Matta 25:41 - Ṯarifiṯ 2020

⁴¹ Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Matta 25:41 ပူးပေါင်းရင်းမြစ်များ

Matta 13:40

Amecnaw mammec ismun ufeǧaḥ isennanen isḥerreq-iṯen ḏi ṯmessi, amenni iy ɣa ṯiȓi ȓefna n zman.

Matta 13:42

Aṯen nḍaren ḏi ȓkuceṯ n ṯmessi mani ɣa iȓin imeṭṭawen ḏ uɣeẓẓaẓ n ṯeɣmas.

Matta 13:50

aṯen nḍarent ḏi ȓkuceṯ n ṯmessi mani ɣa iȓin imeṭṭawen ḏ uɣeẓẓaẓ n ṯeɣmas."

Matta 18:8

Cek fus nnec niɣ ḍar nnec meȓa itsebbab-ac ḏi can ȓmuƹṣiyeṯ, qess-iṯ zaƹma nḍar-iṯ. Ḥsen i cek aḏ taḏfeḏ jjenneṯ s yijjen n ufus niɣ s yijjen n uḍar zi meȓa qqimen ɣarek ṯnayen n ifassen niɣ ṯnayen n iḍaren aḏ tmenḍareḏ ḏi ṯmessi iy war ixessin ca ƹemmarṣ.

Matta 25:42

Ȓaḥeqqac ṯufim-ayi ǧuzeɣ, war ḏayi ṯseccem ca. Ṯufim-ayi ffuḏeɣ, war ḏayi ṯsesswem ca.

Matta 25:46

Aḏ raḥen yina ɣar ṯmessi iy war ixessin ƹemmarṣ. Walakin iṣebḥanen aḏ raḥen ɣar ṯuḏarṯ n ȓebda."

Matta 3:12

Ɣares ṯazzarṯ ḏeg ufus ḥima aḏ izuzzar ṯaffa nnes qaƹ, aḏ ismun ṯiḥebba n yirḏan aṯent igg ḏi ṯesrafṯ. Min war ineffƹen ca aṯ issecmeḍ ḏi ṯmessi iy war ixessin ƹemmarṣ."

Matta 4:10

Indeq-d Ƹisa inna-as: "Ruḥ, beƹƹeḏ-ayi a Cciṭan. Aqa Lkitab iqqar: "

Matta 5:22

Walakin nec qqareɣ-awem: Marra uw ɣa iƹaṣben x wumas ataf aḏ itwaḥkem. Wenni ɣa yinin i wumas: Ay aɣyuȓ, ataf aḏ itwaḥkem ḏi lmaḥkama ṯameqqrant. Ḏ wenni ɣa yinin i wumas: Ay afɣuȓ, ataf isḏaheǧ aḏ iraḥ ɣar ṯmessi n jahennama.

Matta 7:23

Ȓexddenni aḏasen iniɣ: Tuɣayi nec ƹemmarṣ war kenniw ssineɣ ca. Beƹƹḏeṯ xafi a yinni iteggen ccarr!

Luqa 13:27

Aḏawem yini: Nec war ssineɣ ca zi manis d tusim. Beƹƹḏem xafi a yinni iteggen ccarr!

Luqa 16:24

Iȓaɣa-yas inna-as: A baba Brahim rḥem-ayi, sekk-d Liƹazar ḥima aḏ isuff ijjen n ṯicceṭ n uḍaḍ n ufus nnes ḏeg waman bac azzayes semḍeɣ iȓes inu minzi nec tƹeddabeɣ ḏi ṯmessi-ya.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

2 Ayṯ-Salunik 1:7

aḏawem yuc arraḥeṯ akiḏneɣ kenniw itwameḥḥanen. Manaya aḏ yiȓi xmi d ɣa imeḍhar Siḏiṯneɣ Ƹisa zeg ujenna ḏeg yijjen n ṯmessi ṯḥeddeq, akiḏes d meḍharent lmalaʼikaṯ nnes ijehḏen.

2 Ayṯ-Salunik 1:9

Aḏ twaƹaqben s yijjen n lxarab war ifennin ca, aḏ twaḥarrmen zeg uɣembub n Siḏiṯneɣ ḏ lƹaḍama n jjheḏ nnes.

Iƹibraniyen 6:8

Walakin meȓa ṯamurṯ nni ṯseɣmay-d ɣir isennanen ḏ ṯzeggwarṯ, ataf nettaṯ ḏ walu aqat ḏi lxaṭar aḏ twanƹeȓ, aȓ uneggaru at sḥarqen s ṯmessi.

2 Buṭrus 2:4

Iwa cuf, qa Arebbi war iḥinn ca x lmalaʼikaṯ wami ṯ ƹṣant, iruḥ iqenn-iṯent s snaseȓ inḍar-iṯent ḏeg yijjen n ṯaǧest ḏ ṯabercant ḏi lʼaxira mani ɣa rajant Yum Lḥisab ḏ Lƹiqab.

1 Yuḥanna 3:10

Mammec ɣa negg a nesfreq ṯarwa n Arebbi ḏ ṯarwa n Ibȓis? Qa yinni war iqqimen ca sxeddamen min iǧan nican war ǧin ca zi Arebbi. Ƹaweḏ wenni war itexsen ca umas war iǧi ca zi Arebbi.