Matta 16:21 - Ṯarifiṯ 2020

²¹ Ssenni ibḏa Ƹisa isfehham i imeḥḍaren nnes belli labud aḏ iraḥ netta ɣar ṯendint n Lquds aḏ itwaƹeddeb x waṭṭas n ṯmesȓayin x ufus n imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa. Aṯ nɣen, wis ṯeȓtiyyam aḏ d itwasekkar zi ȓmewṯ."

Matta 16:21 ပူးပေါင်းရင်းမြစ်များ

Matta 12:40

Amec iseƹḏu Yunes ṯeȓtiyyam jar ǧiyaȓi ḏ wussan ḏeg uƹeddis n usȓem ameqqran, amenni iy ɣa iseƹḏu Mmis n bnaḏem ṯeȓtiyyam jar ǧiyaȓi ḏ wussan ḏeg uƹeddis n ṯmurṯ.

Matta 16:22

Isbeƹƹeḏ-iṯ Buṭrus waḥḏes inha-ṯ inna-as: "Ac iḥfeḍ Arebbi a Siḏi! Ƹemmarṣ war ḏac itewqiƹ manaya."

Matta 16:28

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Matta 17:12

Walakin qqareɣ-awem: Aqa Ilyas nni yusa-d niṯni war ṯ ssinen ca, xeḏmen ḏayes min xsen. Amenni iy ɣa ƹeddben Mmis n bnaḏem."

Matta 17:9

Wami d hewwan zeg uḏrar iweṣṣa-ṯen Ƹisa inna-asen: "War tƹawaḏem i ḥadd min ṯeẓrim aȓ d ɣa ikkar Mmis n bnaḏem zi ȓmewṯ."

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Matta 26:2

"Ṯessnem belli Ȓƹiḏ Ameqqran n Ayṯ-Israʼil iqqim-as yuwmayen. Ḏayes iy ɣa itwasellem Mmis n bnaḏem aḏ itwaṣelleb."

Matta 26:47

Yallah Ƹisa issawaȓ yuweḍ-d Yahuḏa, ijjen zi ṯenƹac nni n arrusul nnes. Yuwi-d akiḏes ȓɣaci aṭṭas ysin ȓesyuf ḏ idebbuzen. Ssekken-ṯen-d arruyas n ȓfuqaha ḏ imeqqranen n Ayṯ-Israʼil.

Matta 27:12

Wami ṯ tahamen arruyas n ȓfuqaha ḏ imeqqranen n Ayṯ-Israʼil, war xasen yarri ca.

Matta 27:63

Nnan-as: "Neccin neƹqeȓ a siḏi belli wami tuɣa iddar uɣeddar nni inna-d menbaƹd i ṯeȓtiyyam nec aḏ d kkareɣ zi ȓmewṯ."

Matta 28:6

Netta war ḏa iǧi ca, ikkar-d zi ȓmewṯ ƹlaḥsab mammec inna zi qbeȓ. Araḥent-id aḏ teẓrent amcan nni mani tuɣa iǧa.

Marqus 8:31

Ibḏa iseȓmaḏ-iṯen inna-asen: "Aqa Mmis n bnaḏem itxeṣṣa-yas aḏ itwaƹeddeb x waṭṭas n ṯmesȓayin, aṯ ƹiffen imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa. Aṯ nɣen, wis ṯeȓtiyyam aḏ d ikkar zi ȓmewṯ."

Marqus 9:12

Inna-asen Ƹisa: "Ḏ ṣṣaḥ itxeṣṣa aḏ d yas Ilyas ḏ amezwaru aḏ iƹḏeȓ kuȓci. Walakin mayemmi iqqar Lkitab belli itxeṣṣa-yas i Mmis n bnaḏem aḏ itwaƹeddeb, aṯ ƹiffen?

Luqa 17:25

Walakin itxeṣṣa-as ḏ amezwaru aḏ itwaƹeddeb aṭṭas, aṯ ƹiffen yiwḏan n ȓweqṯ-a.

Luqa 24:46

Inna-asen: "Ammu iy yura ḏi Lkitab qa itxeṣṣa i Lmasiḥ aḏ itwaƹeddeb aḏ d ikkar zi ȓmewṯ wis ṯeȓtiyyam.

Luqa 9:31

Meḍharen-d ak Ƹisa s yijjen n lƹaḍama ḏ ṯameqqrant, bḏan ssawaȓen akiḏes x wufuɣ nnes iy zi ɣa iffeɣ ḏeɣya zi Lquds.