Matta 19:22 - Ṯarifiṯ 2020

²² Aḥenjir nni, wami isȓa i manayenni iruḥ ixeyyeq aṭṭas ȓaḥeqqac ɣares aṭṭas n wagȓa.

Matta 19:22 ပူးပေါင်းရင်းမြစ်များ

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Matta 14:9

Ȓexddenni indem uzeǧiḏ, walakin iweṣṣa aḏas ṯ yuc ȓaḥeqqac tuɣa ijjuǧ zzaṯ i inewjiwen ḏi ȓfarḥ nnes.

Matta 16:26

Minzi ɣa infeƹ bnaḏem meȓa irbeḥ ddunect-a qaƹ wa ixsar ȓaƹmar nnes? Min ɣa yuc bnaḏem ḏeg umcan n ȓaƹmar nnes?

Matta 19:21

Inna-as Ƹisa: "Meȓa ṯexseḏ aḏ teggeḏ kuȓci nican, ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ijjen n ȓkenz ḏeg ujenna, ȓexddenni araḥ-d cek ḏfar-ayi-d."

Matta 19:23

Inna-asen Ƹisa i imeḥḍaren nnes: "Aqa tesȓam ȓḥaqq: Mecḥaȓ iqseḥ xas x ttajar aḏ yaḏef ȓmulk ujenna."

Matta 6:24

War izemmar can yijjen aḏ yiȓi ḏ axeddam ɣar ṯnayen n siyaḏis. Mayemmi? Ima ijjen aṯ iƹiff, ijjen aṯ ixes. Niɣ ijjen aḏayes iṭṭef, ijjen aṯ iḥeggar. Aḏ txeḏmem i Arebbi niɣ aḏ txeḏmem i ȓewsex n ddunect-a, war iǧi bu s ṯnayen.

Marqus 10:22

Wami isȓa i manayenni iruḥ ixeyyeq aṭṭas ȓaḥeqqac ɣares aṭṭas n wagȓa.

Marqus 6:26

Ixeyyeq uzeǧiḏ aṭṭas walakin igga-as array ȓaḥeqqac ijjuǧ-as zzaṯ i inewjiwen nnes.

Luqa 18:23

Wami isȓa i manayenni ixeyyeq aṭṭas ȓaḥeqqac ɣares aṭṭas n wagȓa.

Yuḥanna 16:20

Aqa tesȓam ȓḥaqq: Kenniw aḏ trum aḏ tḥeznem, walakin ddunect-a aḏ tfareḥ. Kenniw aḏaywem yiȓi ȓeḥȓiq, walakin ȓeḥȓiq nwem aḏ iḏweȓ ḏ ȓefraḥeṯ.

Ayṯ-Ufasus 5:5

Liʼanna wenni iteggen lfasad niɣ ḏ min isexnizen niɣ ḏ min iseḍmaƹen, iƹni netta ḏ wenni iƹebbḏen lʼaṣnam, aqa tessnem bȓa ccekk belli marra yinni iteggen manaya war ɣarsen bu lwareṯ ḏi ȓmulk n Lmasiḥ niɣ ḏi Arebbi.

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.