Matta 18:14 - Ṯarifiṯ 2020

¹⁴ Amenni uȓa ḏ Babaṯwem iǧan ḏeg ujenna war ixes uȓa ḏ ijjen zeg imezyanen-a aḏ iweddar.

Matta 18:14 ပူးပေါင်းရင်းမြစ်များ

Matta 18:13

Aqa tesȓam ȓḥaqq: Meȓa yufi-ṯ, ataf azzayes ifareḥ ktar zi min ɣa ifareḥ x tesƹa u tesƹin nni war iweddaren ca!

Matta 18:15

Meȓa ixḍa akiḏec wumac, ruḥ ɣares nha-ṯ ɣir cek ḏ netta ɣir s ṯnayen iḏwem. Meȓa igg-ac array, ataf aḏ tiȓiḏ mliḥ ƹaweḏ ak wumac.

Matta 5:16

Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Matta 6:32

Marra manaya rezzun-ṯ ȓegnus. Aqa Babaṯwem iǧan ḏeg ujenna issen belli teḥḏajim ṯimesȓayin-a.

Matta 6:9

Ha mammec iy ɣa ṯeẓẓaǧem: A Babaṯneɣ iǧan ḏeg ujenna, ḏ ameqqran ig iǧa yisem nnec.

Luqa 12:32

War teggwḏem ca a ṯḥimerṯ inu ṯamezyant, irḍa Babaṯwem aḏawem yuc ȓmulk nnes.

Yuḥanna 17:12

Wami kiḏsen ǧiɣ, ḥefḍeɣ xasen s yisem nnec iy ḏayi ṯuciḏ. Ḥḍiɣ-ṯen, uȓa ḏ ijjen ma iweddar ɣir wenni tuɣa iweddaren ḥima aḏ ikemmeȓ min iqqar Lkitab.

Yuḥanna 21:15

Wami reyyqen, inna-as Ƹisa i Simƹan Buṭrus: "A Simƹan a mmis n Yuḥanna, ma tḥibbiḏ-ayi ktar zi yina?" Inna-as Simƹan Buṭrus: "Wah a Siḏi, cek ṯessneḏ qa nec texseɣ-c." Inna-as Ƹisa: "Secc izmaren inu."

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

Iƹibraniyen 12:13

Seggḏeṯ ibriḏen nwem nican bac iḍaren nwem izeḥḥafen war tɣimin ca ḏ ineƹḏam aḏ genfan.

2 Buṭrus 3:9

Siḏiṯneɣ war iḏqiȓ ca aḏ isexḏem lwaƹed nnes am mammec iy ḏasen itɣiȓ i yiwḏan. Lla, netta iṣebbar akiḏwem war ixes ca uȓa ḏ ijjen zzaywem aḏ ifna, irezzu marra iwḏan aḏ tuben.