Matta 16:28 - Ṯarifiṯ 2020

²⁸ Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Matta 16:28 ပူးပေါင်းရင်းမြစ်များ

Matta 10:23

Meȓa ƹeddben-kenniw ḏi can ṯendint, arewȓem ɣar ṯenneɣni. Aqa tesȓam ȓḥaqq: Aḏ d yas Mmis n bnaḏem, ataf kenniw ƹaḏ war ṯkemmȓem x min kenniw weṣṣiɣ ḏi ṯneddam n Ayṯ-Israʼil.

Matta 16:13

Wami yuweḍ Ƹisa ɣar jjiheṯ n ṯendint n Qayṣariya n Filippas, isseqsa imeḥḍaren nnes inna-asen: "Min qqaren yiwḏan x Mmis n bnaḏem?"

Matta 24:3

Wami iqqim Ƹisa ḏeg Uḏrar n Zzitun, qarrben-d ɣares imeḥḍaren nnes waḥeḏsen nnan-as: "Ini-yaneɣ cek, meȓmi ɣa iwqeƹ manaya? Min ṯeƹna lƹalama nni xmi d ɣa ṯaseḏ cek, ḏ ȓefna n zman?"

Matta 24:34

Aqa tesȓam ȓḥaqq: War tmettin yiwḏan n ȓweqṯ-a aȓ ɣa iwqeƹ marra manaya.

Matta 24:42

X manaya faqem baƹda, qa war ṯessinem ca meȓmi d ɣa iḏweȓ Siḏiṯwem.

Matta 26:64

Inna-as Ƹisa: "Aqa ṯenniḏ-ṯ cek. Innama, aqa qqareɣ-awem: Zi ssa aȓ ṯsawent aḏ teẓrem Mmis n bnaḏem iqqim x ufusi n Lqawi. Aṯ ṯeẓrem ƹaweḏ ihewwa-d ak useynu n ujenna."

Matta 8:20

Inna-as Ƹisa: "Uccanen ɣarsen ifran nsen, ijḍaḍ ɣarsen ȓaƹwac nsen, walakin Mmis n bnaḏem war ɣares uȓa ḏ mani ɣa isummeṯ azeǧif nnes."

Marqus 13:26

Ȓexddenni iy ɣa ẓren Mmis n bnaḏem ihewwa-d ḏeg useynu s lƹaḍama ḏ jjheḏ nnes imɣaren.

Marqus 8:38

Wenni xafi ɣa iƹeffaren nec niɣ aḏ iƹeffar x wawaȓ inu ḏi zman-a aƹeffan ixeddƹen Arebbi, ataf axas iƹeffar Mmis n bnaḏem xmi d ɣa yas s lƹaḍama n Babas ak lmalaʼikaṯ iqeddsen.

Marqus 9:1

Inna-asen Ƹisa: "Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren ȓmulk n Arebbi yusa-d s jjheḏ."

Luqa 18:8

Aḏawem iniɣ: Aḏasen yuc ȓḥaqq ḏeɣya. Innama, Mmis n bnaḏem nhar iy ḏi d ɣa yas, ma aḏ yaf lʼiman ḏi ṯmurṯ?"

Luqa 2:26

Tuɣa netta ixbar-iṯ Arruḥ iqeddsen war itmetti ca aȓ ɣa iẓer Lmasiḥ n Siḏ Arebbi.

Luqa 9:27

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren ȓmulk n Arebbi."

Yuḥanna 21:22

Inna-as Ƹisa i Buṭrus: "Nec meȓa xseɣ win aḏ iddar aȓ ɣa d ḏewȓeɣ, war ḏac iruḥ bu ȓḥaȓ. Cek ḏfar-ayi-d!"

Yuḥanna 8:51

Aqa tesȓam ȓḥaqq: Wenni iteggen array i wawaȓ inu ataf war itwiȓi ȓmewṯ ƹemmarṣ."

Yuḥanna 8:52

Nnan-as israʼiliyen: "Ȓexxu nessen belli cek ḏayek jnun. Siḏna Brahim ḏ lʼanbiya marra mmuṯen. Cek ṯeqqareḏ meȓa can yijjen aḏ igg array i wawaȓ inu ƹemmarṣ aḏ iqqas ȓmewṯ.

Ȓexḏayem 1:11

Nnan-asen: "Ay iryazen n ṯmurṯ n Ljalil, mayemmi ƹaḏ ṯbeddem ḏanita txezzarem ḏeg ujenna? Qa Ƹisa-ya wanita iy ḏawem itwarfƹen ɣar ujenna, mammec ṯ ṯeẓrim igaƹƹeḏ ɣar ujenna amenni iy d ɣa iḏweȓ."

1 Ayṯ-Kurinṯ 15:23

Walakin kuȓ ijjen nnubeṯ nnes: Lmasiḥ netta ḏ ṯafeǧaḥṯ ṯamezwarut. Xmi d ɣa iƹqeb netta, aḏ d tas nnubeṯ n yinni iǧan zzayes netta.

1 Ayṯ-Salunik 1:10

Ḥima aḏ trajam Mmis iy d ɣa yasen zeg ujenna wenni iy d isekkar Arebbi zeg imettinen iƹni Ƹisa iy ḏaneɣ isenjamen zeg uɣḍab nni iy d ɣa yasen.

Iƹibraniyen 2:9

Walakin Ƹisa wah, netwaȓa-ṯ ȓexxu s ttaj nnes n ȓuweqqar ḏ waṭṭas n ccan. Mayemmi? Lʼianna Ƹisa ḏeg yijjen n ȓweqṯ tuɣa isehwa-ṯ-iḏ Arebbi cwayt swadday i lmalaʼikaṯ iƹni wami iṣbar i ȓaƹḏab n ȓmewṯ. Bac netta s arḍa n Arebbi aḏ iqqas ȓmewṯ, ȓmewṯ nni aḏ tiȓi n marra iwḏan.

Yaƹqub 5:7

Ay ayṯma, ṣbareṯ aȓ d ɣa yas Siḏiṯneɣ. Xzareṯ ɣar ufeǧaḥ mammec itraja ṯafeǧaḥṯ n ṯmurṯ nnes, itraja-t s yijjen n ṣṣbar aȓ ɣa yuweṯ unẓar amezwaru ḏ wenni aneggaru.

2 Buṭrus 1:16

Wa cuf, neccin tuɣa war nḏeffar ca ṯiḥuja nni iy twaggent s ȓefṭaneṯ n bnaḏem wami iy kenniw nsefham x jjheḏ nnes ḏ Nhar nni iy ḏi d ɣa yas Siḏiṯneɣ Ƹisa Lmasiḥ; Lla, neccin neẓra s ṯiṭṭawin nneɣ mecḥaȓ ṯemɣar ṯuƹȓat nnes.

1 Yuḥanna 2:28

A iḥenjiren, ȓexxu ƹiceṯ ḏayes ḥima aɣarneɣ ṯiȓi ijjen n ttiqeṯ war zzayes narewweȓ ca s useḏḥi xmi d ɣa yas aḏaneɣ d imeḍhar.