Matta 25:32 - Ṯarifiṯ 2020

³² Aḏ njemƹen marra iwḏan zzaṯes, aḏ iƹzeȓ iwḏan ijjen zeg unneɣni amecnaw mammec wenni yarewwsen ȓebhayem iteƹzaȓ iḥuȓiyen zi ṯɣatin.

Matta 25:32 ပူးပေါင်းရင်းမြစ်များ

Matta 13:49

Ammu iy ɣa yiȓi nhar iy ḏi ɣa ifna zman: Aḏ d asent lmalaʼikaṯ aḏ fernent ȓkuffar zi ȓmuminin;

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Matta 3:12

Ɣares ṯazzarṯ ḏeg ufus ḥima aḏ izuzzar ṯaffa nnes qaƹ, aḏ ismun ṯiḥebba n yirḏan aṯent igg ḏi ṯesrafṯ. Min war ineffƹen ca aṯ issecmeḍ ḏi ṯmessi iy war ixessin ƹemmarṣ."

Yuḥanna 10:14

Nec ḏ wenni iy ṯen yarewwsen ḏ ṣṣaḥ. Ssneɣ iḥuȓiyen inu iḥuȓiyen inu ssnen-ayi, mammec ḏayi issen Baba nec ssneɣ-ṯ. Ṯuḏarṯ inu, tṣeddaqeɣ-t x iḥuȓiyen inu.

Yuḥanna 10:27

Iḥuȓiyen inu tesȓan ɣar ṣṣut inu, ssneɣ-ṯen niṯni ḏeffaren-ayi.

Ayṯ-Ruma 2:12

Cuf, marra yinni iƹeṣṣan niṯni war ɣarsen tiȓi bu ccariƹa, ataf aḏ fnan bȓa ccariƹa. Walakin yinni iƹeṣṣan ataf ɣarsen ccariƹa, aḏ twaḥakmen ƹlaḥsab ccariƹa nni.

Ayṯ-Ruma 2:16

Iqqar Lʼinjil iy zi tḥeddaṯeɣ: Manaya aḏ yiȓi ḏi Nhar nni xmi ɣa iḥaseb Arebbi x ufus n Ƹisa Lmasiḥ marra min inuffaren ḏeg wuȓawen n yiwḏan.

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

2 Ayṯ-Kurinṯ 5:10

Liʼanna labud a nbedd marra iḏneɣ zzaṯ i lƹarc n Lmasiḥ mani iy ɣa netwaḥkem. Kuȓ ijjen aṯ ijaza x min isḏaheǧ ƹlaḥsab ṯimesȓayin nni ig igga wami izḏeɣ ḏi ddat, ḏ ṯiṣebḥanin niɣ ḏ ṯiƹeffanin.