Matta 26:3 - Ṯarifiṯ 2020

³ Ssenni munen arruyas n ȓfuqaha ḏ imeqqranen n Ayṯ-Israʼil ḏi ṯeddarṯ n arrays n ȓfuqaha wenni umi qqaren Qiyafa.

Matta 26:3 ပူးပေါင်းရင်းမြစ်များ

Matta 26:69

Buṭrus iqqim ɣar barra ḏi ȓemraḥ. Ṯqarreb ɣares ijjen n ṯxeddant ṯenna-as: "Uȓa ḏ cek ṯeǧiḏ ak Ƹisa zi Ljalil."

Matta 27:27

Uwin-ṯ ȓƹaskar n lḥakem ɣar ȓemraḥ n ȓeqṣar n lḥakem, smunen-d ḏinni marra lfirqa n ȓƹaskar nni.

Marqus 14:54

Iḏfar-iṯ Buṭrus zi ȓeggwaj, yuḏef ɣar ȓemraḥ n ṯeddarṯ n arrays nni. Iqqim ak iƹessasen izɣar ɣar ṯmessi.

Marqus 14:66

Buṭrus iqqim ɣar barra awedday ḏi ȓemraḥ. Ṯqarreb ɣares ijjen n ṯxeddant n arrays n ȓfuqaha.

Marqus 15:16

Uwin-ṯ ȓƹaskar ɣar ḏaxeȓ ɣar ȓemraḥ n ȓeqṣar n lḥakem, smunen-d ḏinni marra lfirqa n ȓƹaskar nni.

Luqa 22:55

Ceƹƹȓen ṯimessi ḏi ȓwesṭ n ȓemraḥ n ṯeddarṯ. Qqimen ḏinni, iqqim akiḏsen Buṭrus.

Luqa 3:2

Ḥanin ḏ Qiyafa niṯni ḏ arruyas n ȓfuqaha. Ḏi ȓweqṯ nni yusa-d wawaȓ n Arebbi i Yaḥya mmis n Zakariya ḏi ȓexȓa.

Yuḥanna 11:57

Arruyas n ȓfuqaha ḏ ifarrisiyen weṣṣan wenni iy ɣa iẓren mani iǧa Ƹisa, asen t yini bac aḏ raḥen aṯ ṭṭfen.

Yuḥanna 18:24

Ssenni issekk-iṯ Ḥannin ḏ ameḥbus ɣar Qiyafa arrayes n ȓfuqaha.

Yuḥanna 18:28

Uwin Ƹisa zi ṯeddarṯ n Qiyafa ɣar ȓeqṣar n lḥakem, tuɣa zic. Israʼiliyen war uḏifen ca ɣar ȓeqṣar ḥima war sḥerrimen ca ȓƹiḏ x yixef nsen.