Matta 4:10 - Ṯarifiṯ 2020

¹⁰ Indeq-d Ƹisa inna-as: "Ruḥ, beƹƹeḏ-ayi a Cciṭan. Aqa Lkitab iqqar: "

Matta 4:10 ပူးပေါင်းရင်းမြစ်များ

Matta 16:23

Walakin Ƹisa ineqȓeb-d ɣar Buṭrus inna-as: "Aggwej xafi ɣar ḏeffar a Cciṭan! Cek am yijjen n uzru ḏeg ubriḏ inu tneqȓaḏeɣ ḏayes. Cek war tfekkareḏ ca amecnaw Arebbi; Lla, cek tfekkareḏ amecnaw bnaḏem."

Marqus 1:13

Ikka ḏinni arbeƹin yum itjerrab-iṯ Cciṭan. Aqaṯ mani ǧan ȓuwḥuc, tsexxarent xas lmalaʼikaṯ.

Luqa 10:18

Inna-asen Ƹisa: "Tuɣa twaȓiɣ Cciṭan iwḍa-d zeg ujenna mamc d iweṭṭa ȓbarq.

Luqa 11:18

Meȓa Cciṭan ikkar aḏ iqḍa x Cciṭan, mammec ɣa ṯegg aḏ teqqim lmemlaka nnes? Minzi ṯeqqarem sufuɣeɣ jnun s jjheḏ n Bƹalzabul.

Luqa 13:16

Ṯamɣarṯ-a meskina iǧan zi ddurriṯ n Brahim iḥebbes-it Cciṭan ṯmenṭac iseggwusa, ma war ḏas nrezzem ca zi ȓeḥbes-a ḏi nhar n lƹibada ma lla?"

Luqa 22:3

Yuḏef Cciṭan ḏeg wuȓ n Yahuḏa wenni umi qqaren Isxaryuṭi, netta zi ṯenƹac nni n arrusul.

Luqa 22:31

Inna-as Ƹisa: "Xzar a Simƹan: Cciṭan irezzu akenniw iɣarbeȓ am mammec tɣarbaȓen irḏan.

Luqa 4:8

Inna-as Ƹisa: "Lla, Lkitab iqqar: "

Yuḥanna 13:27

Wami iṭṭef areqquz nni n uɣrum Yahuḏa ȓexddenni yuḏef-iṯ Cciṭan. Inna-as Ƹisa: "Ḏeɣya, egg min ɣa ṯeggeḏ."

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ȓexḏayem 5:3

Inna-as Buṭrus: "Ay Anas, mayemmi ṯejjiḏ Cciṭan ac iɣarr yuḏef ḏeg wuȓ nnec ṯesxerrqeḏ x Arruḥ iqeddsen ṯesnuffareḏ can n tmenyaṯ i yixef nnec zi tmenyaṯ n ṯmurṯ nni?

1 Ayṯ-Kurinṯ 5:5

aḏ tsufɣem aryaz-a ɣar Cciṭan ḥima aḏ tefna ṭṭabiƹa ṯaƹeffant n nnefs nnes aḏ injem arruḥ nnes ḏi Yum n Siḏiṯneɣ.

1 Ayṯ-Kurinṯ 7:5

Itxeṣṣa war ṯqeṭṭƹem ca x wayawya illa meȓa ṯtafqem ak wayawya ijjen n lmudda waha ḥima aḏ tucem ȓweqṯ nni i ṯẓaǧiṯ nwem. Menbaƹd aḏ tmunem ḥima war kenniw itɣarri ca Cciṭan ȓaḥeqqac ataf war ṯzemmarem ca aḏ tḥekmem mliḥ x ccehweṯ nwem.

2 Ayṯ-Kurinṯ 11:14

Iwa war nesteɣȓib ca liʼanna Cciṭan netta s yixef nnes isneƹmiȓ ḏ ijjen n lmalaʼika n nnur.

2 Ayṯ-Kurinṯ 12:7

Iḏen immuc-ayi ijjen n usennan ḏeg uysum inu, mayemmi? Ḥima war semɣareɣ ca ixef inu ƹlaḥsab ṯimesȓayin-a istƹejjiben iy ḏayi d isbeyyen Arebbi ḏi lwaḥi. Asennan-a wenni iy d issekken Cciṭan itƹeddab-ayi bac war semɣareɣ ca ixef inu.

2 Ayṯ-Kurinṯ 2:11

Manaya ḥima Cciṭan war ḏaneɣ ixeddeƹ ca, aqa war nɣeffeȓ ca x min itciṭin netta.

Yaƹqub 4:7

S manaya ṭaƹeṯ i Arebbi. Ƹarrḍeṯ i Ibȓis, azzaywem yarweȓ.

1 Buṭrus 5:9

Ƹarrḍem-as i Ibȓis, beddem nican x dsas n lʼiman nwem minzi ṯessnem belli ayṯmaṯwem ḏi marra ddunect-a aqa twaƹeddaben am kenniw.