Matta 21:31 - Ṯarifiṯ 2020

³¹ Uw iggin min ixes babaṯsen zi ṯnayen-a?" Nnan-as: "Amezwaru." Inna-asen Ƹisa: "Aqa tesȓam ȓḥaqq: Iƹeccaren ḏ ṯemɣarin iffɣen abriḏ aḏawem izwaren ɣar ȓmulk n Arebbi.

Matta 21:31 ပူးပေါင်းရင်းမြစ်များ

Matta 12:50

Inna-as: "Wenni iteggen s min ixes Baba iy iǧan ḏeg ujenna, ataf netta ḏ uma ḏ učma ḏ yemma."

Matta 18:3

Inna-asen: "Aqa tesȓam ȓḥaqq: Labud i kenniw aḏ tḏewȓem aḏ tiȓim amecnaw iḥenjiren imezyanen. Meȓa lla, ataf ƹemmarṣ aḏ taḏfem ḏi ȓmulk ujenna.

Matta 20:16

Amenni yinni iǧan ḏ ineggura aḏ ḏewȓen ḏ imezwura; yinni iǧan ḏ imezwura aḏ ḏewȓen ḏ ineggura."

Matta 21:30

Iruḥ ɣar mmis nneɣni inna-as min ḏas inna i mmis nni amezwaru. Yarra xas inna-as: Waxxa a Baba inu. Walakin war iruḥ ca.

Matta 5:18

Aqa tesȓam ȓḥaqq: War itekkes ijjen n ȓḥarf niɣ ḏ ijjen n ṯneqqiṭ zi ccariƹa aȓ ɣa itwakkes ujenna ḏ ṯmurṯ aȓ ɣa itwakemmeȓ kuȓci.

Matta 5:46

Meȓa kenniw texsem ɣir yinni iy kenniw itexsen, man lʼajar iy ɣarwem kenniw? Ma war iǧi amenni iy teggen uȓa ḏ iƹeccaren?

Matta 6:5

Xmi ɣa ṯeẓẓaǧem, war tiȓim ca am lmunafiqin iy texsen aḏ ẓẓaǧen amen bedden ḏi ṯemziḏawin ḏ ṯɣemmura n znaqi ḥima aṯen ẓren yiwḏan. Aqa tesȓam ȓḥaqq: War ɣarsen itiȓi bu lʼajar.

Matta 7:21

Maci marra yinni iy ḏayi iqqaren a Siḏi a Siḏi aḏ aḏfen ɣar ȓmulk ujenna; Lla, war ṯ tiḏfen ca illa yinni iteggen min ixes Baba ig iǧan ḏeg ujenna.

Matta 9:9

Wami yuyur ssenni Ƹisa, yufa ijjen n uryaz qqaren-as Matta iqqim ḏeg umcan mani jemmƹen ḍḍariba. Inna-as Ƹisa: "Ḏfar-ayi-d." Uca ikkar Matta iḏfar-iṯ.

Luqa 15:10

Aḏawem iniɣ: Amenni ijjen meȓa iƹṣa menbaƹd itub, ataf akiḏes farḥent lmalaʼikaṯ n Arebbi."

Luqa 19:22

Indeq-d uzeǧiḏ nni inna-as: Cek min ṯenniḏ axak ḥekmeɣ zzayes ay axeddam amcum. Iwa ṯessneḏ belli nec ḏ ijjen n uryaz qesḥeɣ, kessiɣ min war srusiɣ, mejjareɣ min war zerrƹeɣ.

Luqa 7:29

Marra iwḏan tesȓan xas, uȓa ḏ iƹeccaren niṯni s yixef nsen ƹtarfen belli manaya iǧa nican minzi niṯni twaṭehharen s waman ƹlaḥsab Yaḥya.

Yuḥanna 3:3

Indeq-d Ƹisa inna-as: "Aqa tesȓiḏ ȓḥaqq: War izemmar uȓa ḏ ijjen aḏ iẓer ȓmulk n Arebbi illa meȓa ixȓeq-d ḏ jḏiḏ."

Yuḥanna 3:5

Inna-as Ƹisa: "Aqa tesȓiḏ ȓḥaqq: Meȓa can yijjen war d ixȓiq ca s waman ḏ Arruḥ n Arebbi, war izemmar aḏ yaḏef ḏi ȓmulk n Arebbi.

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

Ayṯ-Ruma 3:19

Fa neccin nessen belli marra min ḏayes ḏi ccariƹa n Musa tweṣṣa yinni ɣar ṯeǧa ccariƹa-ya bac uȓa ḏ ijjen war ɣares itiȓi bu lƹuder. U marra yinni iǧan ḏi ddunect-a aḏ iȓin swadday n lḥisab n Arebbi.

Ayṯ-Ruma 5:20

U ccariƹa nettaṯ ṯuḏef-d ḥima aḏ kṯarent ȓmuƹṣiyaṯ. Walakin cḥaȓ ma kṯarent ȓmuƹṣiyaṯ, arḍa n Arebbi ikṯar ktar zzaysent.

2 Buṭrus 3:9

Siḏiṯneɣ war iḏqiȓ ca aḏ isexḏem lwaƹed nnes am mammec iy ḏasen itɣiȓ i yiwḏan. Lla, netta iṣebbar akiḏwem war ixes ca uȓa ḏ ijjen zzaywem aḏ ifna, irezzu marra iwḏan aḏ tuben.