Matta 3:2 - Ṯarifiṯ 2020

² Iqqar-asen: "Tubem, aqa yuḏes-d ȓmulk n ujenna."

Matta 3:2 ပူးပေါင်းရင်းမြစ်များ

Matta 10:7

Xmi ɣa ṯraḥem, ḥeddṯem s ȓmulk ujenna aqa yuḏes-d.

Matta 11:20

Ssenni ibḏa Ƹisa itƹeyyab ṯineddam nni iy ḏi igga aṭṭas n lmuƹjizaṯ nnes, war tuben ca ayṯbab nsent.

Matta 12:41

Yum Lḥisab ḏ Lƹiqab aḏ d kkaren imezḏaɣ n ṯendint n Ninwa ak yiwḏan n ȓweqṯ-a axasen ceṯcan, ȓaḥeqqac ayṯbab n ṯendint n Ninwa tuben wami ṯen inha nnabi Yunes. U ḏanita ijjen ḏ ameqqran zi Yunes.

Matta 13:11

Indeq-d Ƹisa inna-asen: "Itwasmeḥ i kenniw aḏ tessnem min inuffaren ḏi ȓmulk ujenna. Walakin niṯni lla, war ḏasen itwasmiḥ ca.

Matta 13:24

Issiweȓ Ƹisa s yijjen n ȓmaƹna nneɣni inna-asen: "Ȓmulk ujenna igga am yijjen n uryaz izreƹ zzarriƹeṯ ṯaṣebḥant ḏeg umarjeƹ nnes.

Matta 13:31

Inna-asen Ƹisa ijjen n ȓmaƹna nneɣni: "Ȓmulk ujenna igga am yijjen n zzarriƹeṯ n yijjen n nnuƹ n arbiƹ qqaren-as bugarḏaȓ. Iysi-t ijjen n uryaz iẓẓu-t ḏeg umarjeƹ nnes.

Matta 13:33

Inna-asen Ƹisa ijjen n ȓmaƹna nneɣni: "Ȓmulk ujenna am untun ṯeysi-ṯ yijjen n ṯemɣarṯ ṯuggwa zzayes ȓmudd n waren, antun nni isgaƹƹeḏ-iṯ-iḏ marra."

Matta 13:47

Ȓmulk ujenna amecnaw ṯracca inḍar-it ij ubeḥri ḏi ȓebḥar, ṯeṭṭef mkuȓ nnuƹ n usȓem.

Matta 13:52

Inna-asen: "Kuȓ amseȓmaḏ n Ccariƹa n Musa ig ifehmen ȓmulk ujenna netta am yijjen n bab n ṯeddarṯ ig isufuɣen ṯimesȓayin ṯiqḏimin niɣ ḏ jḏiḏ zi mani ixzen ȓkenz nnes."

Matta 18:23

Ȓaḥeqqac ȓmulk ujenna itawi-d ḏeg yijjen n uzeǧiḏ irezzu aḏ igg ȓeḥsab ak ixeddamen nnes.

Matta 20:1

"Aqa ȓmulk ujenna amecnaw ijjen n bab n umarjeƹ uḍiȓ. Iffeɣ ɣar ṣbaḥ zic aḏ igg ixeddamen ḏeg umarjeƹ uḍiȓ nnes.

Matta 22:2

"Ȓmulk ujenna amecnaw ij uzeǧiḏ igga amensi ḏ ameqqran ḏi ȓfarḥ n mmis.

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Matta 25:1

Ȓmulk ujenna amecnaw can ƹecra n ṯeƹzriyin ig iysin ȓeqnaḏeȓ, ffɣent aḏ ȓeqqant muȓay.

Matta 25:14

Nhar nni aḏ yiȓi am yijjen n ssiyyed irezzu aḏ isafer. Iȓaɣa-d i ixeddamen nnes ikellef-iṯen x wagȓa nnes.

Matta 4:17

Zi ssenni ibḏa Ƹisa itbeccar iqqar-asen: "Tubeṯ, aqa yuḏes-d ȓmulk n ujenna."

Matta 4:23

Iggur Ƹisa ḏi lʼiqlim n Ljalil marra, iseȓmaḏ ḏi ṯemziḏawin n Ayṯ-Israʼil itbeccar-iṯen s Lʼinjil n ȓmulk n Arebbi isgenfa marra ȓehȓacaṯ ḏ ddiƹan n ddat ḏeg yiwḏan.

Matta 5:10

Ssaƹḏ nsen i yinni itwaƹeddaben x ssabab n min iǧan nican, aqa ȓmulk n ujenna i niṯni.

Matta 5:3

"Ssaƹḏ nsen i yinni iǧan ḏ ȓmusakin ḏeg arruḥ nsen, aqa ȓmulk ujenna i niṯni.

Matta 6:10

Aḏ d yas ȓmulk nnec, aḏ ggen ȓxaḍar nnec ḏi ṯmurṯ, mamc teggen ḏeg ujenna.

Matta 6:33

Rezzuṯ ḏ amezwaru x ȓmulk n Arebbi ḏ ṯuḏarṯ ig iǧan nican, ssenni ṯimesȓayin-a marra aḏawem marnint.

Marqus 1:15

Iqqar-asen: Aqa ȓweqṯ ṯuweḍ-d, ȓmulk n Arebbi yuḏes-d. Tubeṯ, amneṯ s Lʼinjil.

Marqus 1:4

Yusa-d Yaḥya ɣar ȓexȓa. Itbeccar iwḏan ḥima aḏ tuben aḏ twaṭehharen s waman ḥima aḏ twaɣfarent ȓmuƹṣiyaṯ nsen.

Marqus 6:12

Kkaren niṯni ruḥen tḥeddaṯen i yiwḏan ḥima aḏ tuben.

Luqa 1:16

Aḏ yarr aṭṭas n Ayṯ-Israʼil ɣar Siḏi Arebbi nsen.

Luqa 11:20

Nec meȓa sufuɣeɣ jnun s jjheḏ n ufus n Arebbi, aqa ȓmulk n Arebbi yusa-d ɣarwem.

Luqa 13:3

Qqareɣ-awem lla. Meȓa war ṯtubem ca, ataf marra iḏwem aḏ temmṯem amecnaw niṯni.

Luqa 13:5

Qqareɣ-awem lla. Meȓa war ṯtubem ca, ataf marra iḏwem aḏ temmṯem amecnaw niṯni."

Luqa 15:10

Aḏawem iniɣ: Amenni ijjen meȓa iƹṣa menbaƹd itub, ataf akiḏes farḥent lmalaʼikaṯ n Arebbi."

Luqa 15:7

Aḏawem iniɣ: Aḏ farḥen ḏeg ujenna aṭṭas x yijjen meȓa iḏweȓ-d ɣar ubriḏ ktar zi min ɣa farḥen x tesƹa u tesƹin nni war ffiɣen ca abriḏ.

Luqa 16:30

Inna-as ttajar nni: A baba Brahim! Meȓa iruḥ ɣarsen can yijjen zeg yinni immuṯen, ataf aḏ tuben.

Luqa 21:31

Amenni uȓa ḏ kenniw, xmi ɣa ṯeẓrem ṯimesȓayin-a itewqiƹen ataf aḏ tessnem illa ȓmulk n Arebbi yuḏes-d.

Luqa 24:47

Aḏ beccaren marra ȓegnus ḥima aḏ tuben aḏ twaɣfarent ȓmuƹṣiyaṯ nsen s yisem n Lmasiḥ. Aḏ ibḏa manaya ḏi Lquds.

Luqa 6:20

Iysi ṯiṭṭawin nnes Ƹisa ɣar imeḥḍaren nnes inna-asen: "Ssaƹḏ nwem a ȓmusakin, aqa ȓmulk n Arebbi i kenniw.

Luqa 9:2

Issekk-iṯen ḥima aḏ beccaren s ȓmulk n Arebbi aḏ sgenfan imehȓac.

Ȓexḏayem 11:18

Yinni iḥḍaren wami sȓin i wawaȓ-a, sqaren ḥemḏen Arebbi nnan: "Xyar, uȓa ḏ yinni war iǧin ca zi Ayṯ-Israʼil yuca-asen Arebbi ttuba aɣarsen ṯiȓi ṯuḏarṯ!"

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Ȓexḏayem 26:20

Lla, tbeccareɣ ḏ amezwaru imezḏaɣ n tendint n Dimaceq, ƹaḏ ḏ imezḏaɣ n ṯendint n Lquds ḏ marra jwayeh n ṯmurṯ n Yahuḏiya, ḏ aneggaru marra yinni war iǧin ca zi Ayṯ-Israʼil. Tbeccareɣ-ṯen aḏ tuben aḏ ḏewȓen ɣar Arebbi, aḏ xeḏmen ȓexḏayem n ttuba iy iǧan n ṣṣaḥ.

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

2 Ayṯ-Kurinṯ 7:10

Cuf, axiyyeq zi Arebbi itarew-d ttuba, ttuba-ya ṯneddeh-ikenniw aḏ tnejmem war tejji bu ndameṯ. Axiyyeq zi ddunect-a lla, itarew-d ȓmewṯ.

Ayṯ-Kulus 1:13

Isefȓeṯ-aneɣ zi ȓeḥkam n ṯaǧest issiweḍ-aneɣ ɣar ȓmulk n Mmis iƹizzen.

2 Timutawus 2:25

Aḏ iṣeḥḥaḥ s yijjen n wuȓ iṣebbaren i yinni iy ḏas itƹarraḍen; ḥima meȓa ixes Arebbi aṯen ijj aḏ tuben aḏ ssnen lḥaqiqa.

Iƹibraniyen 6:1

X manaya war netɣimiṯ ca ḏi ttaƹlim-a amezwaru x Lmasiḥ, a nuyureṯ ɣar zzaṯ bac a nemɣar. War ntaƹqib ca ɣar dsas. Iƹni war nessawaȓ ca ƹaḏ x ttuba nni n ssayiʼaṯ, niɣ x mammec ɣa negg a namen zi Arebbi,

2 Buṭrus 3:9

Siḏiṯneɣ war iḏqiȓ ca aḏ isexḏem lwaƹed nnes am mammec iy ḏasen itɣiȓ i yiwḏan. Lla, netta iṣebbar akiḏwem war ixes ca uȓa ḏ ijjen zzaywem aḏ ifna, irezzu marra iwḏan aḏ tuben.

Lwaḥi 2:21

Uciɣ-as ȓweqṯ aḏ ttub zi lfasad nnes, walakin ṯugi aḏ ttub.

Lwaḥi 2:5

Fekkar mecḥaȓ ṯɣelṭeḏ, tub, egg ȓexḏayem nnec ṯimezwura. Meȓa ṯugiḏ aḏ tubeḏ, aḏ d aseɣ ɣarek aḏ ysiɣ ȓqendiȓ nnec zeg umcan nnes.