Matta 4:24 - Ṯarifiṯ 2020

²⁴ Iffeɣ ȓexbar nnes ḏi Surya amen-ṯekmaȓ. Tawin-d ɣares marra yinni iheȓcen tƹeddaben s lʼanwaƹ n ȓehȓacaṯ ḏ ȓeḥȓiqaṯ, mkuȓ imaryaḥen ḏ imejnunen ḏ inecrufen netta isgenfa-ṯen.

Matta 4:24 ပူးပေါင်းရင်းမြစ်များ

Matta 12:22

Ssenni can yiwḏan uwin-as-d i Ƹisa ijjen n uryaz ḏ aḍarɣaȓ ḏ azeynun ḏayes jjenn. Isgenfa-ṯ Ƹisa ḥima aḏ issiweȓ aḏ itwaȓa.

Matta 14:1

Ḏi ȓweqṯ nni azeǧiḏ Hirudus yarra-d ȓexbar x Ƹisa.

Matta 15:22

Ṯusa-d ɣares ijjen n ṯemɣarṯ zi Ayṯ-Kanƹan ṯzeddeɣ ḏinni. Traɣa ṯeqqar-as i Ƹisa: "Rḥem-ayi a Siḏi, a Mmis n Ayṯ-Dawed! Qa yeǧi ḏayes ijjen n jjenn ḏ aƹeffan itƹeddab-it aṭṭas."

Matta 17:15

Inna-as: "A Siḏi rḥem-ayi memmi, ijjen n jjenn itƹeddab-iṯ aṭṭas. Aṭṭas n ṯwaȓaṯin itweṭṭa ḏi ṯmessi niɣ ḏeg waman.

Matta 17:18

Ƹisa isbedd jjenn nni aƹeffan, iffeɣ zeg uḥenjir nni igenfa ḏi ṯsaƹƹat nni.

Matta 4:23

Iggur Ƹisa ḏi lʼiqlim n Ljalil marra, iseȓmaḏ ḏi ṯemziḏawin n Ayṯ-Israʼil itbeccar-iṯen s Lʼinjil n ȓmulk n Arebbi isgenfa marra ȓehȓacaṯ ḏ ddiƹan n ddat ḏeg yiwḏan.

Matta 8:28

Wami yuweḍ Ƹisa ɣar ujemmaḍ-in n ȓebḥar ɣar ṯmurṯ n ijariṯiyen, ȓqan-ṯ-iḏ ṯnayen n yiwḏan ḏaysen jnun ffɣen-d zeg imeḍȓan mani zeddɣen. Qesḥen, ccaṯen, war izemmar ḥadd axasen ikk x ubriḏ nni.

Matta 8:33

Yinni yarewsen arewȓen ruḥen ɣar ubilaj, sufɣen ȓexbar ḏinni x marra min iweqƹen ḏ min iweqƹen i yiwḏan nni ḏi ǧan jnun.

Matta 8:6

inna-as: "A Siḏi, aqa ɣari axeddam inu ḏ anecruf ḏi ṯeddarṯ itnezbar aṭṭas ḏi ṯassuṯ."

Matta 9:26

Iffeɣ ȓexbar ɣar marra ayṯbab n ṯmurṯ nni.

Matta 9:35

Yuyur Ƹisa ḏi marra ṯineddam ḏ ȓedcur, iseȓmaḏ ḏi ṯemziḏawin n Ayṯ-Israʼil itḥeddaṯ itbeccar s ȓmulk n Arebbi. Isgenfa marra ȓehȓacaṯ ḏ ddiƹan n ddat.

Marqus 1:28

Ȓexddenni intacar ȓexbar nnes ḏi mkuȓ amcan ḏi jwayeh n Ljalil.

Marqus 1:32

Wami ṯeɣȓi ṯfuct ɣar ṯmeddiṯ, uwin-d ɣares marra yinni iheȓcen ḏ yinni ḏi ǧan jnun,

Marqus 2:3

Usin-d can yiwḏan uwin-as-d ijjen n uryaz mmuṯen-as iḍaren, ysin-ṯ arbeƹa iḏsen x ṯassuṯ nnes.

Marqus 2:4

War zemmiren ca aṯ siḏfen ɣar Ƹisa minzi ḏinni aṭṭas n ȓɣaci. Qeȓƹen ssqef cwayt rezmen-ṯ, sehwan anecruf nni x ṯassuṯ nnes ɣar uxxam mani iǧa Ƹisa.

Marqus 2:9

Min isehȓen aṭṭas aḏas iniɣ i unecruf-a, ma aḏas iniɣ: Twaɣfarent-ac ȓmuƹṣiyaṯ nnec? Niɣ ma aḏas iniɣ: Kkar cek, ysi ṯassuṯ nnec uyur?

Luqa 2:2

Aḥsab-a amezwaru iwqeƹ wami iḥkem Kurinus ḏi ṯmurṯ n Surya.

Luqa 4:14

Iḏweȓ Ƹisa ɣar ṯmurṯ n Ljalil s jjheḏ n Arruḥ iqeddsen, itentacar ȓexbar nnes marra ḏi jwayeh nni.

Luqa 4:38

Ssenni Ƹisa iffeɣ-d zi ṯemziḏa nni yuḏef ɣar ṯeddarṯ n Simƹan. Yufa ḏinni ṯaḏeggwaȓṯ n Simƹan qa ṯehȓec ḏayes ṯimessi aṭṭas, ttaren zzayes ḥima at isgenfa.

Luqa 5:15

Walakin ssenni ibḏa itentacar xas ȓexbar ktar ƹaḏ. Usin-d ɣares aṭṭas n ȓɣaci ḥima aḏas sȓen ḥima aḏ genfan zi ȓehȓacaṯ nsen.

Luqa 5:24

Nec xseɣ aḏ tessnem Mmis n bnaḏem ɣares ssulṭa x ṯmurṯ ḥima aḏ iɣfar ȓmuƹṣiyaṯ." Uca inna-as Ƹisa i unecruf nni: "Aḏac iniɣ, bedd x iḍaren nnec ysi ṯassuṯ nnec ruḥ aḏ trewwḥeḏ ɣar ṯeddarṯ nnec!"

Luqa 7:17

Iffeɣ ȓexbar-a x Ƹisa ḏi marra ṯamurṯ n Yahuḏiya ḏ marra jwayeh iy ḏas d innḍen.

Yuḥanna 10:21

Nnan inneɣni: "Awaȓen-a war ṯen iqqar ca wenni iy ḏi ǧan jnun. Ma izemmar can yijjen zi jnun aḏ isgenfa ṯiṭṭawin n iḍarɣaȓen?"

Ȓexḏayem 15:23

Ssekken akiḏsen ṯabrat-a nnan-asen: "Ay ayṯmaṯneɣ war iǧin ca zi Ayṯ-Israʼil ig izeddɣen ḏi Wanṭakya ḏ Surya ḏ lʼiqlim n Kilikya, netseǧam xawem neccin iy iǧan ḏ arrusul ḏ imeqqranen n jmaƹeṯ n ȓmuminin.

Ȓexḏayem 15:41

Iruḥ ɣar Surya ḏ lʼiqlim n Kilikya itegg uȓ ḏi ṯjumaƹ n ȓmuminin.

Ȓexḏayem 28:9

Iwqeƹ manayenni, senni usin-d ɣares imehȓac n ṯeyzirṯ nni marra isgenfa-ṯen Bulus.

Ȓexḏayem 8:7

Jnun iƹeffanen ffɣen zeg waṭṭas n yiwḏan snekkaren ṯɣuyyeṯ s jjheḏ. Aṭṭas n izeḥḥafen ḏ yinni umi mmuṯen iḍaren genfan.