Matta 3:15 - Ṯarifiṯ 2020

¹⁵ Indeq-d Ƹisa inna-as: "Ɣir qbeȓ ȓexxu, ḏ manaya ig iǧan nican ḥima aḏ ikemmeȓ marra min ixes Siḏi Arebbi." Uca iqbeȓ Yaḥya.

Matta 3:15 ပူးပေါင်းရင်းမြစ်များ

Matta 3:14

Walakin Yaḥya yugi inna-as: "Nec itxeṣṣa cek iy ḏayi ɣa iṭehharen, u cek ṯusiḏ-d ɣari?"

Luqa 1:6

Zakariya ḏ Ilizabet niṯni gguren nican ak Arebbi, uȓ nsen ḏ acemȓaȓ. Teggen marra min yumar ḏ marra min iweṣṣa Siḏi Arebbi.

Yuḥanna 13:15

Ggiɣ-awem ammu ḥima aḏ teggem min ggiɣ nec.

Yuḥanna 15:10

Meȓa ṯxeddmem zi ȓuṣiyaṯ inu, ataf aḏ tiȓim ḏi ȓemḥibbeṯ inu amecnaw mamc ggiɣ nec zi ȓuṣiyaṯ n Baba aqayi ḏi ȓemḥibbeṯ nnes.

Yuḥanna 4:34

Inna-asen Ƹisa: "Ȓmakla inu aḏ xeḏmeɣ min ixes wenni ḏayi d issekken aḏ kemmȓeɣ ȓxeḏmeṯ nnes.

Yuḥanna 8:29

Wenni ḏayi d issekken aqaṯ akiḏi war ḏayi ijji bu waḥḏi minzi nec xeddmeɣ ȓebda min ḏas iteƹjiben."

Iƹibraniyen 7:26

Cuf, ijjen n ȓefqi ameqqran am wanita ḏ netta iy neḥḏaj. Netta ƹaḍim, bȓa ȓƹib, iṣfa, ineƹzeȓ zeg yiwḏan iy ggin ȓmuƹṣiyeṯ, itwasemɣar yuƹȓa x ijennaṯen.

1 Yuḥanna 2:6

Iƹni wenni iy ɣa inin qa nec zeddɣeɣ ḏayes itxeṣṣa-yas u labud aḏ iggur ḏeg ubriḏ nican am wenni iy ḏi tuɣa iggur Ƹisa.