Matta 17:18 - Ṯarifiṯ 2020

¹⁸ Ƹisa isbedd jjenn nni aƹeffan, iffeɣ zeg uḥenjir nni igenfa ḏi ṯsaƹƹat nni.

Matta 17:18 ပူးပေါင်းရင်းမြစ်များ

Matta 12:22

Ssenni can yiwḏan uwin-as-d i Ƹisa ijjen n uryaz ḏ aḍarɣaȓ ḏ azeynun ḏayes jjenn. Isgenfa-ṯ Ƹisa ḥima aḏ issiweȓ aḏ itwaȓa.

Matta 15:28

Ikkar Ƹisa inna-as: "Cem a ṯamɣarṯ, lʼiman nnem ijheḏ s waṭṭas!" Inna-as: "Min ṯrezzuḏ aḏ tafeḏ." Ḏi ṯsaƹƹat nni ṯgenfa yeǧis.

Matta 17:17

Indeq-d Ƹisa inna-asen: "A iwḏan n ȓweqṯ-a iy ḏi war iǧi bu lʼiman, a yinni iffɣen abriḏ! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awim-ayi-ṯ-id ḏa."

Matta 17:19

Qarrben-d imeḥḍaren ɣar Ƹisa waḥḏes nnan-as: "Mayemmi zaƹma neccin tuɣa war nzemmar aṯ nsufeɣ?"

Matta 9:22

Ineqȓeb ɣares Ƹisa iẓri-t uca inna-as: "War teggweḏ ca a yeǧi, cem lʼiman nnem isgenfa-cem." Ṯgenfa ṯemɣarṯ nni ȓexddenni.

Marqus 1:34

Isgenfa aṭṭas n imehȓac ḏaysen lʼanwaƹ n ȓehȓacaṯ. Isufeɣ aṭṭas n jnun, war ṯen ijji ca aḏ ssiwȓen minzi jnun-a ssnen min iƹna.

Marqus 5:8

Inna manaya minzi Ƹisa tuɣa inna-as: "A jjenn aƹeffan ffeɣ zeg uryaz-a!"

Luqa 4:41

Zeg waṭṭas n yiwḏan ƹaweḏ teffɣen jnun snekkaren ṯɣuyyeṯ qqaren-as qa cek ḏ Mmis n Arebbi." Walakin netta itzeyyar-iṯen, war ṯen itejji ca aḏ ssiwȓen minzi ssnen netta ḏ Lmasiḥ.

Luqa 8:29

Inna manaya minzi Ƹisa tuɣa yumar jjenn nni aƹeffan ḥima aḏ iffeɣ zeg uryaz nni. Ƹaweḏ minzi jjenn nni iteṭṭef-iṯ aṭṭas n ṯwaȓaṯin. Waxxa teqqnen-as ifassen ḏ iḍaren nnes s snaseȓ ḥeṭṭan-ṯ, itrezza-ṯent indeh-iṯ jjenn nni ɣar ȓexȓa.

Luqa 9:42

Wami d iqarreb uḥenjir nni ɣar Ƹisa, iserjiji-ṯ jjenn nni iɣḍeȓ-iṯ ɣar ṯmurṯ. Isbedd Ƹisa jjenn nni aƹeffan, isgenfa aḥenjir nni yarri-ṯ i babas.

Ȓexḏayem 16:18

Ṯegga manayenni aṭṭas n nhuraṯ, Bulus war ḏas iƹjib bu ȓḥaȓ. Ineqȓeb-d ɣares inna-as i jjenn nni iy ḏayes: "Nec tamareɣ-cek ƹlaḥsab isem n Ƹisa Lmasiḥ azzayes ṯeffɣeḏ." Ȓexddenni iffeɣ jjenn nni zzayes ḏeg umcan.