Matta 28:9 - Ṯarifiṯ 2020

⁹ Ssenni imeȓqa akiḏsent Ƹisa inna-asent: "Azul." Qarrbent ɣares ṭṭfent ḏeg iḍaren nnes sejjḏent-as.

Matta 28:9 ပူးပေါင်းရင်းမြစ်များ

Matta 14:33

Uca sejjḏen-as yinni iǧan ḏi ṯɣarrabut nnan: "Ḏ ṣṣaḥ, cek ḏ Mmis n Arebbi!"

Matta 23:7

Texsen axasen seǧmen ḏi ȓeswaq aḏasen ȓaɣan yiwḏan: A siḏiṯneɣ.

Matta 28:10

Ȓexddenni inna-asent Ƹisa: "War teggwḏent ca. Ruḥent siwḍent ȓexbar inint i ayṯma: Ruḥeṯ ɣar ṯmurṯ n Ljalil ḏinni iy ḏayi ɣa ṯeẓrem."

Matta 28:17

Wami ṯ ẓrin, sejjḏen-as walakin ḏinni ȓebƹaḍ ƹaḏ cekken.

Matta 28:8

Kkarent niṯenti ruḥent ḏeɣya zeg unḍeȓ nni, ggwḏent walakin farḥent aṭṭas. Tazzȓent aḏ ssiwḍent ȓexbar-a ɣar imeḥḍaren n Ƹisa.

Luqa 1:28

Yuḏef ɣares lmalak nni inna-as: "Azul ya ṯenni iy xef irḍa Arebbi, aqa Siḏi Arebbi aqaṯ akiḏem."

Luqa 24:52

Sejjḏen-as, ḏewȓen-d ɣar Lquds niṯni farrḥen aṭṭas.

Luqa 7:38

Ṯeqqim ɣar ḏeffar n Ƹisa ɣar iḍaren nnes ṯebḏa ṯetru wḍan-as imeṭṭawen nnes x iḍaren n Ƹisa. Ṯruḥ ṯemseḥ-iṯen s ucewwaf nnes, ṯseǧem-iṯen ṯeḏhen-iṯen s waman n lwarḏ.

Yuḥanna 12:3

Ṯeysi-d Maryam azyen n litru n waman n lwarḏ ṣfan zeg yinni iɣȓan s waṭṭas, ṯeḏhen-as i Ƹisa iḍaren nnes, ṯemseḥ-as iḍaren nnes s ucewwaf nnes. Ṯaddarṯ marra ṯeccur s arriḥeṯ n waman nni n lwarḏ.

Yuḥanna 20:19

Nhar n ȓḥad munen imeḥḍaren ɣar ṯmeddiṯ, ṯiwwura qqnent ggwḏen zeg israʼiliyen. Yusa-d Ƹisa ibedd ḏi ȓwesṭ inna-asen: "Sȓam xawem."

Yuḥanna 20:28

Indeq-d Tuma inna-as: "A Siḏi inu, ay Arebbi inu!"

2 Ayṯ-Kurinṯ 13:11

Ṣafi ay ayṯma, farrḥeṯ. Ṣeȓḥeṯ ibriḏen nwem nican. Tṣennaṭeṯ ɣari min ḏawem qqareɣ. Iȓiṯ ḏ ijjen ḏi array nwem. Tƹiceṯ ḏi ȓehna. Arebbi nneɣ n ȓemḥibbeṯ ḏ ȓehna aḏ yiȓi akiḏwem.

Lwaḥi 3:9

Amma yinni zi jmaƹṯ iy iƹebbḏen Cciṭan ḥessben ixef nsen zi Ayṯ-Israʼil, walakin niṯni war ǧin ca zi Ayṯ-Israʼil sxerriqen waha. Aṯen d arreɣ s bezzez aḏ d asen aḏ sejjḏen ɣar iḍaren nnec aḏ ssnen nec tḥibbiɣ-cek.