Matta 2:13 - Ṯarifiṯ 2020

¹³ Wami uyuren yiwḏan nni iqqaren lƹilem n yiṯran, ṯbedd-d ijjen n lmalaʼika n Siḏi Arebbi ḏi ṯirjiṯ ɣar Yusef ṯenna-as: "Kkar ysi aḥenjir ḏ yemmas arweȓ ɣar Miṣra, zeḏɣem ḏinni aȓ ḏac ɣa iniɣ ḏweȓ-d. Aqa azeǧiḏ Hirudus irezzu x uḥenjir-a bac aṯ ineɣ."

Matta 2:13 ပူးပေါင်းရင်းမြစ်များ

Matta 1:20

Walakin wami itfekkar ḏi ṯmesȓayṯ nni, ṯbedd-d xas ijjen n lmalaʼika ḏi ṯirjiṯ ṯenna-as: "A Yusef a mmis n Ayṯ-Dawed, war teggweḏ ca aḏ tiȓi Maryam ḏ ṯamɣarṯ nnec. Aqa zi Arruḥ iqeddsen iy zi ṯeysi aƹeddis.

Matta 10:23

Meȓa ƹeddben-kenniw ḏi can ṯendint, arewȓem ɣar ṯenneɣni. Aqa tesȓam ȓḥaqq: Aḏ d yas Mmis n bnaḏem, ataf kenniw ƹaḏ war ṯkemmȓem x min kenniw weṣṣiɣ ḏi ṯneddam n Ayṯ-Israʼil.

Matta 2:12

Iƹȓem-asen Arebbi ḏi ṯirjiṯ inna-asen war teƹqibem ca ɣar uzeǧiḏ Hirudus. Ṣafi kkaren ḏewȓen ɣar ṯmurṯ nsen x yijjen n ubriḏ nneɣni.

Matta 2:14

Ikkar Yusef yuyur s ǧiȓeṯ ɣar Miṣra yuwi aḥenjir nni ḏ yemmas akiḏes.

Matta 2:16

Wami d yarra ȓexbar Hirudus belli yinni iqqaren lƹilem n yiṯran cemṯen-ṯ, iƹeṣṣeb aṭṭas iɣḍeb. Issekk bac aḏ ineɣ iḥenjiren nni marra ḏi Bayt Laḥm ḏ nnawaḥi nnes iy ɣar ṯeǧa qell zi ƹamayen. Manaya ƹlaḥsab ȓweqṯ iy ḏasen d imeḍhar yiṯri nni i yinni iqqaren lƹilem n yiṯran.

Matta 2:22

Walakin wami isȓa belli azeǧiḏ Arxilawus ixȓef babas Hirudus ḏi ȓeḥkam n Yahuḏiya, iggweḏ aḏ iraḥ ḏinni. Siḏi Arebbi iƹȓem-as-d ƹaweḏ ḏeg yijjen n ṯirjiṯ, ikkar iruḥ ɣar jjiheṯ n ṯmurṯ n Ljalil.

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

Ȓexḏayem 10:7

Wami iruḥ lmalak nni iy kis d issiwȓen, iȓaɣa-d i ṯnayen zeg ixeddamen nnes ḏ yijjen n uƹaskari ḏayes ddin, itiȓi ȓebda akiḏes.

Ȓexḏayem 12:11

Ḏinni iy d yarra Buṭrus ȓbaȓ nnes inna: "Ȓexxu ssneɣ manaya ḏ ṣṣaḥ qa issekk-ayi-d Siḏi Arebbi lmalaʼika nnes, isenjem-ayi-d zeg ifassen n Hirudus ḏ marra min xsen aḏayi ggen Ayṯ-Israʼil."

Ȓexḏayem 12:7

Ȓexddenni ṯmeḍhar-d ḏinni ijjen n lmalaʼika n Siḏi Arebbi, itceƹciƹ-d ijjen n nnur ḏi ȓeḥbes. Lmalaʼika nni ṯuwṯa Buṭrus ɣar uɣezḏis nnes ṯesfaq-iṯ-iḏ ṯenna-as: "Kkar ḏeɣya!" Uca snaseȓ nni fesyent zeg ifassen nnes.

Ȓexḏayem 16:36

Lḥaris ixebbar Bulus inna-as qa umaren-kenniw lḥukkam aḏ twaḍeȓqem. Ṣafi ffɣeṯ, ruḥeṯ ḏi ȓehna!

Ȓexḏayem 5:19

Walakin s ǧiȓeṯ ijjen n lmalaʼika n Siḏi Arebbi ṯerzem-asen ṯiwwura n ȓeḥbes, ṯsufeɣ-iṯen ṯenna-asen:

Ȓexḏayem 7:19

Ixeddeƹ ccaƹb nneɣ issekk-it x ȓejḏuḏ nneɣ, itegg xasen bessif bac aḏ nḍaren iseyman nsen ɣar barra ḥima aḏ mmṯen.

Lwaḥi 12:14

Ṯamɣarṯ nni mmucen-as ṯnayen n wafriwen n nser ameqqran ḥima azzaysen ṯḍew ɣar ȓexȓa ɣar umcan nnes, mani ɣa twaƹṯeq ṯeȓt-snin ḏ uzyen ḏi ȓaman zeg ufiɣer nni.

Lwaḥi 12:4

Ijarr s uƹennab nnes tuluṯ n yiṯran ujenna, inḍar-iṯen ɣar ṯmurṯ. Ibedd bu-sebƹa-ya izeǧifen zzaṯ i ṯemɣarṯ nni u nettaṯ tarew ḥima xmi ṯ ɣa ṯarew aḏas icc mmis.

Lwaḥi 12:6

Ṯamɣarṯ-a ṯarweȓ ɣar ȓexȓa mani ḏas isewjeḏ Arebbi amcan at seccen ḏinni aȓaf u miyyatayen u settin yum.