Matta 16:24 - Ṯarifiṯ 2020

²⁴ Ssenni issiweȓ Ƹisa ak imeḥḍaren nnes inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes aḏayi iḏfar.

Matta 16:24 ပူးပေါင်းရင်းမြစ်များ

Matta 10:38

Wenni itagin aḏ iysi ṣṣalib nnes aḏayi iḏfar nec, ataf war ḏayi isḏiheǧ ca.

Matta 27:32

Ffɣen ssenni ȓƹaskar ufin ijjen n uryaz qqaren-as Simƹan zi ṯendint n Lqurina, ggin xas s bezzez aḏ yarbu ṣṣalib n Ƹisa.

Marqus 10:21

Ixzar ɣares Ƹisa yuḏef-as ɣar wuȓ nnes inna-as: "Qa ṯeqqim-ac ijjen n ȓḥajeṯ war t ṯeggiḏ ca." Inna-as: "Ruḥ zenz marra min ɣarek ḏ agȓa ṣeddeq-iṯ x ȓmusakin aɣarek yiȓi ȓkenz ḏeg ujenna, ȓexddenni araḥ-d cek ḏfar-ayi-d."

Marqus 15:21

Ijjen n uryaz ikka-d zi ȓkampu iƹḏu-d ssenni. Aryaz nni zi ṯendint n Lqurina qqaren-as Simƹan, netta ḏ babas n Iskander ak Arufus. Ggin xas ȓƹaskar ṣṣalib s bezzez ḥima aṯ yarbu.

Marqus 8:34

Iȓaɣa-d x imeḥḍaren nnes ḏ ȓɣaci inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes minxef ɣa iƹeddeb aḏayi iḏfar.

Luqa 14:27

Wenni irezzun aḏayi iḏfar war ikessi ca ṣṣalib nnes mix ɣa iƹeddeb, ataf war izemmar aḏ yiȓi ḏ ameḥḍar inu.

Luqa 23:26

Wami uwin Ƹisa aṯ ṣellben, ṭṭfen ijjen n uryaz zi ṯendint n Lqurina qqaren-as Simƹan, aryaz-a ikka-d zi ȓkampu iƹḏu-d ssenni. Sarbun-as ȓƹaskar ṣṣalib ḥima aṯ yarbu aḏ iḏfar Ƹisa.

Yuḥanna 19:17

Iffeɣ Ƹisa yarbu ṣṣalib s yixef nnes iruḥ ɣar yijjen n umcan qqaren-as S wawaȓ n israʼiliyen qqaren-as

Yuḥanna 21:19

Inna manayenni Ƹisa ḥima aḏ isbeyyen mamc ɣa immeṯ Buṭrus ḥima aḏ tmeḍhar lƹaḍama n Arebbi. Wami iy ḏas inna manayenni, inna-as: "Ḏfar-ayi-d."

Yuḥanna 21:22

Inna-as Ƹisa i Buṭrus: "Nec meȓa xseɣ win aḏ iddar aȓ ɣa d ḏewȓeɣ, war ḏac iruḥ bu ȓḥaȓ. Cek ḏfar-ayi-d!"

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

1 Ayṯ-Salunik 3:3

Nessekk-iṯ ḥima uȓa ḏ ijjen war iterjiji ca s ȓemḥayen-a nwem; Aqa ṯessnem belli manaya iy xaneɣ yurin.

2 Timutawus 3:12

Ḏ ṣṣaḥ, marra wenni iy irezzun aḏ iƹic s lʼiman iǧan ḏi Ƹisa Lmasiḥ qa aḏ itwaƹeddeb.

1 Buṭrus 2:21

Iȓaɣa-yawem-d Arebbi ɣar manaya minzi Lmasiḥ itwaƹeddeb ƹlaḥsab kenniw; Ijja-awem-d ijjen n lmiṯal aṯ tḏeffarem ḏeg isurifen nnes.