Matta 26:28 - Ṯarifiṯ 2020

²⁸ Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan ḥima aḏasen iɣfar Arebbi ȓmuƹṣiyaṯ nsen.

Matta 26:28 ပူးပေါင်းရင်းမြစ်များ

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Matta 26:27

Iysi-d ȓkas icekkar Arebbi yuca-asen-ṯ. Inna-asen: "Swem zzayes marra iḏwem.

Matta 26:29

Aqa qqareɣ-awem: Zi ssa aȓ ṯsawent war sesseɣ ca zeg waman-a n uḍiȓ ḥetta aȓ Nhar nni iy ṯen ɣa sweɣ akiḏwem zi jḏiḏ ḏi ȓmulk n Baba."

Matta 6:12

Ɣfar-aneɣ ȓmuƹṣiyaṯ nneɣ i neccin, mammec nsemmeḥ i yinni iy kiḏneɣ ixeṭṭan.

Marqus 1:4

Yusa-d Yaḥya ɣar ȓexȓa. Itbeccar iwḏan ḥima aḏ tuben aḏ twaṭehharen s waman ḥima aḏ twaɣfarent ȓmuƹṣiyaṯ nsen.

Marqus 14:24

Inna-asen: "Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan.

Luqa 22:19

Iysi aɣrum icekkar Arebbi irzi-ṯ yuca-asen-ṯ inna-asen: "Ḏ wa ig iǧan ḏ ddat inu iy ɣa immucen ƹlaḥsab kenniw. Teggeṯ manaya ḥima aḏayi ṯfekkarem."

Luqa 22:20

Ammu ƹaweḏ menbaƹd i umensi iysi-d ȓkas inna-asen: "Ȓkas-a ḏ ȓƹaheḏ ḏ jḏiḏ iy kiḏwem teggeɣ s iḏammen inu aḏ azzȓen ƹlaḥsab kenniw."

Ayṯ-Ruma 5:15

Walakin ȓmuƹṣiyeṯ n Adam war nzemmar at nmeṯṯel ak lhadiya n arḍa n Arebbi. Cuf, ijjen n bnaḏem, netta ḏ Adam, iƹṣa Arebbi yuwi-d ȓmewṯ i marra yiwḏan. Ȓexxu mecḥaȓ imɣar arḍa n Arebbi ḏ lhadiya iy d infeyyḍen x yiwḏan s arḍa n yijjen n bnaḏem nneɣni netta ḏ Ƹisa Lmasiḥ.

Ayṯ-Ruma 5:19

Liʼanna mammec iƹṣa Adam Arebbi yuwi-d ȓmuƹṣiyeṯ i waṭṭas n yiwḏan, amenni iṭaƹ Ƹisa i Arebbi ssenni meṣȓaḥen aṭṭas n yiwḏan ak Arebbi.

1 Ayṯ-Kurinṯ 11:25

Ammu ƹaweḏ wami kemmȓen amensi, iysi-d netta ȓkas nni, inna: "Ȓkas-a ḏ ȓƹaheḏ ḏ jḏiḏ iy kiḏwem teggeɣ s iḏammen inu. Teggeṯ manaya meȓmi ma ṯ ṯeswim ḥima aḏayi tfekkarem."

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Ayṯ-Kulus 1:14

Zzayes netta isenjem-aneɣ iƹni iɣfar-aneɣ ȓmuƹṣiyaṯ nneɣ.

Ayṯ-Kulus 1:20

Ṯumma isemṣȓaḥ Arebbi qaƹ ṯimesȓayin i yixef nnes ig iǧan ḏi ṯmurṯ niɣ ḏeg ujenna iƹni igga ȓehna s iḏammen n Mmis iy yuzzȓen x ṣṣalib.

Iƹibraniyen 10:29

Y kenniw, min tfekkarem? Mecḥaȓ iy ɣa yiȓi lƹiqab ig isḏaheǧ wenni iseḥqaren Mmis n Arebbi, isexnez iḏammen n ȓƹaheḏ nni iy zi itwassiṣfa, izebbeȓ Arruḥ n arḍa!

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

1 Yuḥanna 2:2

Ḏ netta ig iruḥen ḏ lfidya x ȓmuƹṣiyaṯ nneɣ u maci ɣir x ȓmuƹṣiyaṯ nneɣ waha, ḥetta uȓa ḏ ȓmuƹṣiyaṯ n ddunect-a amen-ṯekmaȓ.

Lwaḥi 7:14

Jawbeɣ-ṯ nniɣ-as: "Ḏ cek iy issnen a Siḏi." Inna-ayi: "Yina ḏ yinni inejmen zi ȓmiḥneṯ ṯameqqrant, ṣebbnen ičammiren nsen s iḏammen n Yizmar arrin-ṯen ḏ icemȓaȓen.

Lwaḥi 7:9

Menbaƹd i manaya xzareɣ, twaȓiɣ aṭṭas n ȓɣaci bȓa ȓeḥsab zi mkuȓ ȓgens ḏ ȓqum ḏ ccaƹb ḏ lluɣa, bedden zzaṯ i lƹarc ḏ zzaṯ i Yizmar ggin čammir ḏ acemȓaȓ, ḏeg ifassen nsen ṯaseṭṭa n tmar.