Matta 24:3 - Ṯarifiṯ 2020

³ Wami iqqim Ƹisa ḏeg Uḏrar n Zzitun, qarrben-d ɣares imeḥḍaren nnes waḥeḏsen nnan-as: "Ini-yaneɣ cek, meȓmi ɣa iwqeƹ manaya? Min ṯeƹna lƹalama nni xmi d ɣa ṯaseḏ cek, ḏ ȓefna n zman?"

Matta 24:3 ပူးပေါင်းရင်းမြစ်များ

Matta 13:36

Ijja Ƹisa ȓɣaci nni yuḏef ɣar ṯeddarṯ. Ȓexddenni usin-d ɣares imeḥḍaren nnes nnan-as: "Fesser-aneɣ ȓmaƹna n isennanen ḏeg umarjeƹ."

Matta 13:49

Ammu iy ɣa yiȓi nhar iy ḏi ɣa ifna zman: Aḏ d asent lmalaʼikaṯ aḏ fernent ȓkuffar zi ȓmuminin;

Matta 15:12

Qarrben-d ɣares imeḥḍaren nnes nnan-as: "Ma ṯessneḏ belli ifarrisiyen war ḏasen iƹjib bu ȓḥaȓ wami sȓan i wawaȓ nnec?"

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 16:28

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Matta 17:19

Qarrben-d imeḥḍaren ɣar Ƹisa waḥḏes nnan-as: "Mayemmi zaƹma neccin tuɣa war nzemmar aṯ nsufeɣ?"

Matta 21:1

Wami qarrben ɣar ṯendint n Lquds uwḍen ɣar ubilaj n Bayt Faji zzaṯ i Uḏrar n Zzitun, ikkar Ƹisa issekk ṯnayen zeg imeḥḍaren nnes,

Matta 24:27

Aqa xmi d ɣa yas Mmis n bnaḏem ataf aḏ yiȓi amecnaw assam iy d iteffɣen zi ccarq itceƹƹaȓ ɣar lɣarb.

Matta 24:30

Uca aḏ tmeḍhar lƹalama n Mmis n bnaḏem ḏeg ujenna, ȓexddenni iy ɣa ḥeznent marra ṯiqebbaȓ n ṯmurṯ. Aḏ ẓrent Mmis n bnaḏem ihewwa-d ḏeg useynu n ujenna s lƹaḍama ḏ jjheḏ nnes imɣaren.

Matta 24:37

Amecnaw mamc iwqeƹ ḏi ȓiyyam nni n Nuḥ, amenni iy ɣa iwqeƹ xmi d ɣa iḏweȓ Mmis n bnaḏem.

Matta 24:39

War fṭinen ca aȓ wami d yusa ṭṭufan isɣareq-iṯen marra. Ammu iy ɣa iwqeƹ xmi d ɣa iḏweȓ Mmis n bnaḏem.

Matta 24:43

Itxeṣṣa-awem aḏ tessnem manaya: Mȓi bab n ṯeddarṯ issen ṯsaƹƹat iy ḏi d ɣa yas uceffar, iȓi iqqim ifaq ḥima war ṯ itijji ca aḏ d yaḏef ṯaddarṯ nnes.

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Luqa 21:7

Sseqsan-ṯ nnan-as: "A Lmuƹallim, meȓmi ɣa iwqeƹ manaya? Min ṯeƹna lƹalama nni xmi ƹȓayen ɣa weqƹent ṯmesȓayin-a?"

Ȓexḏayem 1:7

Inna-asen Ƹisa: "War ḏawem itwasmeḥ ca aḏ tessnem lʼawqat niɣ ḏ ttawarix tuɣa igga Baba s ssulṭa nnes.

Iƹibraniyen 9:26

Maƹlik amenni tuɣa ataf labud Lmasiḥ itwaƹeddab aṭṭas n ṯwaȓaṯin zeg wami twaxȓeq ddunect-a. Walakin lla, ihwa-d netta ijjen n ṯwaȓa aȓ uneggaru n zmanaṯ bac aḏ isbeṭṭeȓ ȓmuƹṣiyeṯ wami iqeddem ixef nnes ḏ dbiḥeṯ.