Matta 18:10 - Ṯarifiṯ 2020

¹⁰ Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Matta 18:10 ပူးပေါင်းရင်းမြစ်များ

Matta 1:20

Walakin wami itfekkar ḏi ṯmesȓayṯ nni, ṯbedd-d xas ijjen n lmalaʼika ḏi ṯirjiṯ ṯenna-as: "A Yusef a mmis n Ayṯ-Dawed, war teggweḏ ca aḏ tiȓi Maryam ḏ ṯamɣarṯ nnec. Aqa zi Arruḥ iqeddsen iy zi ṯeysi aƹeddis.

Matta 12:20

War itrezzi bu ɣanim imeyyȓen, war isexsay ṯfawṯ n ṯefṯiȓt iteggen ddexxan, aȓ ɣa irbeḥ ȓḥaqq.

Matta 18:14

Amenni uȓa ḏ Babaṯwem iǧan ḏeg ujenna war ixes uȓa ḏ ijjen zeg imezyanen-a aḏ iweddar.

Matta 18:6

Wenni iy ɣa yawin ijjen zeg imezyanen-a iy zzayi itamnen ɣar ȓmuƹṣiyeṯ, ḥsen i netta aḏas cedden ijjen n uzru n ṯsirṯ s usɣun ɣar yiri nnes aḏ itwaɣreq ḏi ȓaǧeɣ n ȓebḥar.

Matta 2:13

Wami uyuren yiwḏan nni iqqaren lƹilem n yiṯran, ṯbedd-d ijjen n lmalaʼika n Siḏi Arebbi ḏi ṯirjiṯ ɣar Yusef ṯenna-as: "Kkar ysi aḥenjir ḏ yemmas arweȓ ɣar Miṣra, zeḏɣem ḏinni aȓ ḏac ɣa iniɣ ḏweȓ-d. Aqa azeǧiḏ Hirudus irezzu x uḥenjir-a bac aṯ ineɣ."

Matta 2:19

Wami immuṯ uzeǧiḏ Hirudus ṯbedd-d ijjen n lmalaʼika n Siḏi Arebbi ɣar Yusef ḏi ṯirjiṯ ḏi Miṣra.

Matta 24:31

Aḏ iṣuḍ ijjen n zzammar ḏ ameqqran, aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ujenna aȓ ȓaḥedd nnes nneɣni.

Luqa 1:19

Indeq-d lmalak nni inna-as: "Qa nec ḏ Jibril ḏ wenni itbeddan zzaṯ i Arebbi, issekk-ayi-d Arebbi ɣarec bac akic ssiwȓeɣ aḏac iniɣ ȓexbar-a isfarraḥen.

Luqa 10:16

Inna-asen Ƹisa i imeḥḍaren nnes: "Wenni itsȓan i wawaȓ nwem, ataf itesȓa-yayi i nec. Wenni war kenniw iqbiȓen ca, ataf uȓa ḏ nec war ḏayi iqbiȓ ca. Wenni war ḏayi iqbiȓen ca nec, ataf war iqbiȓ ca wenni ḏayi d issekken."

Luqa 16:22

Ṣafi immuṯ ȓmeskin nni, ysint-ṯ lmalaʼikaṯ sersent-ṯ x ufuḏ n Brahim. Ƹaweḏ immuṯ ttajar nni ysin-ṯ neḍȓen-ṯ.

Ȓexḏayem 10:3

Ijjen n nhar ɣar ṯȓaṯa uƹecci, iẓra nican ḏi lwaḥi ijjen n lmalak n Arebbi itaḏef-d xas itȓaɣa-yas-d: "A Kurninyus."

Ȓexḏayem 12:15

Nnan-as: "Ma ṯbuhȓiyeḏ niɣ?" Walakin nettaṯ metʼakkeda belli min ṯenna nican. Nnan-as: "Waqila wanita ḏ buḥbeȓ n Buṭrus waha."

Ȓexḏayem 12:23

Ȓexddenni ijjen n lmalaʼika n Siḏi Arebbi ṯsehȓec Hirudus wami war iḥmiḏ ca Arebbi. Ɣeẓẓen-ṯ imiɣziwen immuṯ netta.

Ȓexḏayem 27:23

Cuf, ǧiȓeṯ-a ṯanita qa ṯmeḍhar-ayi-d ijjen n lmalaʼika n Arebbi, Arebbi wenni umi xeddmeɣ netta ḏ bab inu.

Ȓexḏayem 5:19

Walakin s ǧiȓeṯ ijjen n lmalaʼika n Siḏi Arebbi ṯerzem-asen ṯiwwura n ȓeḥbes, ṯsufeɣ-iṯen ṯenna-asen:

Ayṯ-Ruma 14:10

Iwa cek mayemmi tƹeyyabeḏ umac? Cek mayemmi ṯseḥqareḏ umac? Neccin marra a nbedd zzaṯ i lƹarc n Arebbi mani iy ɣa netwaḥkem.

Ayṯ-Ruma 14:21

Ḏ ijjen n ȓxir meȓa war tetteḏ ca aysum, niɣ war ṯsesseḏ ca aman uḍiȓ, niɣ ḏ can ȓḥajeṯ nneɣni iy ɣa iɣeḍȓen umac.

Ayṯ-Ruma 15:1

Fa neccin ig ijehḏen itxeṣṣa-yaneɣ a narbu ḍḍuƹef n yinni war ijhiḏen ca, maci a negg min ḏaneɣ iteƹjiben i yixef nneɣ u ṣafi.

1 Ayṯ-Kurinṯ 11:22

Cuf, ma war ɣarwem bu ṯuḏrin mani iy ɣa ṯeccem niɣ ḏ mani iy ɣa ṯeswem? Kenniw, ma tseḥqarem jmaƹeṯ n ȓmuminin n Arebbi tḥeggarem yinni war ɣar iǧi walu? Min ḏawem ɣa iniɣ? Ma kenniw iy ɣa cekkareɣ x manaya? Lla, walu.

1 Ayṯ-Kurinṯ 16:11

Itxeṣṣa uȓa ḏ ijjen war aṯ iseḥqar ca. Ƹawnem-ṯ ḏeg usafar nnes bac aɣari d iƹqeb ḏi ȓehna ȓaḥeqqac nec trajiɣ-ṯ ak ayṯmaṯneɣ.

1 Ayṯ-Kurinṯ 9:22

Arriɣ ixef inu am yijjen iḍƹef ɣar yinni iḍeƹfen bac ataf aṯen rebḥeɣ. Arriɣ ixef inu ḏ marra i marra iwḏan bac aḏ ggeɣ marra lʼimkaniyaṯ aḏ snejmeɣ ca zzaysen.

2 Ayṯ-Kurinṯ 10:1

Fa nec ḏ Bulus, s yixef inu tṭalabeɣ-kenniw s ttawaḍuƹ ḏ lḥanana n Lmasiḥ. Wah, ṯeqqarem nec zaƹma terjijiɣ xmi tiȓiɣ akiḏwem, xmi tɣabeɣ xawem tqesiḥeɣ.

2 Ayṯ-Kurinṯ 10:10

Liʼanna qqaren xafi ȓebƹaḍ zzaywem qa ṯibraṯin n Bulus jehḏent qesḥent. U qqaren ƹaweḏ walakin xmi akiḏneɣ itiȓi netta s yixef nnes iteḍƹif awaȓen nnes xwan.

Ayṯ-Galaṭya 6:1

Ay ayṯma, meȓa ṯufim can yijjen zzaywem ṯseḥṣer-iṯ ȓmuƹṣiyeṯ, labud meȓa ṯjehḏem kenniw s Arruḥ iqeddsen aṯiḏ tarrem ɣar ubriḏ s yijjen n wuȓ iṣebbaren. U ḥḍa ixef nnec uȓa ḏ cek bac war ṯetwaɣarriḏ ca.

1 Ayṯ-Salunik 4:8

Falihaḏa wenni itagin aḏ iḏfar ȓuṣiyeṯ-a ṯanitan ataf maci itagi i bnaḏem, itagi i Arebbi wenni iy ḏawem d iticcen Arruḥ nnes iqeddsen.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iƹibraniyen 9:24

Cuf, Lmasiḥ war yuḏif ca Axxam nni Amqeddes Aṭṭas iy ibnan s ifassen n bnaḏem itcabbahen waha ḏeg wenni n ṣṣaḥ; Lla, netta yuḏef ḏeg ujenna nniṯ aḏ iḥḍar zzaṯ i Arebbi ƹlaḥsab neccin.

Lwaḥi 8:2

Ẓriɣ sebƹa n lmalaʼikaṯ iy itbeddan zzaṯ i Arebbi, immuc-asent sebƹa n zzwammar.