Matta 5:12 - Ṯarifiṯ 2020

¹² Ḍeḥceṯ, farḥeṯ. Aqa ɣarwem ijjen n lʼajar ḏ ameqqran ḏeg ujenna ȓaḥeqqac amenni iy twaƹeddben lʼanbiya tuɣa iǧan qbeȓ nwem.

Matta 5:12 ပူးပေါင်းရင်းမြစ်များ

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 6:16

Xmi ɣa ṯẓummem, war teggem ca amecnaw mammec teggen lmunafiqin. Txeyyaqen ḥima marra iwḏan aṯen ssnen belli ẓummen. Aqa tesȓam ȓḥaqq: Ataf war ɣarsen itiȓi bu lʼajar.

Luqa 13:34

Ya Lquds, ya Lquds! Ḏ cem ig ineqqen lʼanbiya, ḏ cem ig irejjmen yinni ɣarem d issekk Arebbi! Nec mecḥaȓ n ṯwaȓaṯin xseɣ aḏ smuneɣ ṯarwa nnem am can ṯyaziṭ iteḥbubuḍen x ifiǧusen nnes walakin kenniw ṯugim.

Luqa 6:23

Ḏi Nhar nni farḥem negzem s ȓefraḥeṯ ȓaḥeqqac aɣarwem yiȓi ijjen n lʼajar ḏ ameqqran ḏeg ujenna minzi ammu iy iggin ȓejḏuḏ nsen i lʼanbiya.

Luqa 6:35

Walakin xseṯ ȓƹaḏyan nwem, ggeṯ ḏaysen ȓxir. Reḍȓeṯ war trajaṯ walu. Uca aɣarwem yiȓi lʼajar ḏ ameqqran, aḏ tiȓim ḏ ṯarwa n Arebbi Yuƹȓan. Minzi netta ḏ aṣebḥan ak yinni war ṯ itcekkaren ca ḏ yinni iteggen ccarr.

Ȓexḏayem 16:25

Ɣar ȓwesṭ n ǧiȓeṯ Bulus ḏ Silas tẓaǧan tɣennajen izȓan i Arebbi, tesȓan-asen imeḥbas.

Ȓexḏayem 5:41

Farḥen arrusul wami ffɣen zi Jmaƹeṯ nni n lḥukkam n Ayṯ-Israʼil, ḥessben belli ɣarsen lhimma x lʼihana nni iy ḏasen iweqƹen x yisem n Ƹisa.

Ayṯ-Ruma 5:3

War iǧi ɣir manaya waha, nfarreḥ neccin uȓa ḏi ȓemḥayen. Nessen belli ȓemḥayen-a tarwent-id ṣṣbar.

1 Ayṯ-Kurinṯ 3:8

Fa wenni iteẓẓun ḏ wenni isessawen ȓxeḏmeṯ nsen ḏ ijjen, kuȓ ijjen aṯ ijaza ƹlaḥsab ȓxeḏmeṯ nnes.

2 Ayṯ-Kurinṯ 4:17

Cuf, ȓemḥayen nneɣ fsusent traḥent tasent-id ḏeɣya, sewjaḏent-aneɣ ɣar yijjen n lƹaḍama ḏ ṯameqqrant bȓa ȓeqyas.

Ayṯ-Filippas 1:29

Maci ƹlaḥsab Lmasiḥ azzayes ṯamnem waha; Lla, labud ƹaweḏ aḏ twaƹeddbem ƹlaḥsab ssabab nnes.

Ayṯ-Filippas 2:17

Nec farrḥeɣ akiḏwem s yijjen n ȓefraḥeṯ maƹlic meȓa ferrɣen-ayi-d waha am yijjen n ṣṣeḏqeṯ n iḏammen x dbiḥeṯ nwem iy tqeddamem kenniw s lʼiman nwem.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

Ayṯ-Kulus 3:24

Kenniw ṯessnem ljaʼiza nwem aḏ tiȓi ḏ ijjen n lwareṯ zi Siḏiṯneɣ. Netta umi ṯxeddmem netta ḏ Siḏiṯneɣ Lmasiḥ.

1 Ayṯ-Salunik 2:15

Niṯni nɣin Siḏiṯneɣ Ƹisa ḏ lʼanbiya, uȓa ḏ neccin sufɣen-aneɣ ssenni. War xasen yarḍi ca Arebbi niṯni tƹarraḍen i marra iwḏan, ȓaḥeqqac war ḏaneɣ tejjin ca a nessiweȓ ak ȓegnus bac aḏ nejmen. Amenni ȓmuƹṣiyaṯ nsen arennint tƹemmarent, lƹiqab n Arebbi iwḍa xasen qaƹ.

Iƹibraniyen 10:34

Liʼanna imeḥbas qqimen ḏaywem ḏeg wuȓ. Ƹaweḏ ṯeṣbarem s ȓefraḥeṯ wami ḏawem kksin agȓa nwem, tuɣa tessnem ƹaḏ aɣarwem yiȓi ijjen n wagȓa ḥsen zeg unneɣni, itduman.

Iƹibraniyen 11:26

Ifhem meȓa seḥqaren-ṯ ƹlaḥsab Lmasiḥ iƹni manayenni ɣares lqima ktar zi min ɣarsen ḏ lkunuz ḏi Miṣra. Aqa netta ixezzar ɣar zzaṯ ḏi ljaʼiza nnes.

Iƹibraniyen 11:33

S lʼiman kkaren niṯni rebḥen lmemlakaṯ, ḥekmen s ȓḥaqq, ḥerṯen x lwuƹud, bellƹen iqemmumen n sbuƹaṯ,

Iƹibraniyen 11:6

Iwa uȓa ḏ ijjen war izemmar axas yareṭṭa Arebbi bȓa lʼiman. Minzi wenni iy ɣa qarrben ɣar Arebbi labud aḏ yamen belli netta iǧa u ḏ netta ig itjazan yinni iy xas irezzun s wuȓawen nsen.

Yaƹqub 1:2

Ay ayṯma, farḥem aṭṭas xmi ɣa ṯiȓim ḏi lʼanwaƹ n ȓemḥayen.

Yaƹqub 5:10

Ay ayṯma, ḏfareṯ abriḏ n lʼanbiya yinni ig issiwȓen s yisem n Siḏi Arebbi niṯni twaƹeddben ṣebbaren.

1 Buṭrus 4:13

Lla, itxeṣṣa kenniw aḏ tfarḥem wami ṯcarrcem ḏeg uƹeddeb n Lmasiḥ bac aḏ tfarḥem ƹaweḏ aṭṭas xmi d ɣa ṯmeḍhar lƹaḍama nnes.