Matta 27:50 - Ṯarifiṯ 2020

⁵⁰ Iȓaɣa Ƹisa ƹaweḏ s yijjen n ṯmijja ṯemɣar uca isellem buḥbeȓ nnes.

Matta 27:50 ပူးပေါင်းရင်းမြစ်များ

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Matta 27:49

Nnan-as yiwḏan nneɣni ḏinni: "Ejj-iṯ, a nẓer ma aḏ d yas nnabi Ilyas ma aṯ iƹṯeq niɣ lla!"

Marqus 15:37

Iȓaɣa Ƹisa s yijjen n ṯmijja ṯemɣar yarra nnefs ṣafi immuṯ.

Luqa 23:46

Iȓaɣa Ƹisa s yijjen n ṯmijja ṯejheḏ inna: "A Baba, nec buḥbeȓ inu sellmeɣ-ac-ṯ ḏeg ifassen nnec." Wami inna manaya yarra nnefs ṣafi immuṯ.

Yuḥanna 10:11

Nec ig yarewwsen ḏ ṣṣaḥ. Wenni ig yarewwsen ḏ ṣṣaḥ itṣeddaq ṯuḏarṯ nnes x iḥuȓiyen nnes.

Yuḥanna 19:29

Ḏinni ijjen n uɣerraf iccur s waman uḍiȓ ḏ isemmamen. Sɣeḍṣen spunxa ḏeg waman uḍiȓ nni, ggin-t x ukeccuḍ ucin-as-t ɣar uqemmum nnes.

Yuḥanna 19:30

Wami iqqas Ƹisa aman nni, inna: "Itwakemmeȓ!" Isaḏar azeǧif nnes, isellem buḥbeȓ nnes.

Iƹibraniyen 2:14

Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.

Iƹibraniyen 5:7

Ḏeg wussan nni iy ḏi tuɣa iddar Ƹisa ḏi ṯmurṯ-a, itẓaǧa itȓaɣa x Arebbi s jjheḏ u s imeṭṭawen itettar-as i wenni izemmaren aṯ isenjem zi ȓmewṯ. Arebbi itṣennaṭ-as wami Ƹisa iteggweḏ zzayes.

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.