Matta 24:7 - Ṯarifiṯ 2020

⁷ Dduwla aḏ tehjem x dduwla, lmemlaka aḏ tehjem x lmemlaka. Aḏ yiȓi jjuƹ aḏ iwqeƹ zzinzal ḏeg waṭṭas n imucan.

Matta 24:7 ပူးပေါင်းရင်းမြစ်များ

Luqa 21:11

Aḏ iwqeƹ zzinzal imɣar ḏeg waṭṭas n imucan. Aḏ yiȓi jjuƹ ḏ ȓehȓacaṯ ḏ waṭṭas n ṯmesȓayin isaggwaḏen, ḏ lƹalamaṯ ḏ ṯimeqqranin ḏeg ujenna.

Ȓexḏayem 11:28

Ikkar ijjen zzaysen qqaren-as Ɣabus, ixbar i ȓmuminin ḏinni s min ḏas inna Arruḥ n Arebbi. Inna-asen qa aḏ iwqeƹ ijjen n buheyyuf ḏ ameqqran x ṯmurṯ marra (u ḏ ṣṣaḥ iwqeƹ manayenni ḏi ȓweqṯ n Lmalik Qayṣar Kludyus).

Ȓexḏayem 2:19

Aḏ ggeɣ ȓaƹjayeb ḏeg ujenna ḏ lƹalamaṯ ḏi ṯmurṯ, aḏ iȓin iḏammen ḏ ṯmessi ḏ waṭṭas n ddexxan.

Iƹibraniyen 12:27

Awaȓ nni nnes iƹni <ƹaḏ aḏ d tas ijjen n ȓweqṯ> ataf netta issawaȓ x ca n ṯmesȓayin itenhezzan aḏ twakksent iƹni ḏ ṯimesȓayin nni iy d itwaxeȓqen bac ṯimesȓayin nni iy war itenhezzin ca ataf aḏ qqiment.

Lwaḥi 6:12

Ẓriɣ Izmar nni wami irzem acemmaƹ wis setta, ȓexddenni iwqeƹ ijjen n zzinzal ḏ ameqqran. Ṯfuct ṯeḏweȓ ḏ ṯabercant am ȓefḥam, ṯaziri ṯeḏweȓ am iḏammen.

Lwaḥi 6:5

Izmar nni wami irzem acemmaƹ wis ṯȓaṯa, sȓiɣ i lmexluq wis ṯȓaṯa iqqar: "Araḥ-d!" Wami xzareɣ, twaȓiɣ ijjen n uyis ḏ abercan, wenni xas inyin ɣares ȓmizan ḏeg ufus nnes.

Lwaḥi 6:6

Ṯumma sȓiɣ amecnaw ijjen n ṯmijja ṯusa-d zi jjiheṯ n arbeƹa n lmexluqaṯ nni ṯeqqar: "Kilu n yirḏan iseggwa nhar ufeǧaḥ. Ƹaweḏ ṯȓaṯa n kilu n imendi iseggwa nhar ufeǧaḥ. Walakin zzect ḏ waman uḍiȓ war ṯen tḍeyyaƹ ca."

Lwaḥi 6:8

Wami xzareɣ, twaȓiɣ ijjen n uyis ḏ awraɣ, wenni xas inyin semman-ṯ Ȓmewṯ, teḏfar-iṯ Lʼaxira. Ṯemmuc-asen ssulṭa aḏ nɣen arbaƹ n imezḏaɣ n ṯmurṯ s ssif ḏ jjuƹ ḏ ṭṭaƹun ḏ ȓuḥuc n ṯmurṯ.