Matta 27:1 - Ṯarifiṯ 2020

¹ Wami iṣbaḥ ȓḥaȓ, marra arruyas n ȓfuqaha ḏ imeqqranen n Ayṯ-Israʼil mcawaren jarasen ḥima aḏ nɣen Ƹisa.

Matta 27:1 ပူးပေါင်းရင်းမြစ်များ

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Marqus 15:1

Wami iṣbeḥ ȓḥaȓ, munen arruyas n ȓfuqaha, ḏ imeqqranen n Ayṯ-Israʼil, ḏ imseȓmaḏen n ccariƹa, ḏ marra Jmaƹṯ n lḥukkam nsen mcawaren jarasen. Carfen Ƹisa uwin-ṯ aṯ sellmen i lḥakem arrumani umi qqaren Bilaṭus.

Luqa 13:1

Ḏi nhar nni ḥḍaren-d can yiwḏan xebbaren Ƹisa x ca n yiwḏan zi Ayṯ-Ljalil tuɣa ɣarrṣen i dbiḥaṯ nsen wami d yusa lḥakem ḏ arumani Bilaṭus inɣi-ṯen, iḏammen nsen xellṭen ak iḏammen n dbiḥaṯ nsen.

Luqa 22:66

Wami iṣbeḥ ȓḥaȓ munen imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa, uwin Ƹisa ɣar Jmaƹṯ n lḥukkam nsen.

Yuḥanna 18:28

Uwin Ƹisa zi ṯeddarṯ n Qiyafa ɣar ȓeqṣar n lḥakem, tuɣa zic. Israʼiliyen war uḏifen ca ɣar ȓeqṣar ḥima war sḥerrimen ca ȓƹiḏ x yixef nsen.

Ȓexḏayem 5:21

Ḏ manayenni iy ggin, uḏfen ɣar ȓefjar ɣar ṯemziḏa ṯameqqrant bḏan seȓmaḏen. Menbaƹd iruḥ arrayes n ȓfuqaha ḏ marra yinni kis iǧan smunen-d Jmaƹeṯ n lḥukkam n Ayṯ-Israʼil iƹni marra imeqqranen nsen, ssenni ssekken iƹessasen n ṯemziḏa aḏ d awin arrusul zi ȓeḥbes.