen ssnen belli ẓummen. Aqa tesȓam ȓḥaqq: Ataf war ɣarsen itiȓi bu lʼajar.

Matta 6:9

Ha mammec iy ɣa ṯeẓẓaǧem: A Babaṯneɣ iǧan ḏeg ujenna, ḏ ameqqran ig iǧa yisem nnec.

Matta 9:8

Wami ẓrin yiwḏan manayenni, ggwḏen ḥemḏen Arebbi x ssulṭa iy ḏasen iticc i yiwḏan.

Luqa 11:2

Inna-asen Ƹisa: "Meȓmi ɣa ṯeẓẓaǧem inim ammu: A Babaṯneɣ, ḏ ameqqran ig iǧa yisem nnec. Aḏ d yas ȓmulk nnec.

Yuḥanna 15:8

Aḏ tarwem izekkunen aṭṭas, aḏ tiȓim ḏ imeḥḍaren inu. S manaya itwasemɣar Baba.

Ȓexḏayem 9:36

Ḏi ṯendint n Yafa ḏinni ijjen n ṯmeḥḍarṯ qqaren-as Ṭabita (ȓmaƹna n yisem-a, <ṯiɣit n uzɣar>). Tegg ȓxir aṭṭas tƹawan imesƹan.

2 Ayṯ-Kurinṯ 9:13

Ṣṣaḏaqa-ya ṯuca ddalil xawem, zzayes iy ɣa ḥemḏen ṣṣaliḥin Arebbi. Ṯumnem s Lʼinjil n Lmasiḥ, ṯṭaƹem-as xmi tṣeddaqem aṭṭas xasen u x marra iwḏan.

Ayṯ-Galaṭya 1:24

Ssenni uca ḥemmḏen Arebbi xafi.

Ayṯ-Ufasus 2:10

Liʼanna neccin ḏ ȓxeḏmeṯ n Siḏi Arebbi, ixȓeq-aneɣ-d ḏi Ƹisa Lmasiḥ bac a negg ȓexḏayem ṯiṣebḥanin. Niṯenti isewjeḏ-aneɣ-ṯent-id Arebbi zi qbeȓ bac aṯent nexḏem.

Ayṯ-Ufasus 5:8

Cuf, ḏeg yijjen n ȓweqṯ kenniw tuɣa ḏ ṯaǧest, ȓexxu kenniw ṯḏewȓem ḏ ijjen n nnur ḏi Siḏi Arebbi. Iwa ƹiceṯ am ṯarwa n nnur.

1 Ayṯ-Salunik 2:12

bac aḏ tuyurem s yijjen n ṯicri iy ḏas iticcen lqima i Arebbi ig isḏaheǧ netta iƹni wenni iy ḏawem d itȓaɣan ɣar ȓmulk nnes ḏ lƹaḍama nnes.

1 Timutawus 2:10

Lla, aḏ ṣarent ixef nsent s lḥasanaṯ ig iǧan labud ḏi ṯemɣarin nni iqqaren qa neccin nƹebbeḏ Arebbi.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

1 Timutawus 5:25

Ammu ƹaweḏ can n lḥasanaṯ twameḍharent-id, ƹaḏ can n lḥasanaṯ nneɣni war zemmarent ca aḏ qqiment twanuffarent.

1 Timutawus 6:18

Tweṣṣa-ṯen aḏ ggen ȓxir aḏ iȓin ḏ twajar ƹlaḥsab lḥasanaṯ aḏ iȓin ṣaxiyin aḏ iȓin wejḏen bac aḏ ṣeddqen aḏ ḏebbaren.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Titus 2:7

Ḏi marra ṯimesȓayin aɣarsen ṯiȓiḏ cek ḏ lmiṯal s lḥasanaṯ iy teggeḏ. Ttaƹlim nnec sexḏem-iṯ s ṣṣaraḥa ḏ lmaƹqul

Titus 3:14

Iwḏan nneɣ itxeṣṣa war tƹicen ca bȓa nnfaƹ, itxeṣṣa aḏ ṭewwƹen ixef nsen s lḥasanaṯ ḥima aḏ debbaren i yina iteḥḏajan.

Titus 3:4

Walakin wami d imeḍhar ȓxir ḏ lḥanana n Arebbi wenni iy ḏaneɣ isnejmen

Iƹibraniyen 10:24

Neccin a nxemmem mliḥ mammec iy ɣa negg a nweṣṣa ayawya x ȓemḥibbeṯ ḏ lḥasanaṯ.

1 Buṭrus 2:12

Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.

1 Buṭrus 2:9

Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.

1 Buṭrus 3:1

A ṯimɣarin, amenni ƹaweḏ itxeṣṣa aḏ ṭaƹent i iryazen nkent. Ḥima yinni war iteggen ca array i wawaȓ n Arebbi ataf ṯimɣarin nsen aṯen d arrent ɣar ȓmuminin bȓa ma akiḏsen ssiwȓent s wawaȓ ɣir s ṯicri nsent u ṣafi.

1 Buṭrus 3:16

ḏ yijjen n ḍḍamir mertaḥ. Ammu yinni xawem iqqaren ȓbaṭeȓ ataf aḏ seḏḥan s ṯicri nwem ṯaṣebḥant iy xawem tƹeyyaben niṯni.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.

1 Buṭrus 4:14

Meȓa iwḏan tukkaren-kenniw ƹlaḥsab isem n Lmasiḥ ataf ssaƹḏ nwem, minzi Arruḥ n lƹaḍama ḏ Arruḥ n Arebbi imars-d xawem.