Matta 17:20 - Ṯarifiṯ 2020

²⁰ Inna-asen Ƹisa: "Ȓaḥeqqac lʼiman nwem ḏ uqlil. Aqa tesȓam ȓḥaqq: Mȓi ḏaywem lʼiman ɣir anect ijjen n ṯḥebbuct n bugarḏaȓ, aḏ tinim i uḏrar-a: Neqȓeƹ-d cek ssanita ruḥ ɣar ḏiha ataf aḏ d ineqȓeƹ. War xawem iteqsiḥ walu.

Matta 17:20 ပူးပေါင်းရင်းမြစ်များ

Matta 13:31

Inna-asen Ƹisa ijjen n ȓmaƹna nneɣni: "Ȓmulk ujenna igga am yijjen n zzarriƹeṯ n yijjen n nnuƹ n arbiƹ qqaren-as bugarḏaȓ. Iysi-t ijjen n uryaz iẓẓu-t ḏeg umarjeƹ nnes.

Matta 14:29

Inna-as Ƹisa: "Araḥ-d!" Ikkar ihwa-d Buṭrus zi ṯɣarrabut iggur x iḍaren x waman ɣar Ƹisa.

Matta 17:17

Indeq-d Ƹisa inna-asen: "A iwḏan n ȓweqṯ-a iy ḏi war iǧi bu lʼiman, a yinni iffɣen abriḏ! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awim-ayi-ṯ-id ḏa."

Matta 17:19

Qarrben-d imeḥḍaren ɣar Ƹisa waḥḏes nnan-as: "Mayemmi zaƹma neccin tuɣa war nzemmar aṯ nsufeɣ?"

Matta 17:9

Wami d hewwan zeg uḏrar iweṣṣa-ṯen Ƹisa inna-asen: "War tƹawaḏem i ḥadd min ṯeẓrim aȓ d ɣa ikkar Mmis n bnaḏem zi ȓmewṯ."

Matta 21:21

Indeq-d Ƹisa inna-asen: "Aqa tesȓam ȓḥaqq: Mȓi ḏaywem lʼiman war ṯcekkim ca, ataf aḏ teggem ktar zi min itwaggen i ṯcejjarṯ-a. Meȓa ṯennim i uḏrar-a: Neqȓeƹ-d cek ssanita ṯmenḍareḏ ḏi ȓebḥar, ataf aḏ ineqȓeƹ.

Matta 8:26

Inna-asen Ƹisa: "Mayemmi teggwḏem qaƹ ammu? Lʼiman nwem ḏ uqlil." Ȓexddenni ikkar isbedd arriḥ ḏ ȓemwaj, yarsa ȓḥaȓ.

Marqus 11:22

Indeq-d Ƹisa inna-asen: "Amnem zi Arebbi!

Marqus 11:23

Aqa tesȓam ȓḥaqq: Meȓa can yijjen inna-as i uḏrar-a: Neqȓeƹ-d cek ssanita ṯmenḍared ḏi ȓebḥar, u ḏeg wuȓ nnes war ḏayes bu ccekk yumen aḏ iwqeƹ manayenni, ataf manayenni aḏ yiȓi.

Marqus 4:31

Ȓmulk n Arebbi igga am yijjen n zzarriƹeṯ n yijjen n nnuƹ n arbiƹ qqaren-as bugarḏaȓ. Xmi t zerƹen ḏi ṯmurṯ tiȓi ḏ ṯamezyant qaƹ x marra ṯiḥebba iǧan ḏi ṯmurṯ.

Marqus 9:23

Inna-as Ƹisa: "Mayemmi iy ɣa ṯiniḏ meȓa zemmareɣ? Iwa wenni yumnen izemmar i kuȓci."

Luqa 1:37

War ṯeǧi bu can ȓḥajeṯ ṯeqseḥ ɣar Arebbi."

Luqa 17:6

Yarra xasen Siḏiṯneɣ inna-asen: "Mȓi ḏaywem lʼiman ɣir anect ijjen n ṯḥebbuct n bugarḏaȓ, ataf aḏas ṯinim i ṯcejjarṯ-a n ttuṯ: Neqȓeƹ-d cem s iẓewran ruḥ aḏ teẓẓuḏ ixef nnem ḏi ȓebḥar, ataf aḏawem ṯegg array."

Luqa 18:27

Indeq-d Ƹisa inna-asen: "Min war ḏas zemmaren ca yiwḏan, izemmar-as Arebbi."

Yuḥanna 11:40

Inna-as Ƹisa: "Yac nniɣ-am, meȓa ṯumneḏ aḏ teẓreḏ lƹaḍama n Arebbi?"

1 Ayṯ-Kurinṯ 12:9

Ijjen immuc-as lʼiman ijheḏ s ufus n Arruḥ-a wanita. Ijjen mmucent-as can lqudraṯ bac aḏ isgenfa s ufus n Arruḥ-a wanita.

1 Ayṯ-Kurinṯ 13:2

Nec maƹlik ɣari lqudra aḏ ssiwȓeɣ am lʼanbiya, maƹlik fehmeɣ marra min inuffaren ḏ marra ṯusna, maƹlik sxeddameɣ lʼiman aḏ smuttiɣ iḏurar-a, iȓi ḏ walu iy ǧiɣ nec meȓa war tḥibbiɣ ca.

Iƹibraniyen 3:19

Iwa neccin netwaȓa belli tuɣa war zemmaren ca aḏ aḏfen ḏi arraḥeṯ n Siḏi Arebbi minzi ugin aḏ amnen.