Matta 25:34 - Ṯarifiṯ 2020

³⁴ Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Matta 25:34 ပူးပေါင်းရင်းမြစ်များ

Matta 13:35

Ḥima aḏ ikemmeȓ wawaȓ iy inna Siḏi Arebbi i nnabi Icaƹya ḏeg yijjen n zman: "

Matta 19:29

U marra yinni isemmḥen ḏi ṯuḏrin nsen niɣ ḏi ayṯmas niɣ ḏi suyṯmas niɣ ḏi babas ḏ yemmas niɣ ḏi ṯarwa nsen niɣ ḏeg imarjeƹiwen nsen x ssabab inu nec, ataf aɣarsen ṯiȓi miyya n ṯseqqar ktar, aḏ warṯen ṯuḏarṯ n ȓebda.

Matta 20:23

Inna-asen: "Wah, ataf aḏ teswem zi ȓkas inu. Walakin aɣimi x ufusi inu ḏ uẓeȓmaḍ inu war iǧi bu ḏ nec iy ṯ ɣa yucen, aḏ immuc i yinni umi ṯen isewjeḏ Baba."

Matta 21:5

"Inim-as i yeǧis n Lquds: Xzar, azeǧiḏ nnem yusa-d ɣarem, war ḏayes bu ttakebbur. Inya x yijjen n ṯeɣyuȓṯ, ḏ usnus mmis n ṯeɣyuȓṯ."

Matta 25:21

Inna-as siḏes: Ṯeggiḏ mliḥ ay axeddam aṣebḥan, cek ḏayek ȓaman. Ḏayek ȓaman x ḏrus, ȓexxu ac kellfeɣ x waṭṭas. Aḏef aḏ tfarḥeḏ ak siḏec.

Matta 25:23

Inna-as siḏes: Ṯeggiḏ mliḥ ay axeddam aṣebḥan, cek ḏayek ȓaman. Ḏayek ȓaman x ḏrus, ȓexxu ac kellfeɣ x waṭṭas. Aḏef aḏ tfarḥeḏ ak siḏec.

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 25:41

Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Matta 27:37

Ɣar uzeǧif nnes ggin-as ijjen n ṯeȓwiḥet ṯura ḏayes ttuhma nni iqqaren: "Wanita ḏ Ƹisa, azeǧiḏ n Ayṯ-Israʼil."

Matta 3:2

Iqqar-asen: "Tubem, aqa yuḏes-d ȓmulk n ujenna."

Matta 5:19

Marra uw ɣa iḥarfen ijjen n ȓuṣiyeṯ ḏ ṯamezyant zi ccariƹa, ssenni aḏ iseȓmeḏ i yiwḏan x min itegg netta, ataf aḏ yiȓi ḏ amezyan s waṭṭas ḏi ȓmulk ujenna. Walakin wenni ɣa iṭaƹen i ccariƹa igga zzayes, ssenni aḏ iseȓmeḏ i yiwḏan aḏ ggen am netta, ataf aḏ yiȓi ḏ ameqqran s waṭṭas ḏi ȓmulk ujenna.

Marqus 10:17

Ƹisa wami iggur x ubriḏ, yusa-d ɣares ijjen itazzeȓ iwḍa x ifadden zzaṯes inna-as: "A Lmuƹallim aṣebḥan, min ɣa ggeɣ ḥima aɣari ṯiȓi ṯuḏarṯ n ȓebda?"

Marqus 10:40

Walakin aɣimi x ufusi inu niɣ x uẓeȓmaḍ inu war iǧi bu ḏ nec iy ṯ ɣa yucen, aḏ immuc i yinni umi itwassewjeḏ."

Luqa 11:28

Walakin netta inna: "Lla, ssaƹḏ n yinni itsȓan i wawaȓ n Arebbi, tṭaƹan-as."

Luqa 11:50

Ḥima iwḏan n ȓweqṯ-a aḏ twaƹaqben x marra iḏammen iy yuzzȓen zi lʼanbiya zeg wami ṯeǧa ddunect-a.

Luqa 12:32

War teggwḏem ca a ṯḥimerṯ inu ṯamezyant, irḍa Babaṯwem aḏawem yuc ȓmulk nnes.

Luqa 19:38

Qqaren: "Ssaƹḏ n uzeǧiḏ iy d yusin ƹlaḥsab isem n Siḏi Arebbi. Ȓehna ḏeg ujenna, lḥamdu i Arebbi yuƹȓan!"

Yuḥanna 1:49

Inna-as Naṯnahil i Ƹisa: "A Lmuƹallim, qa cek ḏ Mmis n Arebbi, cek ḏ azeǧiḏ n Ayṯ-Israʼil."

Yuḥanna 12:13

Ysin afriwen n ṯcejjura n tmar bac azzayes reḥben ffɣen aṯ ȓqan s ȓefraḥeṯ. Tƹeyyaḍen qqaren lḥamdu i Arebbi! Ssaƹḏ n wanita iy d yusin ƹlaḥsab isem n Siḏi Arebbi, qa netta ḏ azeǧiḏ n Ayṯ-Israʼil!

Yuḥanna 17:24

A Baba, yina ḏayi ṯuciḏ xseɣ aḏ iȓin akiḏi mani ma ǧiɣ nec ḥima aḏ ẓren lƹaḍama inu iy ḏayi ṯuciḏ minzi cek ṯḥibbeḏ-ayi qbeȓ ma aḏ tiȓi ddunect.

Yuḥanna 19:15

Walakin tƹeyyaḍen s jjheḏ qqaren: "Ysi-ṯ ysi-ṯ, ṣelleb-iṯ!" Inna-asen Bilaṭus: "Ma aḏ ṣellbeɣ azeǧiḏ nwem?" Arrin xas arruyas n ȓfuqaha nnan-as: "War ɣarneɣ bu uzeǧiḏ illa Qayṣar!"

Ȓexḏayem 3:26

Wami ḏawem d yuca Arebbi axeddam nnes Ƹisa, ḏ amezwaru issekk-awem-ṯ-iḏ i kenniw bac akenniw ibarek, iƹni aḏ isbeƹƹeḏ mkuȓ ijjen zzaywem x ccarr nnes."

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

1 Ayṯ-Kurinṯ 15:50

Fa qqareɣ-awem ay ayṯma, qa aysum ḏ iḏammen war zemmaren aḏ warṯen ḏi ȓmulk ujenna. Min ifennan war iwarreṯ ca min war ifennin.

1 Ayṯ-Kurinṯ 2:9

Mamc iqqar Lkitab:

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

Ayṯ-Galaṭya 5:21

ḏ ȓeḥseḏ ḏ waṭṭas n ccreb ḏ lmadella n ssekra ḏ min itcabbahen ḏi manaya. Ƹeǧmeɣ-awem-d ȓexxu mamc tuɣa ḏawem ƹeȓmeɣ zi qbeȓ: yinni iteggen ȓexḏayem-a war twariṯen ca ȓmulk n Arebbi.

Ayṯ-Ufasus 5:5

Liʼanna wenni iteggen lfasad niɣ ḏ min isexnizen niɣ ḏ min iseḍmaƹen, iƹni netta ḏ wenni iƹebbḏen lʼaṣnam, aqa tessnem bȓa ccekk belli marra yinni iteggen manaya war ɣarsen bu lwareṯ ḏi ȓmulk n Lmasiḥ niɣ ḏi Arebbi.

1 Ayṯ-Salunik 2:12

bac aḏ tuyurem s yijjen n ṯicri iy ḏas iticcen lqima i Arebbi ig isḏaheǧ netta iƹni wenni iy ḏawem d itȓaɣan ɣar ȓmulk nnes ḏ lƹaḍama nnes.

2 Timutawus 2:12

Meȓa neṣbar, uca a neḥkem akiḏes. Meȓa nenkar-iṯ, uca ƹaweḏ netta aḏaneɣ inkar.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iƹibraniyen 11:16

Walakin lla, rezzun x yijjen n ṯmurṯ ḥsen zi ṯenni, iƹni icten ḏeg ujenna. X manayenni Arebbi war iseḏḥi ca aḏas inin qa cek ḏ Arebbi nneɣ minzi netta isewjeḏ-asen ijjen n ṯendint.

Iƹibraniyen 4:3

Cuf, arraḥeṯ nni mixef issawaȓ Arebbi ataf ntaḏef ḏayes neccin iy yumnen. Issiweȓ Arebbi x manaya wami inna: Man arraḥeṯ? Iƹni ṯenni n Siḏi Arebbi wami ikemmeȓ ȓexḏayem nnes ixȓeq-d ddunect-a.

Iƹibraniyen 9:26

Maƹlik amenni tuɣa ataf labud Lmasiḥ itwaƹeddab aṭṭas n ṯwaȓaṯin zeg wami twaxȓeq ddunect-a. Walakin lla, ihwa-d netta ijjen n ṯwaȓa aȓ uneggaru n zmanaṯ bac aḏ isbeṭṭeȓ ȓmuƹṣiyeṯ wami iqeddem ixef nnes ḏ dbiḥeṯ.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

1 Buṭrus 1:9

Aqa kenniw ṯqebbȓem lɣaraḍ n lʼiman nwem iƹni aḏ injem ȓaƹmar nwem.

1 Buṭrus 3:9

War tarraṯ ca ccarr s ccarr nneɣni niɣ ȓƹib s ȓƹib nneɣni. Lla, barkeṯ inneɣni, mayemmi? Minzi iȓaɣa-d xawem i manaya bac aḏ txaȓsem s yijjen n lbaraka.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Lwaḥi 17:8

Ȓwaḥc nni iy ṯeẓriḏ tuɣa iǧa, ȓexxu war iǧi ca, ƹȓayen aḏ d igaƹƹeḏ zi ȓaǧeɣ bȓa ȓaḥedd aḏ itwahḏem. Imezḏaɣ n ṯmurṯ xmi ɣa ẓren ȓwaḥc nni ataf aḏ dehcen iƹni kuȓ ijjen isem nnes war izemmem ca zeg wami ṯeǧa ddunect ḏi Lkitab n Ṯuḏarṯ. Ȓaḥeqqac ȓwaḥc nni tuɣa iǧa, ȓexxu war iǧi ca, ƹaḏ aḏ d yas.

Lwaḥi 19:16

Yura x učammir ḏ umeṣṣaḍ nnes ijjen n yisem iƹni ḏ Azeǧiḏ n izeǧiḏen ḏ Mawlana n mawlanaṯ.

Lwaḥi 21:7

Wenni ɣa irebḥen aḏ iwareṯ ḏi ṯmesȓayin-a. Nec aḏ iȓiɣ ḏ Arebbi nnes, netta aḏ yiȓi ḏ mmi.

Lwaḥi 5:10

Ṯeggiḏ zzaysen ijjen n lmemlaka n ȓfuqaha i Arebbi nneɣ, aḏ ḥekkmen ḏi ṯmurṯ."