Matta 21:15 - Ṯarifiṯ 2020

¹⁵ Ƹeṣṣben arruyas n ȓfuqaha ḏ imseȓmaḏen n ccariƹa wami ẓrin Ƹisa lmuƹjizaṯ iy igga, ḏ iḥenjiren ṭṭarf i ṯemziḏa ṯameqqrant tȓaɣan s jjheḏ qqaren: "Lƹaḍama i Mmis n Ayṯ-Dawed!"

Matta 21:15 ပူးပေါင်းရင်းမြစ်များ

Matta 20:24

Ƹecra nni n imeḥḍaren wami sȓin x min rezzun ṯnayen nni n wawmaṯen war ḏasen iƹjib ca ȓḥaȓ.

Matta 21:23

Yuḏef Ƹisa ḏi ṯemziḏa ṯameqqrant iseȓmaḏ ḏinni. Qarrben-d ɣares arruyas n ȓfuqaha ḏ imeqqranen zi Ayṯ-Israʼil nnan-as: "Cek manis ḏac d ṯekka ssulṭa nni iy zi teggeḏ ṯimesȓayin-a? Wi ḏac yucin ssulṭa nni?"

Matta 21:9

Yinni igguren zzaṯes ḏ yinni iy ṯ iḏeffaren qqaren: "Lƹaḍama i Mmis n Ayṯ-Dawed! Ssaƹḏ n wenni iy d yusin ƹlaḥsab isem n Siḏi Arebbi. Lḥamdu i Arebbi yuƹȓan."

Matta 22:42

inna-asen: "Min ḏawem imeḍharen ḏi Lmasiḥ? Uw ṯ yiȓan?" Nnan-as: "Ḏ mmis n Dawed."

Matta 26:3

Ssenni munen arruyas n ȓfuqaha ḏ imeqqranen n Ayṯ-Israʼil ḏi ṯeddarṯ n arrays n ȓfuqaha wenni umi qqaren Qiyafa.

Matta 26:59

Arruyas n ȓfuqaha ḏ marra Jmaƹeṯ n lḥukkam n Ayṯ-Israʼil rezzun uw ɣa icehḏen ẓẓur x Ƹisa ḥima aṯ nɣen.

Matta 27:1

Wami iṣbaḥ ȓḥaȓ, marra arruyas n ȓfuqaha ḏ imeqqranen n Ayṯ-Israʼil mcawaren jarasen ḥima aḏ nɣen Ƹisa.

Matta 27:20

Walakin arruyas n ȓfuqaha ḏ imeqqranen n Ayṯ-Israʼil qeȓben azeǧif i ȓɣaci ḥima aḏasen d isufeɣ Barabas, Ƹisa aḏ immeṯ.

Matta 9:27

Yuyur ssenni Ƹisa, ḏfaren-ṯ ṯnayen n iḍarɣaȓen tȓaɣan qqaren: "A Mmis n Ayṯ-Dawed, rḥem-aneɣ!"

Marqus 11:18

Sȓin-as arruyas n ȓfuqaha ḏ imseȓmaḏen n ccariƹa, bḏan tfekkaren mammec ṯ ɣa nɣen. Ggwḏen zzayes wami marra ȓɣaci qqimen ḏehhcen s useȓmeḏ nnes.

Luqa 20:1

Ijjen n nhar ḏeg wussan nni, Ƹisa aqaṯ ḏi ṯemziḏa ṯameqqrant iseȓmaḏ iwḏan itbeccar-iṯen, usin-d ɣares arruyas n ȓfuqaha ḏ imseȓmaḏen n ccariƹa ḏ imeqqranen n Ayṯ-Israʼil.

Luqa 22:2

Arruyas n ȓfuqaha ḏ imseȓmaḏen n ccariƹa rezzun mammec ḏas ɣa ggen ḥima aḏ nɣen Ƹisa walakin ggwḏen zi ccaƹb.

Luqa 22:66

Wami iṣbeḥ ȓḥaȓ munen imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa, uwin Ƹisa ɣar Jmaƹṯ n lḥukkam nsen.

Yuḥanna 11:57

Arruyas n ȓfuqaha ḏ ifarrisiyen weṣṣan wenni iy ɣa iẓren mani iǧa Ƹisa, asen t yini bac aḏ raḥen aṯ ṭṭfen.

Yuḥanna 12:19

Nnan ifarrisiyen jarasen: "Aqa twaȓam war ṯuwwiḍem ɣar walu! Ddunect marra ṯḏeffar-iṯ."

Yuḥanna 4:1

Issen Ƹisa belli ifarrisiyen arrin-d ȓexbar wami d marnin ɣares imeḥḍaren itṭehhar-iṯen s waman ktar zi Yaḥya.

Yuḥanna 7:42

Inna Lkitab aqa Lmasiḥ aḏ d yas zi ddurriṯ n Dawed, iƹni zi Bayt Laḥem zi dcar manis d yusa Dawed."