Matta 19:28 - Ṯarifiṯ 2020

²⁸ Inna-asen Ƹisa: "Aqa tesȓam ȓḥaqq: Ḏi ṯuḏarṯ nneɣni xmi ɣa iqqim Mmis n bnaḏem x lƹarc nnes n lƹaḍama, uȓa ḏ kenniw ḏayi d iḏfaren aḏ teqqimem x ṯenƹac n lƹarcaṯ ḥima aḏ tḥekmem x ṯenƹac n ṯqebbaȓ n Ayṯ-Israʼil.

Matta 19:28 ပူးပေါင်းရင်းမြစ်များ

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 19:27

Indeq-d Buṭrus inna-as: "Aqa neccin nesmeḥ ḏi kuȓci neḏfar-ic, min ɣarneɣ ɣa yiȓin?"

Matta 20:21

Inna-as Ƹisa: "Min ṯrezzuḏ?" Ṯenna-as: "Ini-ayi aḏ qqimen yina ṯarwa inu s ṯnayen ḏi ȓmulk nnec ijjen x ufusi ijjen x uẓeȓmaḍ nnec."

Matta 25:31

Xmi d ɣa yas Mmis n bnaḏem s lƹaḍama nnes, akiḏes marra lmalaʼikaṯ, aḏ iqqim x lƹarc nnes n lƹaḍama.

Matta 6:33

Rezzuṯ ḏ amezwaru x ȓmulk n Arebbi ḏ ṯuḏarṯ ig iǧan nican, ssenni ṯimesȓayin-a marra aḏawem marnint.

Matta 8:20

Inna-as Ƹisa: "Uccanen ɣarsen ifran nsen, ijḍaḍ ɣarsen ȓaƹwac nsen, walakin Mmis n bnaḏem war ɣares uȓa ḏ mani ɣa isummeṯ azeǧif nnes."

Marqus 10:37

Nnan-as: "Ejj-aneɣ a neqqim ḏi lƹaḍama nnec ijjen x ufusi ijjen x uẓeȓmaḍ nnec."

Ȓexḏayem 3:21

Itxeṣṣa netta aḏ iqqim ḏeg ujenna aȓ ȓweqṯ iy ḏi ɣa itwaƹḏeȓ kuȓci ƹlaḥsab awaȓen n lʼanbiya ṣṣaliḥin iy ḏasen inna Arebbi ḏeg yijjen n zman.

2 Timutawus 2:12

Meȓa neṣbar, uca a neḥkem akiḏes. Meȓa nenkar-iṯ, uca ƹaweḏ netta aḏaneɣ inkar.

2 Buṭrus 3:13

Walakin ƹlaḥsab lwaƹed nnes neccin netraja ijennaṯen n jḏiḏ ḏ yijjen n ddunect n jḏiḏ mani ɣa izḏeɣ ȓḥaqq.

Lwaḥi 11:16

Kkaren arbeƹa u ƹicrin nni imɣaren iy qqimen x lƹarcaṯ nsen zzaṯ i Arebbi, hwan x uɣembub nsen sejjḏen-as i Arebbi,

Lwaḥi 12:1

Ṯmeḍhar-d ijjen n lƹalama ḏeg ujenna ḏ ṯameqqrant, iƹni ṯamɣarṯ ṯenneḍ-as-d ṯfuct, swadday iḍaren nnes ṯaziri, x uzeǧif nnes ijjen n ttaj ḏayes ṯenƹac n yiṯran.

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.

Lwaḥi 21:5

Inna-ayi wenni iqqimen x lƹarc: "Aḏ ggeɣ kuȓci ḏ jḏiḏ!" Uca inna: "Ari manaya qa awaȓen-a ḏaysen ȓaman ḏaysen ȓḥaqq."

Lwaḥi 22:2

itazzeȓ ḏi ȓwesṭ n ccariƹ n ṯendint. X ṯnayen n iɣezḏisen n yiɣzar-a ḏinni ṯacejjarṯ n ṯuḏarṯ. Tarew ṯenƹac n ṯwaȓaṯin kuȓ char ijjen n ṯwaȓa, afar nnes isgenfa ȓegnus.

Lwaḥi 22:5

Zi ssenni aȓ ṯsawent war ḏinni tiȓi bu ǧiȓeṯ, war teḥḏijin ca ṯfawṯ n ȓefnar niɣ ḏ ṯfawṯ n ṯfuct ȓaḥeqqac Siḏi Arebbi netta axasen igg ṯfawṯ nnes. Aḏ ḥekmen i ȓebda n ȓebdaṯ.

Lwaḥi 3:21

Wenni ɣa irebḥen aṯ jjeɣ akiḏi iqqim x lƹarc inu, am rebḥeɣ uȓa ḏ nec qqimeɣ ak Baba x lƹarc nnes.

Lwaḥi 4:4

Nnḍen-as-d i lƹarc-a arbeƹa u ƹicrin n lƹarcaṯ, xasen arbeƹa u ƹicrin n imɣaren ggin arruḍ ḏ acemȓaȓ, kuȓ ijjen zzaysen ɣares ttaj n ddheb x uzeǧif nnes.

Lwaḥi 7:4

Sȓiɣ i mecḥaȓ itwaḍebƹen: Miyya u arbeƹa u arbeƹin aȓaf zi marra ṯiqebbaȓ n Ayṯ-Israʼil.