Matta 19:29 - Ṯarifiṯ 2020

²⁹ U marra yinni isemmḥen ḏi ṯuḏrin nsen niɣ ḏi ayṯmas niɣ ḏi suyṯmas niɣ ḏi babas ḏ yemmas niɣ ḏi ṯarwa nsen niɣ ḏeg imarjeƹiwen nsen x ssabab inu nec, ataf aɣarsen ṯiȓi miyya n ṯseqqar ktar, aḏ warṯen ṯuḏarṯ n ȓebda.

Matta 19:29 ပူးပေါင်းရင်းမြစ်များ

Matta 10:22

Akenniw ƹiffen marra ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

Matta 13:23

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am can bnaḏem ig itesȓan i wawaȓ n Arebbi, ifehhem-as itarew. Ijjen itarew miyya, ijjen settin, ijjen ṯȓaṯin."

Matta 13:8

Walakin can zzarriƹeṯ ṯewḍa x ṯmurṯ ṯaṣebḥant, ṯegga ṯiyḏerin. Ȓebƹaḍ ggint miyya, ȓebƹaḍ ggint settin, ȓebƹaḍ ggint ṯȓaṯin.

Matta 16:25

Ȓaḥeqqac wenni ixsen aḏ isenjem ṯuḏarṯ nnes ataf at ixsar. Wenni ɣa ixsaren ṯuḏarṯ nnes x ssabab inu ataf at yaf.

Matta 19:16

Iqarreb ijjen n uḥenjir ɣar Ƹisa inna-as: "A Lmuƹallim, min ɣa ggeɣ ḏ aṣebḥan ḥima aɣari ṯiȓi ṯuḏarṯ n ȓebda?"

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Matta 25:46

Aḏ raḥen yina ɣar ṯmessi iy war ixessin ƹemmarṣ. Walakin iṣebḥanen aḏ raḥen ɣar ṯuḏarṯ n ȓebda."

Matta 5:11

Ssaƹḏ nwem meȓa tzawaren-kenniw, ƹeddben-kenniw, niɣ nnan ḏaywem ȓƹib s ixarriqen x ssabab inu.

Matta 6:33

Rezzuṯ ḏ amezwaru x ȓmulk n Arebbi ḏ ṯuḏarṯ ig iǧan nican, ssenni ṯimesȓayin-a marra aḏawem marnint.

Luqa 14:26

"Wenni ɣari d itasen nec, meȓa iƹizz xas babas ktar zzayi nec niɣ ḏ yemmas niɣ ḏ ṯemɣarṯ nnes niɣ ḏ ṯarwa nnes niɣ ḏ ayṯmas niɣ ḏ swiṯmas niɣ ḏ ixef nnes, ataf war izemmar aḏ yiȓi ḏ ameḥḍar inu.

Luqa 5:11

Wami d ḏewȓen s ṯɣarruba ɣar ȓbarr semḥen ḏi marra min ɣarsen ḏfaren Ƹisa.

Luqa 6:22

Ssaƹḏ nwem meȓa tƹiffan-kenniw yiwḏan, war kenniw qebȓen ssawaȓen ḏaywem s ȓƹib, tzawaren-kenniw ƹlaḥsab Mmis n bnaḏem.

Yuḥanna 15:19

Maƹlik kenniw zi ddunect-a, iȓi kenniw ṯƹizzem x ddunect-a. Walakin kenniw war ṯeǧim ca zi ddunect. Nec ixḍareɣ-kenniw zi ddunect-a, s manayenni tƹiffa-kenniw ddunect.

Yuḥanna 4:36

Wenni imejjaren aḏ iysi texȓiseṯ nnes ijemmeƹ ṯafeǧaḥṯ i ṯuḏarṯ n ȓebda, ḥima aḏ munen ḏi ȓefraḥeṯ nsen yinni izerrƹen ḏ yinni imejjaren.

Ȓexḏayem 9:16

Nec aḏas d seḍhareɣ mecḥaȓ iy ɣa itwaƹeddeb u labud x ssabab n yisem inu nec."

1 Ayṯ-Kurinṯ 2:9

Mamc iqqar Lkitab:

2 Ayṯ-Kurinṯ 5:16

X manayenni, zi ssa aȓ ṯsawent neccin war nxezzar ca ḏi ḥadd ƹlaḥsab ȓaƹqeȓ n ddunect-a. Waxxa nxezzar qbeȓ ḏi Lmasiḥ ƹlaḥsab ȓaƹqeȓ n ddunect-a, ȓexxu war ṯ netwiȓi ca amenni.

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

1 Buṭrus 4:14

Meȓa iwḏan tukkaren-kenniw ƹlaḥsab isem n Lmasiḥ ataf ssaƹḏ nwem, minzi Arruḥ n lƹaḍama ḏ Arruḥ n Arebbi imars-d xawem.

3 Yuḥanna 1:7

Yina twassekken-d ƹlaḥsab isem nni yuƹȓan, war jemmƹen bu lmuƹawana zeg yinni war iḏeffaren ca Arebbi.