Matta 25:40 - Ṯarifiṯ 2020

⁴⁰ Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 25:40 ပူးပေါင်းရင်းမြစ်များ

Matta 10:40

Wenni kenniw iqebbȓen, ataf iqbeȓ-ayi. Wenni ḏayi iqebbȓen, ataf iqbeȓ wenni ḏayi d issekken.

Matta 10:42

Aqa tesȓam ȓḥaqq: Wenni ɣa yucen ɣir ȓkas n waman ḏ asemmaḍ i can yijjen zeg imezyanen-a ȓaḥeqqac ḏ ameḥḍar inu, ataf aḏ yawi lʼajar nnes war ṯ itḍeyyiƹ ca."

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Matta 25:39

Meȓmi c nufa ṯheȓceḏ niɣ ḏ ameḥbus, nusa-d ɣarek?

Matta 25:45

Aḏ d yas uzeǧiḏ aḏasen yini: Aqa tesȓam ȓḥaqq: Min war ṯeggim ca i yijjen n wuma ḏ amezyan zeg ayṯma, war ḏayi t ṯeggim ca i nec.

Matta 28:10

Ȓexddenni inna-asent Ƹisa: "War teggwḏent ca. Ruḥent siwḍent ȓexbar inint i ayṯma: Ruḥeṯ ɣar ṯmurṯ n Ljalil ḏinni iy ḏayi ɣa ṯeẓrem."

Marqus 9:41

Aqa tesȓam ȓḥaqq: Wenni ḏawem ɣa yucen ȓkas n waman ȓaḥeqqac teḏfarem Lmasiḥ ataf aḏ yawi lʼajar nnes war ṯ itḍeyyiƹ ca."

Luqa 19:38

Qqaren: "Ssaƹḏ n uzeǧiḏ iy d yusin ƹlaḥsab isem n Siḏi Arebbi. Ȓehna ḏeg ujenna, lḥamdu i Arebbi yuƹȓan!"

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Ayṯ-Ruma 8:29

Liʼanna yinni iy tuɣa issen-iṯen zi qbeȓ, izemmem-iṯen zi qbeȓ ḥima aḏ iȓin x ṣṣifeṯ n Mmis aḏ iȓin am netta. Ammu aḏ yiȓi netta ḏ Mmis amenzu n waṭṭas n ayṯmas.

2 Ayṯ-Kurinṯ 4:5

War netbeccir ca s yixef nneɣ, netbeccar s Ƹisa Lmasiḥ iƹni netta ḏ Siḏiṯneɣ. U neccin ḏ ixeddamen nwem ƹlaḥsab Ƹisa.

Ayṯ-Galaṭya 5:13

Cuf ay ayṯma, iȓaɣa-yawem-d Arebbi bac aḏ tiȓim ḥurr. Walakin war tejjaṯ ca lḥurriya-ya nwem aḏ tiȓi ḏ ijjen n ubriḏ iy zi ɣa ṯseƹƹifem ccehweṯ n ṭṭabiƹa ṯaƹeffant nwem; Lla, aḏ tsexxarem i wayawya s ȓemḥibbeṯ.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Ufasus 5:30

Liʼanna neccin ḏ ṭrufaṯ n ddat nnes.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Yuḥanna 4:20

Wenni iqqaren qa nec texseɣ Arebbi netta itƹiffa umas, ataf netta ḏ bu-ixarriqen waha ig iǧa. Mayemmi? Wenni war itexsen ca umas ig iẓerr, ataf war izemmar ca aḏ ixes Arebbi iy war iẓerr ca.

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."

Lwaḥi 19:16

Yura x učammir ḏ umeṣṣaḍ nnes ijjen n yisem iƹni ḏ Azeǧiḏ n izeǧiḏen ḏ Mawlana n mawlanaṯ.