Matta 24:24 - Ṯarifiṯ 2020

²⁴ Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Matta 24:24 ပူးပေါင်းရင်းမြစ်များ

Matta 22:14

Inna-asen Ƹisa: "Aqa aṭṭas ig itwaƹarḍen, ḏrus iy ɣa itwaxḍaren."

Matta 24:11

Aḏ d meḍharen aṭṭas n yiwḏan aḏ arren ixef nsen ḏ lʼanbiya, aḏ xeḏƹen aṭṭas n yiwḏan.

Matta 24:22

Maƹlik Siḏi Arebbi war isenqis ca ḏi ȓiyyam nni n tamara-ya iy d ɣa yasen, ataf war inejjem uȓa ḏ ijjen. X ssabab n yinni ixḍar Arebbi, ataf aḏ isenqes ȓiyyam nni iy d ɣa yasen.

Matta 24:25

Xzarem! Aqa nec ƹeȓmeɣ-awem x manaya qbeȓ ma aḏ iwqeƹ.

Matta 24:31

Aḏ iṣuḍ ijjen n zzammar ḏ ameqqran, aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ujenna aȓ ȓaḥedd nnes nneɣni.

Matta 24:5

Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Aḏ xeḏƹen aṭṭas n yiwḏan.

Matta 7:15

Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren.

Marqus 13:22

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Luqa 18:7

Arebbi, ma war ḏasen iticc ȓḥaqq i yiwḏan nnes iy ṯ itettaren ǧiȓeṯ ḏ nhar? Ma axasen iƹeṭṭaȓ war ḏasen istijib ca?

Yuḥanna 4:48

Inna-as Ƹisa: "Kenniw, ma war timnem ca ḥetta aḏ teẓrem lmuƹjizaṯ ḏ lburhanaṯ?"

Yuḥanna 6:37

Marra min ḏayi d iticc Baba itas-d ɣari. Wenni iy d itasen ɣari war ṯ siggwijeɣ ca.

Yuḥanna 6:39

Min ixes wenni iy ḏayi d issekken? Ixes belli zi marra min ḏayi yuca war ḏayi itweddar uȓa ḏ ijjen, aṯen d sekkareɣ ḏi Nhar Aneggaru.

Ȓexḏayem 20:16

Zi ṯendint nni n Militus issekk Bulus ɣar ṯendint n Ufasus iȓaɣa-d x imeqqranen n jmaƹeṯ n ȓmuminin bac aɣares d asen. Tuɣa igga Bulus aḏ ikk x ȓebḥar x uɣezḏis n ṯendint n Ufasus ig iǧan ḏi lʼiqlim n Asya bac war itƹeṭṭaȓ ca ḏinni. Itqeǧiq bac aḏ yaweḍ ḏeɣya ɣar ṯendint n Lquds imken qbeȓ i Ȓƹiḏ n nhar wis xemsin.

Ayṯ-Ruma 12:18

Ƹlaḥsab kenniw, meȓa mumken ggeṯ aḏ tiȓim ḏi ȓehna ak yiwḏan marra.

Ayṯ-Galaṭya 4:15

Iwa, manis ṯekka ȓefraḥeṯ nni tuɣa ɣarwem? Aqa cehhḏeɣ xawem belli maƹlik tuɣa ṯzemmarem, iȓi ṯqeȓƹem-d ṯiṭṭawin nwem ṯucim-ayi-ṯent.

2 Timutawus 2:19

Walakin dsas ijehḏen n Arebbi war itenhezzi ca, xas iy neqcent ṯira-ya qqarent qa Siḏi Arebbi qa issen iwḏan iǧan nnes. Qqarent ƹaweḏ qa marra yinni icehhḏen s yisem n Siḏiṯneɣ itxeṣṣa u labud aḏ beƹƹḏen x ccarr.

1 Buṭrus 1:5

Ƹlaḥsab lʼiman nwem Arebbi iḥeṭṭa-kenniw s ṯzemmar nnes ɣar yijjen n usenjem ig isewjeḏ netta aṯiḏ ismeḍhar ḏi Nhar aneggaru.

2 Buṭrus 3:17

Iḏen ay imƹizzen inu, kenniw ṯessnem manaya, ḥḍaṯ ixef nwem bac war kenniw itawi ca lɣalaṭ n lmufsidin aḏ d tewḍam zi dsas nwem.

1 Yuḥanna 2:18

A iḥenjiren, aqa ṯsaƹƹat-a ṯaneggarut ṯuweḍ-d. Kenniw ṯesȓim ddejjal nni iggur-d, amenni ƹaweḏ aṭṭas n yiwḏan iy d yusin ȓexxu ggin am ddejjal nni. S manayenni iy nessen aqa ṯsaƹƹat ṯaneggarut ṯuweḍ-d.

1 Yuḥanna 2:22

Min iƹna wenni iy isxarriqen illa wenni inekkaren belli Ƹisa ḏ Lmasiḥ? Netta ḏ ddejjal iƹni wenni iy inekkaren Babaṯneɣ ḏ Mmis.

1 Yuḥanna 5:18

Neccin nessen belli marra wenni d ixeȓqen zi Arebbi war iqqim ca isxeddam ȓmuƹṣiyaṯ. Mmis iy d ixeȓqen zi Arebbi iḥeṭṭa-ṯ, war ṯ itḍarri ca Lmufsid.

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.