Matta 26:25 - Ṯarifiṯ 2020

²⁵ Uca inna-as Yahuḏa iƹni wenni iy ṯ ɣa izzenzen: "War iǧi bu ḏ nec, yac a Siḏi?" Inna-as Ƹisa: "Ḏ cek iy ṯ innan."

Matta 26:25 ပူးပေါင်းရင်းမြစ်များ

Matta 23:7

Texsen axasen seǧmen ḏi ȓeswaq aḏasen ȓaɣan yiwḏan: A siḏiṯneɣ.

Matta 23:8

Walakin kenniw, war tejjam ḥadd aḏawem iȓaɣa: A siḏiṯneɣ. Ȓaḥeqqac kenniw marra ḏ awmaṯen ɣarwem ijjen n Siḏiṯwem.

Matta 26:14

Uca ikkar Yahuḏa Isxaryuṭi wenni zi ṯenƹac n arrusul iruḥ netta ɣar arruyas n ȓfuqaha

Matta 26:49

Ȓexddenni iqarreb Yahuḏa ɣar Ƹisa inna-as: "Ssalam a Siḏi." Uca iseǧem xas.

Matta 26:64

Inna-as Ƹisa: "Aqa ṯenniḏ-ṯ cek. Innama, aqa qqareɣ-awem: Zi ssa aȓ ṯsawent aḏ teẓrem Mmis n bnaḏem iqqim x ufusi n Lqawi. Aṯ ṯeẓrem ƹaweḏ ihewwa-d ak useynu n ujenna."

Matta 27:11

Ibedd Ƹisa zzaṯ i lḥakem nni arrumani. Isseqsa-ṯ lḥakem inna-as: "Ma ḏ cek ḏ azeǧiḏ n Ayṯ-Israʼil?" Inna-as Ƹisa: "Aqa ṯenniḏ-t cek."

Luqa 22:70

Nnan-as marra iḏsen: "Iwa cek ḏ Mmis n Arebbi baƹda?" Inna-asen: "Aqa ṯennam-ṯ kenniw ḏ nec."

Yuḥanna 18:37

Inna-as Bilaṭus: "Zaƹma, cek ḏ azeǧiḏ?" Inna-as Ƹisa: "Ṯenniḏ cek nec ḏ azeǧiḏ. Nec xeȓqeɣ-d usiɣ-d ɣar ddunect-a ḥima aḏ cehḏeɣ i lḥaqiqa. Marra wenni iǧan zi lḥaqiqa aḏ iḏfar awaȓ inu."

Yuḥanna 4:31

Ḏi ȓweqṯ nni qqaren-as imeḥḍaren A Lmuƹallim, ecc!