Matta 23:4 - Ṯarifiṯ 2020

⁴ Tceddan ȓeḥmeȓ iḏeqȓen iqesḥen x yiwḏan ḥima aṯ arbun, walakin war tḥiḏin ca ȓeḥmeȓ nni uȓa s uḍaḍ nsen.

Matta 23:4 ပူးပေါင်းရင်းမြစ်များ

Matta 23:23

Ya ȓefḍiḥeṯ nwem, ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Ticcem ȓaƹcur uȓa x naƹnaƹ ḏ uwram ḏ ȓcemmun, walakin war tehtimim ca min iǧan muhim qaƹ ḏi ccariƹa iƹni ȓḥaqq ḏ arraḥmeṯ ḏ lʼiman. Lla, itxeṣṣa-awem aḏ tehtamem s manaya bȓa ma tettum ȓaƹcur.

Matta 23:3

X manaya, teggeṯ marra min ḏawem qqaren, xeḏmem zzayes. Walakin war teggem ca am niṯni, mayemmi? Liʼanna niṯni war teggen ca min qqaren.

Luqa 11:46

Yarra xas Ƹisa inna: "Ya ȓefḍiḥeṯ nwem uȓa ḏ kenniw a yinni itcerraḥen ccariƹa minzi tceddam ȓeḥmeȓ iḏeqȓen iqesḥen x yiwḏan ḥima aṯ arbun, walakin kenniw war tḥiḏim bu ȓeḥmeȓ nni uȓa s yijjen n uḍaḍ nwem.

Ȓexḏayem 15:10

Ȓexxu kenniw mayemmi ṯzaƹmem aḏ teẓrem Arebbi min ɣa igg, teggem dqeȓ n ṯzayȓut x yiri n imeḥḍaren? Dqeȓ nni tuɣa war nzemmar aṯ neysi lla neccin uȓa ḏ ȓejḏuḏ nneɣ.

Ȓexḏayem 15:28

Neccin ḏ Arruḥ iqeddsen netwaȓa mliḥ war xawem ntegg bu dqeȓ aṭṭas illa min iǧan wa labud.

Ayṯ-Galaṭya 6:13

Cuf, yinni iteggen ṭṭahareṯ niṯni s yixef nsen war tṭiƹin ca i ccariƹa nsen. Rezzun kenniw aḏ teggem ṭṭahareṯ bac aḏ ftaxaren belli ṯeggim lƹada nsen ḏi ddat nwem.

1 Yuḥanna 5:3

Liʼanna ḏ ṯa ḏ ȓemḥibbeṯ n Arebbi iƹni netṭaƹa i ȓuṣiyaṯ nnes. U ȓuṣiyaṯ-a nnes war xaneɣ teḏqiȓent ca.

Lwaḥi 2:24

Amma kenniw nneɣni iy iǧan ḏi Ṯiyatra war ṯeqbiȓem ca ttaƹlim nni, war ṯessinem ca manayenni umi qqaren yiwḏan Qqareɣ-awem nec war xawem teggeɣ bu ca n dqeȓ nneɣni.