Matta 20:22 - Ṯarifiṯ 2020

²² Indeq-d Ƹisa inna-asen i Yaƹqub ḏ Yuḥanna: "Kenniw war ṯessinem ca min ṯettarem. Ma ṯzemmarem aḏ teswem zi ȓkas nni iy zi ɣa sweɣ nec ƹȓayen?" Nnan-as: "Wah, nzemmar-as!"

Matta 20:22 ပူးပေါင်းရင်းမြစ်များ

Matta 26:35

Inna-as Buṭrus: "Nec war c nekkareɣ ca waxxa akiḏec iy ɣa mmṯeɣ." Amenni iy nnan marra imeḥḍaren.

Matta 26:39

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi inna: "A Baba, meȓa mumkin sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Matta 26:42

Ibeƹƹeḏ xasen ṯwaȓa wis ṯnayen, ittar i Arebbi inna: "A Baba, meȓa ȓkas-a n ȓaƹḏab war xafi ṯesbeƹƹḏeḏ ca swiɣ-ṯ, ataf aḏ yiȓi min ixes ȓxaḍar nnec."

Matta 26:56

Walakin marra manaya iwqeƹ ḥima aḏ ikemmeȓ min yurin ḏi Lkutub n lʼanbiya." Uca semḥen ḏayes marra imeḥḍaren nnes arewȓen.

Marqus 14:36

Inna: "A Baba cek kuȓci ṯzemmareḏ-as, sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Luqa 12:50

Itxeṣṣa-ayi aḏ twaƹaddbeɣ, xeyyqeɣ aṭṭas ḥetta aȓ ɣa ƹḏuɣ manayenni.

Luqa 22:42

Inna: "A Baba, meȓa ṯexseḏ sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Yuḥanna 18:11

Inna-as Ƹisa i Buṭrus: "Arr ssif nnec ɣar umcan nnes. Ȓkas-a n ȓaƹḏab iy ḏayi yuca Baba, ma war sesseɣ ca zzayes?"

Ayṯ-Ruma 8:26

Fa ammu Arruḥ iqeddsen itƹawan-aneɣ ḏi ḍḍuƹef nneɣ. Neccin war nessin ca mliḥ minxef ɣa neẓẓaǧ, walakin Arruḥ iqeddsen s yixef nnes itṭalab-as i Arebbi x ssabab nneɣ s unhak war itsemiƹen.

Yaƹqub 4:3

Xmi ḏas tettarem war ḏawem d iticc ca, mayemmi? Liʼanna kenniw tɣalaṭem ḏi min ḏas tettarem, ṯexsem aḏ tseƹƹfem ccehawaṯ nwem u ṣafi.