Matta 5:14 - Ṯarifiṯ 2020

¹⁴ Kenniw ḏ ṯfawṯ n ddunect. Ijjen n ṯendint iy iǧan x uḏrar war ṯzemmar aḏ teqqim ṯnuffar.

Matta 5:14 ပူးပေါင်းရင်းမြစ်များ

Yuḥanna 12:36

Xmi ƹaḏ ɣarwem nnur, amneṯ zi nnur-a ḥima kenniw aḏ tḏewȓem ḏ ṯarwa n nnur." Wami inna manaya Ƹisa yuyur innuffar zzaysen.

Yuḥanna 5:35

Yaḥya yusa-d ḏ ȓefnar ireqqan itecriqen, kenniw ṯexsem aḏ tfarḥem can ȓiyyam s nnur nnes.

Yuḥanna 8:12

Issiweȓ ɣarsen ƹaweḏ Ƹisa inna-asen: "Nec ḏ nnur n ddunect. Wenni ḏayi ɣa iḏfaren ƹemmarṣ aḏ yuyur ḏi ṯaǧest, aɣares yiȓi nnur n ṯuḏarṯ."

Yuḥanna 9:5

Madama ƹaḏ ǧiɣ ḏi ddunect, nec ḏ nnur n ddunect."

2 Ayṯ-Kurinṯ 6:14

War teggeṯ xawem ṯzayȓut ak yinni war yuminen ca, war tiȓiṯ ca ḏ ṯiyuya akiḏsen. Ma ḏinni ca n ȓḥajeṯ ig icarrec ȓḥaqq ak ȓbaṭeȓ? Lla. Min icarrec nnur ak ṯaǧest? Walu.

Ayṯ-Filippas 2:15

Ammu aḏ tiȓim beriʼin bȓa ȓƹib ḏi ȓwesṭ n yiwḏan n ȓweqṯ-a iƹewwjen ixarewḍen. Ḏaysen iy ṯreqqem am yiṯran ḏi ddunect-a xmi ḏasen tqeddamem awaȓ n ṯuḏarṯ. Amenni aḏ ftaxareɣ ḏi Nhar nni n Lmasiḥ nec war uzziȓeɣ ca war xḏimeɣ ca ḏi ȓxawi waha.

1 Ayṯ-Salunik 5:5

Lla, kenniw marra ḏ ṯarwa n ṯfawṯ ḏ iḥenjiren n nhar. War neǧi ca ḏ ṯarwa n ǧiȓeṯ niɣ n ṯaǧest.

Lwaḥi 1:20

Min iƹna ȓmaƹna inuffaren n sebƹa n yiṯran nni iy ṯeẓriḏ ḏeg ufus inu afusi ḏ sebƹa nni n ȓeqnaḏeȓ? Sebƹa nni n yiṯran, iƹni niṯni ḏ sebƹa n lmalaʼikaṯ n ṯjumaƹ n ȓmuminin. Sebƹa nni n ȓeqnaḏeȓ, iƹni niṯni ḏ sebƹa n ṯjumaƹ n ȓmuminin."

Lwaḥi 2:5

Fekkar mecḥaȓ ṯɣelṭeḏ, tub, egg ȓexḏayem nnec ṯimezwura. Meȓa ṯugiḏ aḏ tubeḏ, aḏ d aseɣ ɣarek aḏ ysiɣ ȓqendiȓ nnec zeg umcan nnes.