Matta 23:5 - Ṯarifiṯ 2020

⁵ Marra min teggen ḥima aɣarsen xzaren yiwḏan. Teggen ȓeḥruz ḏ imeqqranen, arennin ṯicȓuȓin i izeǧaben nsen.

Matta 23:5 ပူးပေါင်းရင်းမြစ်များ

Matta 9:20

Ḏinni ijjen n ṯemɣarṯ ṯenƹac iseggwusa zeg wami iy ṯehȓec, tazzeȓ s iḏammen. Ṯeḏfar Ƹisa, ṯḥaḏa-yas ṭṭarf n useȓham nnes.

Luqa 16:15

Inna-asen Ƹisa: "Kenniw ḏ yinni iy irezzun aḏ ucen ȓḥaqq x yixef nsen zzaṯ i yiwḏan, walakin Arebbi issen min ɣarwem ḏeg wuȓawen nwem. Min itarran bnaḏem ɣares lqima, ataf manayenni ḏ aƹeffan aṭṭas ɣar Arebbi.

Luqa 20:47

Tetten ṯajjaȓin, smeḍharen-d ixef nsen tẓaǧan aṭṭas ḥima aḏ beyynen i yiwḏan belli niṯni ṣebḥen aṭṭas zaƹma. Yina, lḥisab nsen aḏ yiȓi iqṣeḥ aṭṭas!"

Yuḥanna 12:43

Aqa rezzun arḍa n yiwḏan ktar zi arḍa n Arebbi.

Yuḥanna 5:44

Mammec ɣa ṯeggem aḏ tamnem? Iwa kenniw texsem lƹaḍama n wayawya, war ṯrezzum ca x lƹaḍama n Arebbi aweḥḏani.

Yuḥanna 7:18

Wenni issawaȓen zi ɣares irezzu lƹaḍama i yixef nnes. Wenni irezzun lƹaḍama n wenni iy ṯiḏ issekken, qa netta ḏayes lḥaqiqa war ḏayes bu ȓɣecc.

Ayṯ-Filippas 1:15

Ḏ ṣṣaḥ ḏinni ȓebƹaḍ tbeccaren s Lmasiḥ s ȓeḥseḏ ḏ lƹadawa, u ḏinni ȓebƹaḍ tbeccaren nican s ȓxaḍar nsen.

Ayṯ-Filippas 2:3

War teggem walu zi lʼananiya niɣ zi ttakebbur. Bȓa ttakebbur weqqarem inneɣni ḥsen zeg yixef nwem.

2 Ayṯ-Salunik 2:4

Netta itƹarraḍ i Arebbi isemɣar ixef nnes x marra minxef iǧa isem n Arebbi ḏ min ƹebbḏen yiwḏan ḥetta aḏ iqqim ḏi Ṯemziḏa ṯameqqrant n Arebbi aḏ iƹeyyeḍ aḏ yini qa nec ḏ Arebbi.