Matta 26:55 - Ṯarifiṯ 2020

⁵⁵ Ȓexddenni inna-asen Ƹisa i yiwḏan nni: "Ma tɣir-awem qa nec ḏ lmujrim wami d ṯeysim ȓesyuf ḏ idebbuzen ḥima aḏayi ṯeṭṭfem niɣ? Tuɣa tɣimiɣ mkuȓ nhar ḏi ṯemzida ṯameqqrant, seȓmaḏeɣ ḏinni war ḏayi ṯeṭṭifem ca.

Matta 26:55 ပူးပေါင်းရင်းမြစ်များ

Matta 21:23

Yuḏef Ƹisa ḏi ṯemziḏa ṯameqqrant iseȓmaḏ ḏinni. Qarrben-d ɣares arruyas n ȓfuqaha ḏ imeqqranen zi Ayṯ-Israʼil nnan-as: "Cek manis ḏac d ṯekka ssulṭa nni iy zi teggeḏ ṯimesȓayin-a? Wi ḏac yucin ssulṭa nni?"

Matta 26:47

Yallah Ƹisa issawaȓ yuweḍ-d Yahuḏa, ijjen zi ṯenƹac nni n arrusul nnes. Yuwi-d akiḏes ȓɣaci aṭṭas ysin ȓesyuf ḏ idebbuzen. Ssekken-ṯen-d arruyas n ȓfuqaha ḏ imeqqranen n Ayṯ-Israʼil.

Marqus 10:1

Ikkar Ƹisa iffeɣ ssenni iruḥ ɣar jwayeh n Yahuḏiya ḏ ujemmaḍ-in n yiɣzar n Lʼurdun. Munen-d xas ḏinni ȓɣaci ƹaweḏ, ibḏa iseȓmaḏ-iṯen amecnaw ȓebda.

Marqus 12:35

Ƹisa aqaṯ ḏi ṯemziḏa ṯameqqrant iseȓmaḏ ḏinni. Indeq-d inna-asen: "Mayemmi qqaren imseȓmaḏen n ccariƹa qa Lmasiḥ ḏ mmis n Dawed?"

Luqa 19:47

Tuɣa iseȓmaḏ mkuȓ nhar ḏi ṯemziḏa ṯameqqrant. Arruyas n ȓfuqaha ḏ imseȓmaḏen n ccariƹa ḏ imeqqranen n ccaƹb rezzun aṯ nɣen.

Luqa 20:1

Ijjen n nhar ḏeg wussan nni, Ƹisa aqaṯ ḏi ṯemziḏa ṯameqqrant iseȓmaḏ iwḏan itbeccar-iṯen, usin-d ɣares arruyas n ȓfuqaha ḏ imseȓmaḏen n ccariƹa ḏ imeqqranen n Ayṯ-Israʼil.

Luqa 4:20

Ibelleƹ lkitab nni yarra-as-ṯ i uxeddam iqqim. Marra yinni iǧan ḏi ṯemziḏa qqimen txezzaren ḏayes.

Yuḥanna 7:14

Wami iƹḏu uzyen zi ȓƹiḏ, igaƹƹeḏ Ƹisa ɣar ṯemziḏa ṯameqqrant n Ayṯ-Israʼil iseȓmaḏ ḏinni.

Yuḥanna 7:28

Ikkar Ƹisa itxaṭab s jjheḏ ḏi ṯemziḏa ṯameqqrant n Ayṯ-Israʼil iseȓmaḏ-iṯen iqqar-asen: "Ma ḏ ṣṣaḥ ṯessnem-ayi manis nec, niɣ min ƹniɣ? War d usiɣ ca s yixef inu lla. Wenni ḏayi d issekken ɣares lḥaqiqa! Kenniw war ṯ ṯessinem ca.

Yuḥanna 8:2

Ak ṣbaḥ zic iḏweȓ-d ƹaweḏ ɣar ṯemziḏa ṯameqqrant n Ayṯ-Israʼil. Usin-d ɣares ȓɣaci marra, iqqim iseȓmaḏ-iṯen.

Yuḥanna 8:20

Inna awaȓ-a ḏi ṯemziḏa ṯameqqrant nsen mani jemmƹen ṣṣaḏaqa, iseȓmaḏ ḏinni. War ṯ iṭṭif uȓa ḏ ijjen minzi ȓweqṯ nnes ƹaḏ war d tuwiḍ.